Tata Sierra चा नवा अंदाज! ‘या’ दिवशी होणार ग्रँड एन्ट्री; पाहा काय आहेत फिचर्स ?

रतीय इलेक्ट्रिक कार बाजारपेठेत टाटा मोटर्सचे आधीच मजबूत स्थान आहे आणि आता कंपनी आपलं स्थान आणखी मजबूत करण्यासाठी मार्केटमध्ये नवीन Sierra EV उतरवत आहे. मिळालेल्या माहितीनुसार, Tata Sierra EV १९ मे २०२६ रोजी लॉन्च होणार.

• आणखी मजबूत करण्यासाठी मार्केटमध्ये नवीन Sierra EV
• कोणत्या कार्सशी करणार स्पर्धा?
• लुक आणि मॉडर्न डिजाइन

Tata Sierra EV Launch Timeline: भारतीय इलेक्ट्रिक कार बाजारपेठेत टाटा मोटर्सचे आधीच मजबूत स्थान आहे आणि आता कंपनी आपलं स्थान आणखी मजबूत करण्यासाठी मार्केटमध्ये नवीन Sierra EV उतरवत आहे. मिळालेल्या माहितीनुसार, Tata Sierra EV १९ मे २०२६ रोजी लॉन्च होण्याची शक्यता आहे. कंपनी विशेषतः अशा ग्राहकांना टार्गेट करत आहे ज्यांना एक स्टायलिश आणि वैशिष्ट्यपूर्ण इलेक्ट्रिक SUV हवी आहे. त्यांच्यासाठी ही कार उत्तम पर्याय ठरणार आहे. त्यामुळे मार्केटमधील स्पर्धा आणखीनच वाढणार आहे.

18 लाखात Range Rover तर Creta ची किंमत 6 लाख, ‘इथं’ मिळताहेत होलसेलमध्ये उत्तम दर्जाच्या कार

कोणत्या कार्सशी करणार स्पर्धा?

Tata Sierra EV भारतात Hyundai Creta EV, Maruti E-Vitara, Mahindra BE सीरीज आणि MG Windsor EV यांसारख्या अनेक शक्तिशाली इलेक्ट्रिक SUV या कार्सशी स्पर्धा करणार आहे. Tata ही SUV Curvv EV आणि Harrier EV यांच्या दरम्यानची कार असणार आहे. म्हणजेच ही एक मध्यम-श्रेणीतील प्रीमियम इलेक्ट्रिक SUV कार असणार आहे. यामध्ये सिंगल मोटर तसेच ड्युअल मोटरचा पर्याय दिला जाऊ शकतो, ज्यामुळे तिच्या कामगिरीत आणखी सुधारणा होण्याची शक्यता आहे.

लुक आणि मॉडर्न डिजाइन

Tata Sierra EV आकर्षक आणि आधुनिक डिझाइनसह मार्केटमध्ये उतरणार आहे. ही गाडी Tata च्या नवीन इलेक्ट्रिक वाहनांसाठी असलेल्या Acti.ev + प्लॅटफॉर्मवर तयार केली जाईल. यामध्ये क्लोज्ड फ्रंट ग्रिल, रुंद असे LED DRLs आणि स्प्लिट हेडलॅम्प सेटअपने सुसज्ज असणार आहे. फ्लश डोअर हँडल, नवीन डिझाइनचे अलॉय व्हील्स आणि कनेक्टेड LED टेललाइट्स या गाडीला एक प्रीमियम आणि आकर्षक लूक देतील. ही SUV रस्त्यावर दणकट आणि स्टायलिश दोन्ही दिसेल, त्यामुळे ती तरुण ग्राहकांना आणि कुटुंबाचा विचार करणाऱ्या ग्राहकांसाठी बेस्ट मॉडेल आहे.

फीचर्स आणि प्रीमियम इंटीरियर

Tata Sierra EV चा इंटिरियर प्रीमियम आणि वैशिष्ट्यपूर्ण असेल. यात ट्रिपल-स्क्रीन सेटअप असू शकतो, ज्यामुळे त्याला आधुनिक लुक मिळणार आहे. यात वायरलेस चार्जिंग, स्मार्टफोन कनेक्टिव्हिटी, ॲम्बियंट लायटिंग, पॉवर सीट्स आणि ड्युअल-झोन क्लायमेट कंट्रोल यांसारखी वैशिष्ट्ये देखील असतील. या सर्व वैशिष्ट्यांमुळे ड्रायव्हिंग आरामदायक आणि सुलभ होणार आहे. सुरक्षेसाठी, यात सहा एअरबॅग्ज, ३६०-डिग्री कॅमेरा आणि लेव्हल २ ADAS यांसारखी प्रगत वैशिष्ट्यांचा समावेश असणार आहे. या सगळ्यामुळे ही कार जास्त सुरक्षित ठरणार आहे.

दमदार बॅटरी आणि शानदार रेंज

Tata Sierra EV ५५kWh ते ७०kWh क्षमतेचा बॅटरी पॅक मिळणार आहे. एकदा चार्ज केल्यावर तिची रेंज अंदाजे ६०० किलोमीटर असण्याची शक्यता आहे. ज्यामुळे ती लांबच्या प्रवासासाठी एक उत्तम आदर्श ठरु शकते. ती सिंगल आणि ड्युअल मोटर या दोन्ही पर्यायांसह मार्केटमध्ये उतरु शकते. तसेच, यामध्ये V2L म्हणजेच व्हेईकल टू लोड आणि V2V म्हणजेच व्हेईकल टू व्हेईकल सारखी आधुनिक वैशिष्ट्ये देखील असण्याची शक्यता आहे.

कारची किंमत काय असू शकते?

Tata Sierra EV ची किंमत अंदाजे १५ लाख ते १७ लाख रुपये एक्स-शोरूम किंमतीपासून सुरू होण्याची शक्यता आहे. या किमतीत, ही SUV एक उत्तम पर्याय ठरू शकते. विशेषतः ज्यांना परवडणाऱ्या किमतीत एक प्रीमियम इलेक्ट्रिक SUV हवी आहे त्यांच्यासाठी ही कार उत्तम उदाहरण ठरते.

King Khan ने आपल्या ‘क्वीन’ साठी खरेदी केली Mercedes ची नवी आलिशान वॅन, फिचर्स पाहून तुम्हीही पडाल प्रेमात