जबरदस्त ऑफर! यामाहाच्या स्कूटर RayZR 125 Fi हायब्रिडवर १० वर्षांच्या वॉरंटीसह १०,००० रुपयांची सूट

यामाहा कंपनीने त्यांच्या 70 व्या स्थापना दिनानिमित्त ग्राहकांसाठी एक खास ऑफर आणली आहे. RayZR १२५ Fi हायब्रिड स्कूटरवर 10 हजार रुपयांपर्यंत सूट दिली जात आहे, याशिवाय 10 वर्षांची हमी

यामाहा कंपनीने त्यांच्या ७० व्या वर्धापनदिनानिमित्त ग्राहकांसाठी एक खास ऑफर आणली आहे. RayZR १२५ Fi हायब्रिड स्कूटरवर १०,००० रुपयांपर्यंतचा फायदा दिला जात आहे. तसेच, कोणत्याही अतिरिक्त शुल्काशिवाय एकूण १० वर्षांची वॉरंटी देखील दिली जात आहे. Yamaha Motor Company Limited ग्राहकांना उत्तम कामगिरी आणि उत्तम रायडिंग अनुभव देऊ इच्छिते. या निमित्ताने, RayZR १२५ Fi हायब्रिड आणि RayZR १२५ Fi हायब्रिड स्ट्रीट रॅली स्कूटरवर ७००० रुपयांची सूट दिली जात आहे. ही ऑफर मर्यादित काळासाठी आहे आणि एक्स-शोरूम किमतीत उपलब्ध असेल.

Yamaha Motor Company Limited (YMC) १९५५ पासून सतत नवनवीन शोध घेत आहे. कंपनी आपल्या ग्राहकांसाठी काहीतरी नवीन करण्याचा विचार करत राहते आणि या प्रयत्नात, आता RayZR १२५ Fi हायब्रिड आणि RayZR १२५ Fi हायब्रिड स्ट्रीट रॅली स्कूटरवर वर्धापनदिन सवलत जाहीर करण्यात आली आहे. या ऑफरसह, ग्राहक ऑन-रोड किमतीत १०,००० रुपयांपर्यंत बचत करू शकता (फोटो सौजन्य – Yamaha) 

फायदाच फायदा

याशिवाय, यामाहाची १० वर्षांची वॉरंटी देखील उपलब्ध आहे. यामुळे १२५ सीसी सेगमेंटमध्ये RayZR स्कूटर आणखी चांगला पर्याय बनला आहे. या १० वर्षांच्या एकूण वॉरंटीमध्ये २ वर्षांची स्टँडर्ड वॉरंटी आणि ८ वर्षांची एक्सटेंडेड वॉरंटी समाविष्ट आहे. आम्ही तुम्हाला येथे सांगतो की स्टँडर्ड वॉरंटी ही कंपनी प्रत्येक स्कूटरसोबत देते. 

एक्सटेंडेड वॉरंटी ही एक प्रकारची विमा आहे, जी तुम्हाला अतिरिक्त पैसे देऊन खरेदी करावी लागते. पण यावेळी यामाहा ही वॉरंटी मोफत देत आहे. या वॉरंटीमध्ये इंजिन आणि इलेक्ट्रिकल पार्ट्स समाविष्ट असतील. ही वॉरंटी १,००,००० किलोमीटरपर्यंतची आहे.

Thinnest Car In The World: बाईकपेक्षाही बारीक कार, पाहून लोक थक्क! म्हणाले कोणी केला ‘कार’नामा

अशी आहे किंमत

Yamaha Ray ZR 125 Fi Hybrid वेगवेगळ्या मॉडेल्स आणि रंगांच्या पर्यायांमध्ये उपलब्ध आहे. ड्रम ब्रेक मॉडेलची किंमत 79,340 रुपये आहे आणि ती सायन ब्लू, मेटॅलिक ब्लॅक आणि मॅट रेड रंगांमध्ये उपलब्ध आहे. डिस्क ब्रेक मॉडेलची किंमत 86,430 रुपये आहे आणि ती सायन ब्लू, मेटॅलिक ब्लॅक, मॅट रेड, रेसिंग ब्लू आणि डार्क मॅट ब्लू रंगांमध्ये उपलब्ध आहे. Ray ZR 125 Fi Hybrid Street Rally ची किंमत 92,970 रुपये आहे आणि ती आइस फ्लूओ व्हर्मिलियन, सायबर ग्रीन आणि मॅट ब्लॅक रंगांमध्ये उपलब्ध आहे. या सर्व किंमती दिल्लीच्या एक्स-शोरूमच्या असल्याची माहिती आहे. 

काय आहेत वैशिष्ट्ये 

यामाहाची RayZR 125 Fi हायब्रिड स्कूटर आजच्या तरुणाईला लक्षात घेऊन बनवण्यात आली आहे. ही स्कूटर कामगिरी आणि मायलेज दोन्ही बाबतीत चांगली आहे. यात 125cc Fi ब्लू कोर इंजिन आहे, जे हायब्रिड पॉवर असिस्टसह येते. यामुळे स्कूटरचा वेग आणि मायलेज दोन्ही वाढते. यात स्मार्ट मोटर जनरेटर (SMG) आहे, ज्यामुळे स्कूटर सुरू करताना कोणताही आवाज येत नाही आणि ती सहजपणे सुरू होते. 

ही स्कूटर E20 इंधनाशी देखील सुसंगत आहे. याशिवाय, त्यात 21 लिटर अंडर-सीट स्टोरेज, फ्रंट टेलिस्कोपिक सस्पेंशन, साइड स्टँड इंजिन कट-ऑफ स्विच, ऑटोमॅटिक स्टॉप-अँड-स्टार्ट सिस्टम, डिजिटल इन्स्ट्रुमेंट क्लस्टर, Y-कनेक्ट ब्लूटूथ कनेक्टिव्हिटी यासह अनेक खास गोष्टी आहेत.

महाराष्ट्रात 1 जुलैपासून वाहन टॅक्समध्ये मोठा बदल, Luxury आणि CNG गाड्या आता महागणार, तपशील एका क्लिकवर