सोमवार, 26 ऑक्टोबर 2026
Nokia चा भारतात मोठा गेमप्लॅन! ( सौजन्य - सोशल मीडिया )
एल अँड टी टेक्नॉलॉजी सर्व्हिसेस LTTS, जी एल अँड टी ची उपकंपनी आहे, तिने भारतातील इंजीनियरिंग आणि आरएंडडी एक्टिविटीज कार्यांमध्ये सहकार्य करण्यासाठी नोकियासोबत पाच वर्षांचा करार केला आहे. एल अँड टीने यावेळी स्पष्ट म्हटलं आहे की, या भागीदारीमुळे एलटीटीएसची अभियांत्रिकी क्षमता आणि नोकियाचे टेलीकम्युनिकेशन टेक्नोलॉजीचे कार्य एकत्र येणार आहे.
या करारानुसार, LTTS उत्पादन अभियांत्रिकी, सॉफ्टवेअर विकास, सिस्टम इंटिग्रेशन आणि प्रोडक्ट सपोर्ट यांसारख्या क्षेत्रांमध्ये नोकियाच्या संशोधन व विकास कार्यक्रमांना पाठिंबा देईल. या बातमीमुळे LTTS च्या शेअर्समध्ये तेजी दिसून येत आहे.
नोकियासोबत भागीदारीची घोषणा केल्यानंतर LTTS च्या शेअर्समध्ये जोरदार तेजी दिसून येत आहे. या शेअरने ₹४,००० चा टप्पा ओलांडला आहे. सकाळी १० वाजता, BSE वर हा शेअर ₹४,०४१.८० वर ट्रेड करत होता, जो ₹१३१.५० किंवा ३.३६ टक्क्यांनी वाढला आहे. शुक्रवारी, हा शेअर ₹३,९१० वर बंद झाला होता. त्यामुळे या निर्णयाचा शेअर मार्कटवर तरी फार चांगला परिणाम दिसून येत आहे.
या भागीदारीअंतर्गत, LTTS नोकियाच्या इंजीनियरिंग आणि R&D इनिशिएटिव्स (R&D) उपक्रमांना पाठिंबा देण्यासाठी भारतात एक डेडिकेटेड ‘ऑफशोर डेवलपमेंट सेंटर’ स्थापन करणार आहे. हे LTTS च्या “लक्ष्य ३१” धोरणाशी आणि कंपनीच्या नेक्स्ट-जनरेशन कम्प्युट व एआय इन्फ्रास्ट्रक्चरवरील फोकस सारखा असेल.
LTTS जगभरातील नोकियाच्या तंत्रज्ञान केंद्रांना पाठिंबा देण्यासाठी भारतात एक समर्पित अभियांत्रिकी टीम देखील स्थापन करेल. यामध्ये ५जी नेटवर्क्स, इंटेलिजेंट ऑटोमेशन, एआय-सक्षम ऑपरेशन्स आणि एआय इन्फ्रास्ट्रक्चर यांसारख्या क्षेत्रांचा समावेश असणार आहे.
LTTS इंटीग्रेटेड ऑपरेटिंग मॉडलद्वारे नोकियाच्या ग्लोबल R&D संघांसोबत जवळून काम करणार आहे. या सहकार्यामध्ये संशोधन आणि विकास, उत्पादन अभियांत्रिकी, नवीन उत्पादन विकास, एम्बेडेड सिस्टीम्स, सॉफ्टवेअर विकास, सिस्टीम इंटिग्रेशन आणि निरंतर सहाय्य यांचा समावेश असेल.
नोकियाचे अभियांत्रिकी विभागाचे सीनियर वाइस प्रेसिडेंट विवेक जयस्वाल यांच्या मते, AI पायाभूत सुविधांमधील अग्रणी म्हणून नोकियाची संशोधन आणि विकासामधील निरंतर गुंतवणूक महत्त्वपूर्ण ठरणार आहे. त्यांनी पुढे सांगितले की, भारत नोकियासाठी एक प्रमुख नवोन्मेष केंद्र आहे आणि LTTS एक मौल्यवान भागीदार म्हणून पाहिलं जात आहे.
( Desclaimer : शेअर बाजारात गुंतवणूक करणे हे बाजारातील जोखमीच्या अधीन आहे, त्यामुळे गुंतवणूक करण्यापूर्वी कृपया प्रमाणित गुंतवणूक सल्लागाराचा सल्ला घ्या.)
Ans: नोकियाने पुढील ५ वर्षांसाठी एका दिग्गज तंत्रज्ञान कंपनीसोबत भागीदारी केली असून, याद्वारे AI आणि प्रगत नेटवर्क सोल्यूशन्सच्या मदतीने भारतातील डिजिटल व टेलिकॉम सेवा सुधारण्याचे उद्दिष्ट ठेवले आहे.
Ans: नेटवर्क ऑटोमेशन, ५जी/६जी तंत्रज्ञानाची क्षमता वाढवणे, डेटा प्रोसेसिंग जलद करणे आणि टेलिकॉम ऑपरेटर व उद्योगांना एआय-आधारित स्मार्ट सोल्यूशन्स पुरवण्यासाठी या तंत्रज्ञानाचा वापर होईल.
Ans: या करारामुळे देशात अधिक जलद, विश्वासार्ह आणि स्मार्ट नेटवर्क सेवा मिळतील, तसेच IoTआणि एआय-सक्षम उपकरणांचा वापर सुलभ होईल.
