Govt Scheme First Job Holders : पहिलीच नोकरी लागलीये? सरकार तुम्हाला देणार थेट 15000 रुपये! फक्त ‘हे’ करा काम

Govt Scheme First Job Holders : संघटित क्षेत्रात पहिल्यांदाच नोकरी सुरू करणाऱ्या तरुणांसाठी केंद्र सरकारने एक अत्यंत महत्त्वपूर्ण आणि फायदेशीर योजना सुरू केली आहे. या योजनेअंतर्गत पात्र कर्मचाऱ्यांना सरकारकडून ३ हप्त्यांमध्ये तब्बल १५,००० रुपयांचे प्रोत्साहन अनुदान थेट EPFO लिंक असलेल्या बँक खात्यात जमा केले जाणार आहे.

• पहिलीच नोकरी लागलीये?
• सरकार तुम्हाला देणार थेट 15000 रुपये!
• फक्त ‘हे’ काम करा

Govt Scheme First Job Holders : तुमची किंवा तुमच्या मुलाची पहिलीची नोकरी आहे का? मग ही बातमी तुमच्यासाठी आनंद घेऊन येणार आहे. कारण केंद्र सरकारच्या प्रधानमंत्री विकास भारत रोजगार योजनअंतर्गत, कर्मचाऱ्यांना १५००० पर्यंतची आर्थिक मदत मिळणार आहे. महत्त्वाचे म्हणजे, ही रक्कम मिळवण्यासाठी कर्मचाऱ्यांनी काही अटी पूर्ण करणे आवश्यक आहे. कर्मचारी भविष्य निधी संघटनेने  पहिल्यांदाच नोकरी करणाऱ्या कर्मचाऱ्यांना त्यांच्या सदस्य पोर्टलवर आर्थिक साक्षरता अभ्यासक्रम पूर्ण करण्याचा सल्ला दिला आहे. योजनेचा दुसरा हप्ता मिळवण्यासाठी हा अभ्यासक्रम पूर्ण करणे आवश्यक आहे. नेमकं या योजनेचा कोण लाभ घेऊ शकतं? ( Govt Scheme First Job Holders ) 

Reliance Jio IPO : देशातील सर्वात मोठ्या IPO ची तुफान क्रेझ! 2.5 लाख कोटी रुपयांची विक्रमी मागणी; गुंतवणूकदारांमध्ये मोठा उत्साह

₹15,000 दोन हप्त्यांमध्ये दिले जातील

या योजनेअंतर्गत, पात्र कर्मचाऱ्यांना एका महिन्याच्या पगाराएवढी प्रोत्साहन रक्कम मिळते, ज्याची कमाल मर्यादा ₹15,000 आहे. ही रक्कम दोन हप्त्यांमध्ये दिली जाते. सलग सहा महिने नोकरी पूर्ण केल्यानंतर पहिला हप्ता दिला जातो. दुसरा हप्ता मिळवण्यासाठी, कर्मचाऱ्यांनी 12 महिन्यांची नोकरी पूर्ण करणे आणि EPFO ​​सदस्य पोर्टलवर उपलब्ध असलेला आर्थिक साक्षरता कार्यक्रम पूर्ण करणे आवश्यक आहे. याचा अर्थ असा की, केवळ नोकरी मिळाल्याने तुम्हाला आपोआप पूर्ण रक्कम मिळणार नाही, त्यासाठी विहित अटींची पूर्तता करणे आवश्यक आहे.

या योजनेचा लाभ कोण घेऊ शकतो?

या योजनेचा लाभ घेण्यासाठी काही आवश्यक पात्रता अटी आहेत.
कर्मचारी पहिल्यांदाच औपचारिक नोकरीत असावा आणि तो यापूर्वी EPFO ​​चा सदस्य नसावा.
कर्मचाऱ्याचा मासिक पगार ₹१ लाख पर्यंत असावा.
पात्रतेसाठी विहित कालावधीत नोकरी सुरू करणे आवश्यक आहे. EPFO ​​नुसार, १ ऑगस्ट २०२५ ते ७ जुलै २०२७ या कालावधीत नोकरी मिळवणारे पात्र कर्मचारी या योजनेसाठी पात्र आहेत.
कर्मचारी EPFO ​​मध्ये नोंदणीकृत असणे आवश्यक आहे.
कर्मचाऱ्याचे बँक खाते आधारशी जोडलेले असणे आवश्यक आहे, जेणेकरून प्रोत्साहन रक्कम थेट खात्यात हस्तांतरित केली जाऊ शकेल.

#PradhanMantriViksitBharatRozgarYojana
Dear First-time Employees,
Your incentive is just a course away! Complete Financial Literacy Course on the EPFO’s Member Portal to become eligible for an incentive of up to 15,000! #EPFO #EPFOWithYou #HumHainNa https://t.co/hApLlmDbeA — EPFO (@officialepfo) October 16, 2026

ईपीएफओ पोर्टवर जाऊन ही गोष्ट करा

दुसरा हप्ता मिळवण्यासाठी, कर्मचाऱ्यांनी ईपीएफओ सदस्य पोर्टलला भेट देऊन आर्थिक साक्षरता अभ्यासक्रम पूर्ण करणे आवश्यक आहे. या कार्यक्रमाचा उद्देश कर्मचाऱ्यांना बचत, आर्थिक नियोजन आणि भविष्यातील आर्थिक सुरक्षिततेबद्दल शिक्षित करणे आहे. हा अभ्यासक्रम पूर्ण केल्यानंतरच दुसऱ्या हप्त्यासाठीची पात्रता पूर्ण होईल. औपचारिक रोजगाराला प्रोत्साहन देण्यासाठी आणि प्रथमच नोकरी करणाऱ्यांना आर्थिक सहाय्य देण्यासाठी सरकारने ही योजना सुरू केली आहे.

EPFO WhatsApp Service : PF ची संपूर्ण अपडेट मिळणार व्हॉट्सॲपच्या एका मॅसेजवर; EPFO च्या नव्या सुविधेचा असा घ्या लाभ