विमान प्रवास स्वस्त होणार! सरकारकडून ६० टक्के जागा मोफत ठेवण्याचे आदेश, मनमानी दर लावणाऱ्या विमान कंपन्यांना सरकारचा दणका

नागरी हवाई वाहतूक मंत्रालयाने नवीन नियम प्रस्तावित केले आहेत. ज्यामुळे प्रवाशांना महागडी तिकिटे आणि अतिरिक्त शुल्कांपासून दिलासा मिळू शकतो. सरकारने विमान कंपन्यांना विमानातील किमान ६०% जागा मोफत ठेवण्याचे निर्देश दिले.

• विमान प्रवास स्वस्त होणार
• सरकारकडून ६० टक्के जागा मोफत ठेवण्याचे आदेश
• मनमानी दर लावणाऱ्या विमान कंपन्यांना सरकारचा दणका

मध्य पूर्वेतील तणाव कमी होण्याची कोणतीही चिन्हे दिसत नाहीत. दरम्यान, इराणने जाहीर केले आहे की अमेरिका आणि इस्रायल वगळता इतर सर्व देशांच्या जहाजांना होर्मुझच्या सामुद्रधुनीतून जाण्याची परवानगी दिली जाईल. याचदरम्यान, हवाई प्रवाशांसाठी एक चांगली बातमी असून नागरी हवाई वाहतूक मंत्रालयाने (MoCA) हवाई प्रवास सर्वांसाठी परवडणारा, पारदर्शक आणि सुलभ करण्याच्या उद्देशाने नवीन नियम जाहीर केले आहेत. सरकारचे म्हणणे आहे की, देशात दररोज ५ लाखांहून अधिक लोक हवाई प्रवास करत असल्याने, प्रवाशांना चांगल्या सुविधा पुरवणे आवश्यक आहे.

पूर्वी, विमान कंपन्या बहुतेक जागांसाठी, अगदी मधल्या जागांसाठीही अतिरिक्त शुल्क आकारत असत. मात्र नवीन नियमांनुसार, प्रत्येक विमानातील किमान ६०% जागा मोफत असतील. याचा अर्थ असा की, प्रवाशांना आता जागा निवडण्यासाठी अतिरिक्त पैसे द्यावे लागणार नाहीत. ज्यामुळे एकूण प्रवासाचा खर्च कमी होण्याची शक्यता आहे.

शेअर बाजारात सकारात्मक सुरुवातीचे संकेत! गुंतवणूकदारांना होणार फायदा, या शेअर्सवर ठेवा तुमचा फोकस

कुटुंबे एकत्र बसू शकतील

अनेकदा असे दिसून आले आहे की, एकाच तिकिटावर किंवा पीएनआरवर बुकिंग करूनही, कुटुंबातील सदस्यांना वेगवेगळ्या जागा दिल्या जात होत्या आणि एकत्र बसण्यासाठी अतिरिक्त शुल्क आकारले जात होते. नवीन नियमांनुसार, आता विमान कंपन्यांना हे सुनिश्चित करणे बंधनकारक असेल की एकाच बुकिंगमधील प्रवासी एकत्र किंवा एकमेकांच्या शेजारी बसतील. यामुळे कुटुंबे आणि गट प्रवाशांना मोठा दिलासा मिळेल.

मनमानी शुल्क आकारण्यावर बंदी

सरकारने विमान कंपन्यांना त्यांच्या शुल्कामध्ये पारदर्शकता सुनिश्चित करण्याचे स्पष्ट निर्देश दिले आहेत. क्रीडा साहित्य, संगीत वाद्ये किंवा पाळीव प्राणी वाहून नेण्यासंबंधीचे नियम देखील स्पष्ट करावे लागतील. फ्लाइटला विलंब, रद्द होणे किंवा बोर्डिंग नाकारणे यांसारख्या परिस्थितीत प्रवाशांच्या हक्कांची कठोरपणे अंमलबजावणी करणे आवश्यक आहे.

प्रवाशांचे हक्क सर्वत्र दिसतील

आता विमान कंपन्यांना त्यांच्या वेबसाइट्स, मोबाईल ॲप्स, तिकीट बुकिंग प्लॅटफॉर्म आणि विमानतळावरील काउंटरवर प्रवाशांचे हक्क स्पष्टपणे प्रदर्शित करणे बंधनकारक असेल. अधिक चांगल्या प्रकारे समजण्यासाठी ही माहिती प्रादेशिक भाषांमध्येही उपलब्ध करून दिली जाईल.

विमान प्रवासात आणखी सुधारणा करण्याचे प्रयत्न

सरकार आधीच ‘उडान’ योजनेद्वारे लहान शहरांना हवाई सेवेने जोडत आहे. विमानतळावरील सुविधांमध्ये परवडणारे भोजन (उडान यात्री कॅफे), मोफत वाय-फाय आणि फ्लायब्ररी यांचा समावेश आहे.

Todays Gold-Silver Price: गुढीपाडव्याला सोनं खरेदीचा विचार करताय? नवे दर पाहून तुम्हीही चक्रवाल