गुरुवार, 29 ऑक्टोबर 2026
(फोटो सौजन्य- सोशल मीडिया)
Ashok Saraf: मराठी चित्रपटसृष्टीतील ज्येष्ठ अभिनेते अशोक सराफ यांची लोकप्रियता आजही कायम आहे. त्यांच्या अभिनयाचे आणि सहजसुंदर व्यक्तिमत्त्वाचे चाहते केवळ सर्वसामान्य प्रेक्षकच नाहीत, तर मनोरंजनविश्वातील कलाकारही आहेत. सध्या अशोक सराफ यांचा एक व्हिडीओ सोशल मीडियावर व्हायरल होत असून, त्यातील त्यांच्या हटके अंदाजाने नेटकऱ्यांचे लक्ष वेधून घेतले आहे.
अभिनेते अशोक सराफ हे कायम त्यांच्या साधेपणामुळे ओळखले जातात. ते कधी कोणताही बडेजाव केला नाही. पण सोशल मीडियावर व्हायरल होत आहे. ज्याने सोशल मीडियावर सर्वांचे लक्ष वेधून घेतले आहे. या व्हिडिओ अशोक सराफ हे थेट लॅम्बोर्गिनीमध्ये येऊन बसताना दिसत आणि ते तेथून निघून जातात .हा व्हिडिओ सध्या सोशल मीडियावर प्रचंड व्हायरल होत आहे. अभिनेते अशोक सराफ यांनी इतकी महागडी कधी घेतली? असा प्रश्न नेटकरी उपस्थित करत आहेत.
सोशल मीडियावर व्हायरल झालेल्या व्हिडिओमध्ये अशोक सराफ हे एका बिल्डींगमधून बाहेर येताना दिसत आहेत. त्यांनी राखाडी रंगाचा कुर्ता आणि पांढऱ्या रंगाचे धोतर नेसले आहे. चालत येऊन ते भगव्या रंगाच्या लॅम्बोर्गिंनी मध्ये बसतात. गाडीत बसण्यापूर्वी ते पायालले भगव्या रंगाचे फ्लिपफ्लॉप काढून बाजूला ठेवतात. अशोक सराफ यांचा हा स्वॅग सर्वांचे लक्ष वेधून घेत आहे.
View this post on Instagram
या व्हिडिओवर सध्या नेटकऱ्यांच्या भन्नाट कमेंट्स पाहायला मिळत आहेत. अशोक सराफ यांचा व्हिडिओ खरा आहे का? असा प्रश्न अनेकांना पडला आहे. काहींनी हा व्हिडिओ AI जनरेटेड असल्याचे देखील म्हटले आहे. या व्हिडिओवर नेटकऱ्यांसह अनेक कलाकरांनी कमेंट्स केल्या आहेत. तर काहींना या व्हिडिओमधील चूक शोधून काढली आहे. व्हिडिओमध्ये दिसत आहे की अशोक सराफ जेव्हा गाडीत बसतात तेव्हा त्यांच्या पायात भगव्या रंगाचे फ्लिपफ्लॉप असतात. पण जेव्हा ते गाडीतून खाली उतरतात तेव्हा त्यांच्या पायात वेगळीच चप्पल असते. यावरून हा व्हिडिओ एआय जनरेटेड असल्याचे स्पष्ट झाले आहे.अशोक सराफ यांचा हा व्हिडीओ पाहून अभिनेता स्वप्नील जोशीने देखील कमेंट केली आहे. त्याने केलेल्या कमेंटने सर्वांचे लक्ष वेधले आहे.
