Medicine Price: रक्तदाबचे औषध रू. 9.40, डायबिटीस रु. 11.91; सरकारने तब्बल 30 आवश्यक औषधांचे दर केले कमी, वाचा यादी

सरकारने ३० अत्यावश्यक औषधांबाबत एक मोठा निर्णय घेतला आहे. रसायन आणि खते मंत्रालयाच्या औषधनिर्माण विभागाचा एक भाग असलेल्या राष्ट्रीय औषध किंमत प्राधिकरणाने ३० औषधांच्या किरकोळ किमती निश्चित केल्या आहेत

• सरकारने ३० औषधांच्या किमती केल्या कमी 

• रक्तदाबापासून डायबिटीसपर्यंत औषधांच्या किमती झाल्या कमी 

• औषधांबाबत सरकारचा मोठा निर्णय 

तेल आणि वायूच्या वाढत्या किमतींच्या पार्श्वभूमीवर, ३० अत्यावश्यक औषधांबाबत एक मोठा निर्णय घेण्यात आला आहे. रसायन आणि खते मंत्रालयाच्या औषधनिर्माण विभागाचा एक भाग असलेल्या राष्ट्रीय औषध किंमत प्राधिकरणाने (NPPA) ३० औषधांच्या किरकोळ किमती निश्चित केल्या आहेत. 

NPPA ने मधुमेह, रक्तदाब, जीवनसत्त्वे, कॅल्शियम, हाडांचे आजार, हृदयरोग आणि अवयव प्रत्यारोपण यांसारख्या विविध आजारांसाठी वापरल्या जाणाऱ्या औषधांच्या किरकोळ किमती निश्चित केल्या आहेत. नियम अधिक कडक करत, NPPA ने म्हटले आहे की, जर ग्राहकांना निर्धारित किमतीपेक्षा जास्त पैसे देण्यास सांगितले गेले, तर आवश्यक कारवाई केली जाईल.

३७ अत्यावश्यक औषधे स्वस्त होणार! सरकारने ‘या’ औषधांच्या नवीन किमती केल्या निश्चित, जाणून घ्या

कोणत्या आजारांसाठी औषधांच्या किमती निश्चित केल्या आहेत?

The National Pharmaceutical Pricing Authority has fixed the retail price of 30 drug formulations, including Vitamin D3 Oral Solution, Calcium, Vitamin D3, Methylcobalamin, L-Methylfolate Calcium, Pyridoxal-5 phosphate and others. pic.twitter.com/XzaN6Q8QRM — ANI (@ANI) May 31, 2026

सरकारने किंमत नियंत्रण आदेश, २०१३ अंतर्गत विविध आजारांसाठी वापरल्या जाणाऱ्या औषधांच्या आणि सप्लिमेंट्सच्या किरकोळ किमती निश्चित केल्या आहेत. अंदाजे ३० अत्यावश्यक औषध प्रकारांच्या किमती निश्चित करण्यात आल्या आहेत. नवीन किमती तात्काळ प्रभावाने लागू करण्यात आल्या आहेत.

कोणत्या औषधांची किती किंमत?

• सरकारने मधुमेहावरील औषधे एम्पाग्लिफ्लोझिन, सिटाग्लिप्टिन आणि मेटफॉर्मिन यांची किंमत प्रति टॅब्लेट ₹१४.८८ निश्चित केली आहे.
• मधुमेहासाठी वापरल्या जाणाऱ्या ग्लिमेपिराइड आणि नेटफॉर्मिन टॅब्लेटची किंमत ₹११.९१ निश्चित करण्यात आली आहे.
• रक्तदाब आणि हृदयरोगासाठी वापरल्या जाणाऱ्या बिसोप्रोलोल फ्युमरेट आणि अ‍ॅम्लोडिपिन यांची किंमत प्रति टॅब्लेट ₹९.४० निश्चित करण्यात आली आहे.
• अवयव प्रत्यारोपण शस्त्रक्रियेत वापरल्या जाणाऱ्या टारकोलिमीन प्रोलॉन्गड-रिलीज कॅप्सूलची किंमत प्रति टॅब्लेट ₹१२७ निश्चित करण्यात आली आहे.
• व्हिटॅमिन डी३ ओरल सोल्युशनच्या १ मिलीची किंमत प्रति मिली ₹१४.९१ निश्चित करण्यात आली आहे
• मिथाइलकोबालामिन, एल-मिथाइलफोलेट कॅल्शियम आणि कॅल्शियमसाठी वापरल्या जाणाऱ्या पायरीडॉक्सल-५ फॉस्फेट गोळ्यांची किंमत प्रति गोळी ₹१९.७८ निश्चित करण्यात आली आहे.
• वेदनाशामक जेलची किंमत प्रति ग्रॅम ₹३.३१ निश्चित करण्यात आली आहे
• निश्चित केलेल्या किमतीपेक्षा जास्त दर आकारणे खपवून घेतले जाणार नाही

Medicine Price Hike: 1 एप्रिलपासून 900 हून अधिक आवश्यक औषधे महागणार

कठोर कारवाई होणार 

औषध ​​विक्रेत्यांनी औषधांची किंमत सूची प्रदर्शित करणे आवश्यक आहे. जर कोणताही उत्पादक किंवा विपणन कंपनी निश्चित केलेल्या किमतीपेक्षा जास्त दर आकारेल, तर त्यांना अतिरिक्त रक्कम व्याजासह शासकीय तिजोरीत जमा करावी लागेल. औषध विक्रेत्यांवर कठोर कारवाई केली जाऊ शकते. ग्राहकांना औषधे खरेदी करताना MRP तपासण्याचे आवाहन करण्यात आले आहे, आणि जर त्यांच्याकडून जास्त दर आकारला गेला, तर ते nppa.gov.in या संकेतस्थळावर तक्रार करू शकतात.