Corporate Mitra Launch : छोट्या व्यावसायिकांची बल्ले-बल्ले! केंद्र सरकारकडू खास भेट; MSME क्षेत्राला मिळणार व्यावसायिक मदत

MSME Corporate Mitra Launch : देशातील सूक्ष्म, लघू आणि मध्यम उद्योगांना MSME बळ देण्यासाठी आणि त्यांचा व्यवसाय अधिक सुलभ करण्यासाठी केंद्र सरकारने 'कॉर्पोरेट मित्र' या एका नव्या आणि महत्त्वपूर्ण उपक्रमाची सुरुवात केली आहे.

• छोट्या व्यावसायिकांची बल्ले-बल्ले!
• केंद्र सरकारकडू खास भेट
• MSME क्षेत्राला मिळणार व्यावसायिक मदत

Corporate Mitra Launch : केंद्र सरकारने छोट्या उद्योगांसाठी खास योजना आणली आहे. सुक्ष्म, लघु आणि मध्यम उद्योगांसाठी MSME अनुपालन प्रक्रिया सुलभ करण्यासाठी एक खास उपक्रम लाँन्च केला आहे. या उपक्रमाचा उद्देश अनुपालन प्रक्रिया सोपी करणे आणि ज्ञान सर्वांसाठी सुलभ करणं हा आहे. त्यामुळे गोष्टींची भीती आणि गोष्टींमधील कमतरता दूर होईल. कॉर्पोरेट व्यवहार मंत्रालयाच्या सहसचिव अनिता शाह अकेला यांनी सांगितले की, अनुपालनाला एक ओझे न मानता, विश्वास, पारदर्शकता, उत्तरदायित्व आणि सुव्यवस्थित विकासाचे साधन बनवणे, हा या उपक्रमाचा उद्देश आहे. नेमका काय आहे आहे? ( Corporate Mitra Launch ) 

Social Security Fund : डिलिव्हरी बॉईज, ड्रायव्हर्सना सरकारकडून संरक्षण? PF, विमा अन् Pension चा मिळणार लाभ; काय आहे योजना ?

सरकारकडून बजेटची घोषणा

२०२६-२७ मध्ये ‘कॉर्पोरेट मित्र’ उपक्रमाची घोषणा केली. सूक्ष्म, लघु आणि मध्यम उद्योगांना (MSMEs) व्यवसाय आणि नियामक अनुपालनामध्ये मदत करू शकतील अशा प्रशिक्षित आणि प्रमाणित अर्ध-व्यावसायिकांचा एक गट तयार करणे, हे या उपक्रमाचे उद्दिष्ट आहे. या कार्यक्रमात ICAI, ICSI आणि ICOAI यांच्या व्यावसायिक कौशल्यासोबतच आयआयटी मद्रास, आयआयटी मद्रास प्रवर्तक आणि स्वयं प्लस यांचे तांत्रिक व शैक्षणिक पाठबळही आहे.

इन्स्टिट्यूट ऑफ चार्टर्ड अकाउंटंट्स ऑफ इंडिया ICAI, इन्स्टिट्यूट ऑफ कंपनी सेक्रेटरीज ऑफ इंडिया ICSI आणि इन्स्टिट्यूट ऑफ कॉस्ट अकाउंटंट्स ऑफ इंडिया ICOAI यांनी ‘कॉर्पोरेट मित्र’ कोर्स सुरू केला असून, पहिल्या बॅचसाठी २,८७९ विद्यार्थ्यांनी नोंदणी केली आहे.

किफायतशीर व्यावसायिक सहाय्य प्रदान

कॉर्पोरेट व्यवहार मंत्रालयाच्या मते, ‘कॉर्पोरेट मित्र लर्निंग मॅनेजमेंट सिस्टम’ LMS च्या शुभारंभाने या कार्यक्रमाच्या संरचित शिक्षण आणि क्षमता-बांधणी टप्प्याची सुरुवात झाली आहे. या अभ्यासक्रमाचे उद्दिष्ट प्रमाणित अर्ध-व्यावसायिकांचा एक कुशल गट तयार करणे आहे, जे सूक्ष्म, लघु आणि मध्यम उद्योगांना MSMEs किफायतशीर व्यावसायिक सहाय्य प्रदान करू शकतील, आणि त्याद्वारे व्यवसाय सुलभता, रोजगार निर्मिती आणि सर्वसमावेशक आर्थिक वाढीस चालना देतील.

हा अभ्यासक्रम १२ महिन्यांचा

‘कॉर्पोरेट मित्र’ अभ्यासक्रमाचा एकूण कालावधी १२ महिन्यांचा असून, तो दोन टप्प्यांमध्ये विभागलेला आहे. पहिल्या सहा महिन्यांमध्ये रेकॉर्ड केलेल्या व्हिडिओ लेक्चर्सद्वारे सुमारे १५० तासांचे संरचित शैक्षणिक शिक्षण दिले जाते. यानंतर, ICAI, ICSI आणि ICOAI च्या सदस्यांच्या मालकीच्या व्यावसायिक कंपन्यांमध्ये सहा महिन्यांचे प्रत्यक्ष कामाचे प्रशिक्षण (ऑन-द-जॉब ट्रेनिंग) दिले जाईल, ज्यामुळे विद्यार्थ्यांना व्यावहारिक अनुभव मिळेल.

Old Monk प्रेमींना मोठा धक्का! महाराष्ट्रातील विक्रीवरील Ban कायम; Bombay High Court चा थेट नकार