गुरुवार, 29 ऑक्टोबर 2026
सकाळी ईमेल पाहिला, अन् नोकरी गेली...; Amazon मध्ये पुन्हा मोठी नोकरकपात, 250 कर्मचाऱ्यांना फटका
रॉयटर्सच्या माहितीनुसार, Amazon ने नोकरकपातीच्या वृत्ताला दुजोरा दिला आहे. कंपनीच्या Devices and Services विभागात Kindle ई-रीडर, Alexa व्हॉइस असिस्टंट असलेली उपकरणे आणि इतर ग्राहक तंत्रज्ञान उत्पादनांवर काम केले जाते. या विभागातील बहुतांश प्रभावित कर्मचारी सॉफ्टवेअर डेव्हलपमेंटशी संबंधित असल्याची माहिती या प्रकरणाशी परिचित व्यक्तीने दिली आहे.
Google Pay, PhonePe वापरणाऱ्या SBI ग्राहकांसाठी मोठी बातमी! UPI सेवा ‘या’ दिवशी राहणार बंद?
विभागाच्या मानव संसाधन उपाध्यक्ष चेरी रॉबिन्सन यांनी कर्मचाऱ्यांना पाठवलेल्या संदेशात कंपनीने आपल्या पायाभूत कामकाजाचा आढावा घेतल्यानंतर काही पदे रद्द करण्याचा निर्णय घेतल्याचे सांगितले. मात्र, कोणत्या टीमवर सर्वाधिक परिणाम झाला किंवा नेमक्या किती कर्मचाऱ्यांना नोकरी गमवावी लागणार आहे, याबाबत कंपनीने सविस्तर माहिती दिलेली नाही.
Amazon ने अलीकडेच नवीन Kindle ई-रीडर आणि टॅबलेट लॉन्च केले आहेत. तसेच Alexa तंत्रज्ञानावर आधारित नवीन अलार्म क्लॉक आणि फोटो फ्रेमही सादर केल्याचे वृत्त आहे. त्यामुळे एका बाजूला कंपनी नवीन उत्पादनांवर काम करत असताना दुसऱ्या बाजूला कर्मचारीसंख्या कमी करत असल्याचे दिसत आहे.
कंपनीच्या म्हणण्यानुसार, कामकाज अधिक कार्यक्षम करणे आणि भविष्यातील उत्पादन योजनांनुसार कर्मचारीसंख्या निश्चित करणे हा या निर्णयामागील उद्देश आहे. मात्र, कोणताही विशिष्ट प्रकल्प बंद केल्यामुळे ही नोकरकपात करण्यात आली आहे, असे कंपनीने स्पष्ट केलेले नाही.
ऑक्टोबर महिन्यात Amazon मधील नोकरकपातीची ही दुसरी मोठी घटना आले आहे. महिन्याच्या सुरुवातीला कंपनीच्या मुख्य रिटेल व्यवसायातील सुमारे १,००० कर्मचाऱ्यांच्या नोकऱ्या कमी करण्यात आल्याचे सांगण्यात आले होते. त्यानंतर आता Devices and Services विभागातील पदांवर कपात करण्यात आली आहे.
रिटेल विभाग ऑनलाइन खरेदीच्या व्यवसायाशी संबंधित आहे, तर Devices and Services विभाग ग्राहकांसाठी तंत्रज्ञान उत्पादने विकसित करतो. दोन्ही विभागांतील या निर्णयांमुळे कंपनी आपल्या कामकाजाची रचना आणि मनुष्यबळाच्या गरजांचा आढावा घेत असल्याचे दिसते.
एका बाजूला Amazon काही विभागांमध्ये कर्मचारीसंख्या कमी करत असताना दुसऱ्या बाजूला कृत्रिम बुद्धिमत्ता (AI) आणि क्लाउड कंप्युटिंग क्षेत्रात मोठ्या प्रमाणावर गुंतवणूक करत आहे. कंपनीचे मुख्य कार्यकारी अधिकारी अँडी जॅसी यांनी यापूर्वी Amazon Web Services (AWS) च्या वाढत्या क्षमतेच्या मागणीबाबत भाष्य केले होते. २०२७ आणि २०२८ मधील क्लाउड क्षमतेचा मोठा हिस्सा ग्राहकांसाठी आरक्षित असल्याचे त्यांनी सांगितले होते.
Amazon ने २०२६ साठी सुमारे २२० अब्ज डॉलरच्या भांडवली खर्चाचे नियोजन केले आहे. या खर्चामध्ये पायाभूत सुविधा आणि तंत्रज्ञानाशी संबंधित गुंतवणुकीचा समावेश आहे.
Amazon च्या ताज्या नोकरकपातीचा परिणाम प्रामुख्याने Devices and Services विभागातील कर्मचाऱ्यांवर झाला आहे. कंपनीने या निर्णयामागे कामकाजातील कार्यक्षमता आणि उत्पादन योजनांशी सुसंगत कर्मचारीसंख्या ही कारणे दिली आहेत. आगामी काळात कंपनी AI, क्लाउड सेवा आणि ग्राहक तंत्रज्ञान उत्पादनांमधील गुंतवणुकीतून किती वाढ साधते, तसेच मनुष्यबळ आणि खर्च यांच्यात संतुलन कसे राखते, याकडे लक्ष असेल.
Reliance Industries Results: तिमाही निकाल ‘या’ दिवशी जाहीर होणार; लाभांश मिळणार का?
Ans: Amazon ने Devices and Services विभागातील सुमारे २५० पदे रद्द करण्याचा निर्णय घेतल्याचे वृत्त आहे.
Ans: या नोकरकपातीचा परिणाम Devices and Services विभागातील कर्मचाऱ्यांवर झाला आहे. या विभागात Kindle, Alexa-सक्षम उपकरणे आणि इतर ग्राहक तंत्रज्ञान उत्पादनांवर काम केले जाते.
Ans: कंपनीने कामकाज अधिक कार्यक्षम करणे आणि कर्मचारीसंख्या भविष्यातील उत्पादन योजनांशी जुळवून घेणे, ही नोकरकपातीमागील कारणे सांगितली आहेत.
