अदानी डिजिटल लॅब्सचे विमानतळ अनुभव सुधारण्यासाठी नवे उपक्रम; ‘अदानी रिवॉर्डस्’ आणि ‘OneApp’मध्ये सुधारणा

अदानी डिजिटल लॅब्सने ‘अदानी रिवॉर्डस्’, ‘वनअॅप’ सुधारणा आणि डिजिटल लाउंजसारखे नवे उपक्रम सुरू करून प्रवाशांना डिजिटल-प्रथम, वैयक्तिकृत आणि सुलभ विमानतळ अनुभव देण्याची घोषणा केली.

फोटो सौजन्य - Social Media

Follow Us:

Follow Us:

अदानी एअरपोर्ट होल्डिंग्ज लिमिटेडच्या तंत्रज्ञान विभाग अदानी डिजिटल लॅब्स (एडीएल) ने भारतातील अदानीद्वारे व्यवस्थापित विमानतळांवरील प्रवाशांचा अनुभव अधिक खास करण्यासाठी महत्त्वाचे नवे उपक्रम जाहीर केले आहेत. या उपक्रमांत अदानी रिवॉर्डस्, ‘वनअॅप’मधील सुधारणा आणि डिजिटल लाउंज सेवा यांचा समावेश असून, विमानतळ आदरातिथ्य क्षेत्रात नवीन मापदंड प्रस्थापित झाले आहेत.

‘हा’ ज्वेलरी स्टॉक गुंतवणूकदारांना निराश करणार नाही, ब्रोकरेजने दिले ‘BUY’ रेटिंग

एडीएलच्या संचालिका सृष्टी अदानी यांनी सांगितले, ”नवीन एडीएल आपल्‍या कामकाजात उत्‍साह, विविध संकल्पना आणि उत्तम कौशल्‍य आणण्‍याचा प्रयत्‍न करत आहे. प्रवाशांना विशेष डिजिटल-प्रथम अनुभव देण्यासाठीच्‍या व्यापक धोरणामधील हा पहिला टप्पा आहे. आम्ही हाती घेतलेल्या प्रत्येक प्रकल्पात प्रवाशांच्‍या प्रवासाशी संबंधित समस्‍या कमी करण्‍यासह त्‍यांचे निराकरण करतो. आमच्‍या सेवांमध्‍ये अद्ययावत माहिती, खास रिवॉर्डस् आणि विशेष स्तरीय लाउंज यांचा समावेश असेल, जे मानक अॅग्रीगेटर ऑफरिंगच्या पलीकडे जाऊन वैयक्तिकृत डिजिटल अनुभव देतील, ज्यामुळे प्रवाशांना आमच्या विमानतळांवरून अधिक उत्तम प्रवासाचा आनंद मिळेल.”

वाढ आणि नाविन्यतेचा भाग म्हणून एडीएलने अहमदाबादमध्ये १५० आसनी नवीन कार्यालय सुरू केले असून, येथून प्रवाशांच्या सोयीसाठी उपाययोजना विकसित केल्या जातील. या उपायांत वेळेचे बंधन, लांब रांगा, आणि सुविधांबद्दल जागरूकतेचा अभाव यांसारख्या अडचणींचा निपटारा केला जाईल.

ONGC Q1 Results: कच्च्या तेलाच्या किमती घसरल्याचा परिणाम, कंपनीचा नफा १० टक्क्याने घसरून ८,०२४ कोटींवर

अदानी वनअॅप सर्व विमानतळ सेवा एका डिजिटल प्लॅटफॉर्मवर आणते. यामध्ये

• अदानी रिवॉर्डस् : भारतातील विमानतळांसाठी खास लॉयल्टी प्रोग्राम, ज्यामध्ये एफअँडबी, रिटेल, ड्युटी-फ्री, कार पार्किंग आणि ‘मीट अँड ग्रीट’ सेवांवर लाभ.
• विनासायास लाउंज अनुभव : लाउंज प्री-बुकिंग, कार्ड पात्रता तपासणी आणि रांगेशिवाय प्रवेश.
• एफअँडबी, ड्युटी-फ्री व रिटेल शॉपिंग : थेट अॅपमधून ब्राउझिंग आणि खरेदी.
• सोयीस्कर विमानतळ सेवा : गेटवर डिलिव्हरी, मल्टी-कार्ट ऑर्डर, ग्रुप ड्युटी-फ्री खरेदी, ‘पार्क अँड फ्लाय’.
• लाइव्ह फ्लाइट स्टेटस आणि त्वरित सूचना.
• हाय-स्पीड वाय-फाय आणि आवश्यक प्रवास माहिती.

या सर्व सुविधांमुळे प्रवाशांचा वेळ वाचेल, अनुभव अधिक सुलभ होईल आणि विमानतळावरचा प्रत्येक क्षण अधिक आरामदायी बनेल. एडीएलच्या या पुढाकारामुळे अदानी विमानतळे केवळ प्रवासाचे ठिकाण न राहता, वैयक्तिकृत डिजिटल आदरातिथ्याचा नवा अनुभव देणारी ठिकाणे बनतील.

Web Title: Adani digital labs new initiatives to improve airport experience

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com