(फोटो सौजन्य-सोशल मीडिया)
एमसीएक्सवर सोमवारी ॲल्युमिनियमच्या किमती वाढल्या आहे. सकाळी 10:30 वाजता, मार्च डिलिव्हरीसाठी ॲल्युमिनियम 0.40% वाढून 347.50 रुपये प्रति किलोवर व्यवहार करत होता. 28 फेब्रुवारी रोजी इराण युद्ध सुरू झालं. याच्या एक दिवस आधी म्हणजेच 27 फेब्रुवारीला ॲल्युमिनियम 313 रुपये प्रति किलोवर बंद झाला होता. यानंतर, इराण युद्धाच्या काळात ते वेगाने वाढले. आता तो 347.50 रुपयांवर आहे. अशा स्थितीत या 17 दिवसांत सुमारे 11 टक्क्यांनी वाढ झाली आहे.
जेव्हा जेव्हा जागतिक तणाव निर्माण होतो तेव्हा सोन्याच्या किमती वाढतात. पण इराण युद्धात याच्या उलट चित्र पाहायला मिळत आहे. या 17 दिवसांपैकी काही दिवस वगळता सोन्याच्या किमतीत जवळपास दररोज घसरण होत आहे. आज सोमवारीही, एमसीएक्सवर एप्रिल डिलिव्हरीसाठी सोन्याचा भाव 2000 रुपये प्रति 10 ग्रॅमने घसरला. यासह सोन्याचा भाव 1,56,596 रुपयांवर पोहोचला. यापूर्वी 27 फेब्रुवारीला सोन्याचा भाव 1,62,104 रुपये प्रति 10 ग्रॅमवर बंद झाला होता. अशा परिस्थितीत या 17 दिवसांत सुमारे 3.40 टक्के घट झाली आहे.
गेल्या 17 दिवसांत चांदीच्या दरातही मोठी घसरण झाली आहे. सोमवारी एमसीएक्सवर मे डिलिव्हरीसाठी चांदी 5000 रुपये प्रति किलोने घसरली. यासह तो 2,54,000 रुपयांवर व्यवहार करत होता. 27 फेब्रुवारी रोजी चांदीचा भाव 2,82,644 रुपयांवर बंद झाला होता. अशा स्थितीत या 17 दिवसांत चांदीच्या दरात 10 टक्क्यांनी घसरण झाली आहे. म्हणजेच सोन्याबरोबरच चांदीच्या दरातही घसरण झाली आहे.
इराण युद्धामुळे पश्चिम आशियातील ॲल्युमिनियम निर्यातीवर मोठा परिणाम झाला आहे. त्यामुळे होर्मुझच्या आखातातून जहाजांच्या वाहतुकीवर परिणाम झाला आहे. त्यामुळे कतार आणि बहरीनच्या प्रमुख ॲल्युमिनियम स्मेल्टिंग प्लांटमधून होणारा पुरवठा थांबला आहे. कतार एनर्जीने ॲल्युमिनियम आणि काही रसायनांची विक्री थांबवली आहे. इंटरनॅशनल ॲल्युमिनिअम इन्स्टिट्यूटच्या म्हणण्यानुसार, गेल्या वर्षी पर्शियन गल्फ उत्पादकांनी जगातील सुमारे 8% ॲल्युमिनियम पुरवठा निर्यात केला.
.png "Videos"){kind=small}
