गुरुवार, 24 सप्टेंबर 2026
(फोटो सौजन्य-AI एआय)
या निधीचा वापर कंपनीच्या सध्याच्या F77 आणि X-47 मॉडेल्सचे उत्पादन वाढवण्यासाठी केला जाणार आहे. याशिवाय आगामी टेसेरॅक्ट इलेक्ट्रिक स्कूटर आणि शॉकवेव्ह एंड्युरो मोटरसायकलसाठीही उत्पादन क्षमता वाढवण्यावर भर असेल. कंपनीने मोठ्या प्रोडक्शन क्षमतेच्या नव्या प्लांटची योजना आखली असून भविष्यात देशांतर्गत तसेच परदेशातील मागणी पूर्ण करण्यासाठी त्याचा उपयोग होणार आहे.
Vinfast Grand Premia इलेक्ट्रिक मोटरबाइकचे डिझाइन आले समोर! खास फ्रंट फेअरिंगसह येणार ही नवी बाइक
अल्ट्राव्हायोलेटचा पुढचा फोकस केवळ मोटरसायकल विक्रीपुरता मर्यादित नाही. कंपनी विविध वाहनांसाठी नवीन EV प्लॅटफॉर्म विकसित करत आहे. बॅटरी, पॉवर इलेक्ट्रॉनिक्स, वाहन आर्किटेक्चर आणि सॉफ्टवेअर यांसारख्या महत्त्वाच्या टेक्नोलॉजीवर कंपनीने स्वतःची क्षमता तयार केली आहे. तिच्या बॅटरी तंत्रज्ञानात 48V ते 400V पर्यंतच्या आर्किटेक्चरचा समावेश असल्याचे कंपनीने सांगितले आहे.
सध्या अल्ट्राव्हायोलेटची F77 आणि X-47 ही मॉडेल्स भारतीय ग्राहकांपर्यंत पोहोचली आहेत. X-47 मध्ये रडार आधारित सुरक्षा तंत्रज्ञानाचाही वापर करण्यात आला आहे. कंपनीच्या आगामी उत्पादनांमध्ये टेसेरॅक्टला विशेष महत्त्व आहे. अधिकृत माहितीनुसार त्याचे उत्पादन Q1 2027 मध्ये अपेक्षित आहे, तर शॉकवेव्हद्वारे कंपनी इलेक्ट्रिक एंड्युरो सेगमेंटमध्ये प्रवेश करण्याची तयारी करत आहे.
Triumph Scrambler 400 X पावर, पर्फोर्मंस आणि इंजिनाची A टू Z माहिती! जाणून घ्या
आंतरराष्ट्रीय विस्तारही कंपनीच्या योजनेचा महत्त्वाचा भाग आहे. युरोपमध्ये उपस्थिती वाढवल्यानंतर अल्ट्राव्हायोलेटने 2027 मध्ये अमेरिकन मार्केटमध्ये प्रवेश करण्याची योजना आखली आहे. लॅटिन अमेरिका आणि दक्षिण-पूर्व आशियातील संधींचाही कंपनी विचार करत आहे. नव्या गुंतवणुकीमुळे प्रोडक्शन, टेक्नोलॉजी आणि जागतिक विस्तार या तिन्ही आघाड्यांवर कंपनीला वेग देण्याची संधी मिळणार आहे.
