एआय आणि डिजिटल कंटेंटमुळे मनोरंजन क्षेत्रात मोठी क्रांती! पीडब्ल्यूसी इंडियाच्या अहवालात धक्कादायक खुलासे
India Media Market: घरबसल्या किंवा कुठेही आपण मनोरंजनाचा आस्वाद घेऊ शकतो. देशांतर्गत मनोरंजन आणि मीडिया उद्योगाचा आकार २०२९ पर्यंत ४७.२ अब्ज डॉलर्सपर्यंत वाढण्याचा अंदाज आहे, जो २०२४ मध्ये ३२.२ अब्ज डॉलर्स होता. पुढील चार वर्षांत तो ७.८ टक्के चक्रवाढ वार्षिक वाढीच्या दराने (सीएजीआर) वाढण्याचा अंदाज आहे, जो जागतिक सरासरी ४.२ टक्के आहे.
पीडब्ल्यूसी इंडियाच्या अहवालात असे म्हटले आहे की, ही वाढ डिजिटल सहभाग वाढवणे, ब्रॉडबँड प्रवेश वाढवणे आणि ऑनलाइन सामग्रीचा वाढता वापर यामुळे होत आहे. हे घटक सर्व स्वरूपांमध्ये प्रेक्षकांचे वर्तन बदलत आहेत आणि प्लॅटफॉर्म, जाहिरातदार आणि निर्मात्यांसाठी संधी निर्माण करत आहेत.
इंटरनेट जाहिरातीत सर्वांत वेगाने वाढ इंटरनेट जाहिरात हा सर्वांत वेगाने वाढणारा विभाग आहे. २०२९ पर्यंत १५.९ टक्क्यांनी वाढून १३.०६ अब्ज डॉलर्सपर्यंत पोहोचण्याचा अंदाज आहे, जो २०२४ मध्ये ६.२५ अब्ज डॉलर्स होता. ओव्हर-द-टॉप (ओटीटी) आधारित महसूल २०२४ मध्ये २.२७ अब्ज डॉलर्सवरून २०२९ मध्ये ३.४७ अब्ज डॉलर्सपर्यंत वाढण्याचा अंदाज आहे. याला प्रादेशिक सामग्री, थेट ग्राहक मॉडेल्स आणि वाढत्या सदस्यांचा पाठिंबा मिळेल.
अहवालानुसार, आपण अशा एका वळणावर आहोत जिथे तंत्रज्ञान, विशेषतः कृत्रिम बुद्धिमत्ता (एआय), सामग्री कशी तयार केली जाते, शोधली जाते आणि कमाई केली जाते हे खरोखरच बदलत आहे. देशात इंटरनेटचा वापर वाढत आहे. एप्रिल-जून तिमाहीत १००.२८ कोटींवरून सप्टेंबर तिमाहीत इंटरनेट ग्राहकांची संख्या १०१.७८ कोटी झाली आहे.
हेही वाचा : UPS Pension Gratuity Rule: ग्रॅच्युइटीपासून ते पेन्शनपर्यंत…, केंद्र सरकारी कर्मचाऱ्यांसाठी हे मोठे बदल
२०२९ पर्यंत ४७ अब्ज डॉलर्सची किमत असेल. ओटीटी-आधारित महसूल ३.४७ अब्ज डॉलर्सपर्यंत पोहोचेल. १३.०६ अब्ज डॉलर्सपर्यंत इंटरनेट जाहिरात क्षेत्र पोहोचेल. १.०१ अब्ज डॉलर्सपेक्षा जास्त इंटरनेट ग्राहकांची संख्या असेल. सध्याच्या डिजिटल युगात ओटीटी प्लॅटफॉर्म आणि डिजिटल मार्केटिंग ट्रेंडिगमध्ये आहे. यामुळे कंपन्यांनासह वापरकर्त्यांना सुद्धा याचा मोठ्या प्रमाणात उपयोग होत आहे. वाढत्या तंत्रज्ञांनासोबत AI चे सुद्धा प्रमाणात वाढताना दिसून येत आहे.
.png "Videos"){kind=small}
