
Tata Sierra EV Achieves Five Star Safety Rating (फोटो सौजन्य-AI एआय)
Tata Sierra EV ने Bharat NCAP Crash Test मध्ये 5 स्टार सेफ्टी रेटिंग मिळवत आपली सुरक्षितता सिद्ध केली आहे. Tata Motors च्या या इलेक्ट्रिक SUV ला प्रौढ प्रवासी सुरक्षेसाठी 32 पैकी 30.62 गुण, तर लहान मुलांच्या सुरक्षेसाठी 49 पैकी 45 गुण मिळाले आहेत. विशेष म्हणजे, पेट्रोल आणि डिझेल मॉडेल्सनंतर आता इलेक्ट्रिक व्हर्जनलाही 5 स्टार रेटिंग मिळाले आहे.
भारत NCAP ने सिएरा EV च्या Empowered A 75 QWD या ऑल-व्हील ड्राइव्ह व्हेरिएंटची जून 2026 मध्ये क्रॅश टेस्ट केली. या मॉडेलमध्ये 75 kWh बॅटरी पॅक आणि ड्युअल इलेक्ट्रिक मोटर दिल्या आहेत. टेस्टदरम्यान या SUV चे वजन 2,412 किलो नोंदवण्यात आले. कंपनीच्या दाव्यानुसार, या व्हेरिएंटची MIDC प्रमाणित ड्रायव्हिंग रेंज 624 किमी आहे. या टेस्टचा 5 स्टार निकाल कंपनीच्या ऑफीशल व्हेरिएंट लिस्टमधील इतर मॉडेल्सनाही लागू होतो.
JSW Motors ची AWS सोबत मोठी पार्टनरशिप! Connected Car Data आता भारतातच सुरक्षित राहणार
फ्रंटल ऑफसेट क्रॅश टेस्टमध्ये चालक आणि पुढच्या प्रवाशाच्या डोके, छाती, पेल्विस आणि मांड्यांना चांगले सेफ्टी मिळाले. पायांच्या खालच्या भागाला समाधानकारक संरक्षण मिळाले, तर चालकाच्या पायांच्या संरक्षणात काही मर्यादा दिसल्या. ही चाचणी 64 किमी प्रतितास स्पीडने समोरून होणाऱ्या धडकेची परिस्थिती तपासते.
साइड मोबाईल बॅरिअर टेस्टमध्ये सिएरा EV ने पूर्ण मार्क मिळवले. डोके, छाती, पोट आणि पेल्विसला चांगले संरक्षण मिळाले. साइड पोल इम्पॅक्ट टेस्टमध्येही कारला ‘ओके’ रेटिंग मिळाले. चाइल्ड सेफ्टी टेस्टमध्ये 18 महिने आणि 3 वर्षांच्या मुलांचे प्रतिनिधित्व करणाऱ्या डमी वापरण्यात आल्या. फ्रंटल आणि साइड क्रॅश टेस्टमध्ये दोन्ही डमींना पूर्ण गुण मिळाले. चाइल्ड सीट इन्स्टॉलेशन टेस्टमध्येही पूर्ण गुण मिळाले.
सुरक्षेसाठी या SUV मध्ये 6 एअरबॅग्ज, इलेक्ट्रॉनिक स्टॅबिलिटी कंट्रोल, ABS, EBD, ट्रॅक्शन कंट्रोल, हिल होल्ड असिस्ट, हिल डिसेंट कंट्रोल आणि TPMS यांसारखी फीचर्स स्टँडर्ड आहेत. मागच्या बाजूच्या दोन्ही बाहेरील सीटवर ISOFIX आणि i-Size अँकरजेस दिले आहेत.
भारतात टाटा सिएरा EV ची एक्स-शोरूम किंमत 18.79 लाख ते 25.99 लाख रुपये आहे. महिंद्रा BE 6, मारुती सुझुकी ई विटारा आणि व्हिनफास्ट VF6 या 5 स्टार रेटिंग मिळवलेल्या इलेक्ट्रिक SUV सोबत ही कार स्पर्धा करते.
Ans: टाटा सिएरा EV ला Bharat NCAP क्रॅश टेस्टमध्ये प्रौढ आणि लहान मुलांच्या सुरक्षेसाठी 5 स्टार रेटिंग मिळाले आहे.
Ans: या इलेक्ट्रिक SUV ला प्रौढ प्रवासी सुरक्षेसाठी 32 पैकी 30.62 गुण आणि लहान मुलांच्या सुरक्षेसाठी 49 पैकी 45 गुण मिळाले.
Ans: टाटा सिएरा EV ची एक्स-शोरूम किंमत 18.79 लाख ते 25.99 लाख रुपये आहे. टेस्ट केलेल्या 75 kWh ऑल-व्हील ड्राइव्ह व्हेरिएंटची MIDC प्रमाणित रेंज 624 किमी आहे.