Business News : सर्वसामान्यांच्या हक्काच्या घरासाठी एव्ही ग्रुपचा मोठा संकल्प; पाच वर्षांत ५ हजार घरांची निर्मिती

Business News : मध्यमवर्गीयांना परवडणारी घरे उपलब्ध करून देण्यासाठी एव्ही ग्रुपने पुढील पाच वर्षांत ५ हजार घरे बांधण्याचे लक्ष्य ठेवले आहे. पालघर, बोईसर आणि सफाळे येथे विस्तारासह ८५ एकरांवर टाउनशिप उभारण्याचे नियोजन कंपनीचे संस्थापक अमित मिश्रा यांनी सांगितले.

• सर्वसामान्य कुटुंबातून उद्योजकतेपर्यंतचा प्रवास
• घरासोबतच दैनंदिन सुविधांवर भर
• पालघर, बोईसर, सफाळेत मोठ्या विस्ताराची योजना

Business News : स्वतःच्या हक्काचे घर असावे, हे प्रत्येक मध्यमवर्गीय कुटुंबाचे स्वप्न असते. मात्र, वाढत्या घरांच्या किमती आणि मर्यादित उत्पन्नामुळे अनेकांसाठी हे स्वप्न पूर्ण करणे कठीण होत आहे. अशा परिस्थितीत मध्यमवर्गीयांना परवडणाऱ्या किमतीत घरे उपलब्ध करून देण्याच्या उद्देशाने एव्ही ग्रुपने मोठी योजना आखली आहे. पुढील पाच वर्षांत आणखी ५ हजार घरे बांधण्याचे लक्ष्य कंपनीने निश्चित केले आहे.

आतापर्यंत कंपनीने सुमारे १,५०० घरांची निर्मिती केली आहे. वसई-विरार परिसरातील प्रकल्पांसोबतच पालघर, बोईसर आणि सफाळे या भागांतही विस्तार करण्याची तयारी सुरू आहे. ‘नवराष्ट्र’शी साधलेल्या विशेष संवादात एव्ही ग्रुपचे संस्थापक, अध्यक्ष आणि व्यवस्थापकीय संचालक अमित मिश्रा यांनी कंपनीचा प्रवास आणि भविष्यातील योजनांची माहिती दिली.

सर्वसामान्य कुटुंबातून उद्योजकतेपर्यंतचा प्रवास

एव्ही ग्रुपचे संस्थापक अमित मिश्रा यांनी आपल्या प्रवासाबद्दल सांगताना बालपण सर्वसामान्य कुटुंबात गेल्याचे नमूद केले. त्यांचे वडील वाहनचालक होते. स्वतःचा व्यवसाय उभा करून समाजासाठी काहीतरी चांगले करण्याच्या इच्छेतून त्यांनी एव्ही ग्रुपची सुरुवात केली. ग्राहकांना केवळ घर नव्हे, तर चांगली जीवनशैली उपलब्ध करून देण्याचा कंपनीचा प्रयत्न आहे. आतापर्यंत सुमारे १,५०० घरांची निर्मिती करण्यात आली असून, आगामी पाच वर्षांत आणखी ५ हजार घरे उभारण्याचे उद्दिष्ट ठेवण्यात आले आहे.

Mentos Fresh Action New TVC : मेंटॉस फ्रेश ॲक्शनची नवीन भन्नाट जाहिरात! पाहा ताजेपणाचा भन्नाट झटका

घरासोबतच दैनंदिन सुविधांवर भर

मध्यमवर्गीय कुटुंबांसाठी घर खरेदी करताना बजेट हा सर्वांत महत्त्वाचा मुद्दा असतो. त्यामुळे वसई-विरार परिसरात परवडणाऱ्या किमतीत घरे उपलब्ध करून देण्यावर कंपनीचा भर आहे. घरासोबतच रहिवाशांना दैनंदिन गरजा पूर्ण करण्यासाठी आवश्यक सुविधा मिळाव्यात, यासाठी प्रकल्पांमध्ये किराणा दुकान, मेडिकल स्टोअर आणि जिम यांसारख्या सुविधांचा समावेश करण्याचे नियोजन आहे. तसेच बांधकामाचा दर्जा, सुरक्षितता आणि वेळेत घराचा ताबा देण्यालाही प्राधान्य दिले जात असल्याचे मिश्रा यांनी सांगितले.

घराचे स्वप्न होणार पूर्ण! Godrej Capital चा महाराष्ट्रात मोठा विस्तार! बदलापूरसह इतर शहरांत स्वस्त गृहकर्जाची सुविधा

पालघर, बोईसर, सफाळेत मोठ्या विस्ताराची योजना

विरार आणि परिसरात मेट्रो, विरार-अलिबाग कॉरिडॉर, मुंबई-वडोदरा द्रुतगती मार्गाची जोडणी आणि बुलेट ट्रेन यांसारख्या पायाभूत सुविधांमुळे भविष्यात कनेक्टिव्हिटी सुधारण्याची अपेक्षा आहे. याचा फायदा या परिसरातील गृहनिर्माण क्षेत्राला होऊ शकतो. याच पार्श्वभूमीवर एव्ही ग्रुपने वसई-विरारपलीकडे पालघर आणि बोईसरमध्ये विस्तार करण्याची योजना आखली आहे.

सफाळे येथे सुमारे ८५ एकरांवर शाळा, महाविद्यालये आणि रुग्णालयांसारख्या सुविधांचा समावेश असलेली मोठी टाउनशिप विकसित करण्याचे नियोजन आहे. याशिवाय बोरिवली, कांदिवली आणि अंधेरी येथेही प्रकल्पांच्या शक्यता तपासल्या जात आहेत. सणासुदीच्या काळात ग्राहकांसाठी विशेष सवलती आणि १० ग्रॅम सोन्याची ऑफर देण्याचे नियोजन असल्याचेही त्यांनी सांगितले. भविष्यात कंपनीला आयपीओच्या माध्यमातून भांडवली बाजारात आणण्याचे उद्दिष्ट असल्याचे मिश्रा यांनी स्पष्ट केले.