Central Government Festive Bonus : कर्मचाऱ्यांना लॉटरी… दिवाळीपूर्वी मिळणार तब्बल 60 दिवसांचा घसघशीत बोनस; कोणाला होणार फायदा?

Central Government Festive Bonus : आगामी सणासुदीच्या काळात केंद्र सरकारने आपल्या कर्मचाऱ्यांसाठी आनंदाची बातमी दिली आहे. रेल्वे कर्मचाऱ्यांनंतर आता केंद्र सरकारच्या इतर महत्त्वाच्या विभागांतील कर्मचाऱ्यांना ६० दिवसांचा 'प्रॉडक्टिव्हिटी लिंक बोनस' मंजूर करण्यात आला आहे.

• कर्मचाऱ्यांना लागली लॉटरी…
• दिवाळीपूर्वी मिळणार तब्बल 60 दिवसांचा घसघशीत बोनस
• पाहा नेमका कोणाला होणार फायदा?

Central Government Festive Bonus : सणासुदीच्या काळात सरकारी कर्मचाऱ्यांची बल्ले बल्ले पाहायला मिळत आहेत. कारणही अगदी तसंच आहे. सरकारकडून कर्मचाऱ्यांना चांगला घसघशीत बोनस दिला जात आहे. नुकतंच केंद्र सरकारने भारतीय रेल्वेच्या ११.४ लाख कर्मचाऱ्यांसाठी ७८ दिवसांच्या बोनसची घोषणा केली आहे. त्यानंतर आता आणखी एका विभागातील कर्मचाऱ्यांना ही लॉटरी लागणार आहे. कोणत्या कर्मचाऱ्यांना याचा लाभ मिळणार आहे सविस्तर जाणून घेऊयात. ( Central Government Festive Bonus )

Sugar Price Festive Season : सरकारचा मोठा निर्णय! सणासुदीच्या काळात साखरेच्या दराचं काय? सामान्यांचं टेन्शन वाढणार?

आताच सरकारने इंडिया पोस्टसाठी ही घोषणा केली आहे. इंडिया पोस्टने आपल्या कर्मचाऱ्यांसाठी ६० दिवसांच्या पगाराएवढा बोनस देण्याचे जाहीर केले आहे. इंडिया पोस्टच्या कोणत्या कर्मचाऱ्यांना हा बोनस मिळणार आणि त्याचा लाभ कधी मिळणार सगळं सविस्तर जाणून घेऊयात.

नेमकी काय करण्यात आली घोषणा?

पोस्ट विभागाच्या आदेशानुसार, पात्र नियमित कर्मचाऱ्यांना आर्थिक वर्ष २०२५-२६ साठी ६० दिवसांच्या वेतनाइतका उत्पादकता-आधारित बोनस म्हणजेच PLB दिला जाणार आहे. याव्यतिरिक्त, नियमित ग्रामीण डाक सेवकांना GDS एक्स-ग्रेशिया बोनस मिळेल आणि पात्र फुल टाइम कॅज्युअल कर्मचाऱ्यांना एडहॉक बोनस मिळणार आहे. पण बोनसची गणना विहित वेतन श्रेणी, कामाचे दिवस आणि कर्मचाऱ्याच्या प्रवर्गाच्या आधारावर केली जाणार आहे.

इंडिया पोस्ट बोनससाठी कोण पात्र?

आदेशानुसार, हा बोनस तीन प्रवर्गातील कर्मचाऱ्यांना लागू होतो: नियमित कर्मचारी, ग्रामीण डाक सेवक आणि कॅज्युअल कर्मचारी

नियमित कर्मचारी: मल्टी-टास्किंग स्टाफ (MTS), गट C आणि नॉन-गजेटेड ग्रुप B

ग्रामीण डाक सेवक: नियमितपणे कार्यरत असलेल्या जीडीएसना एक्स-ग्रेशिया बोनस दिला जाईल.

कॅज्युअल कर्मचारी: पात्र फुल टाइम कॅज्युअल कर्मचारी आणि तात्पुरत्या स्वरूपातील कॅज्युअल कर्मचारी एडहॉक बोनस मिळेल.

बोनसचा फॉर्म्युला काय आहे?

नियमित पोस्ट कर्मचाऱ्यांसाठी बोनसची गणना ६० दिवसांच्या आधारावर केली जाईल. सरासरी मासिक पगाराला बोनस दिवसांच्या संख्येने गुणून ३०.४ ने भागले जाईल. पण, बोनसची गणना करण्यासाठी कमाल मासिक पगार ₹७,००० निश्चित करण्यात आला आहे. याचा अर्थ असा की, जरी कर्मचाऱ्याचा पात्र मासिक पगार ₹७,००० पेक्षा जास्त असला तरी, बोनसची गणना केवळ ₹७,००० पर्यंतच केली जाईल. हाच नियम ग्रामीण डाक सेवकांनाही लागू होईल.

रेल्वे कर्मचाऱ्यांसाठीही मोठी घोषणा

सरकारने ११.४ लाख रेल्वे कर्मचाऱ्यांसाठी ७८ दिवसांच्या उत्पादकतेवर आधारित बोनसची घोषणा केली आहे. यासाठी २,००९.६१ कोटी रुपयांची तरतूद करण्यात आली आहे. प्रत्येक कर्मचाऱ्याला ७८ दिवसांसाठी कमाल १७,९५१ रुपये बोनस दिला जाईल. रेल्वे कर्मचाऱ्यांमध्ये ट्रॅक मेंटेनर्स, लोको पायलट्स, ट्रेन मॅनेजर्स, स्टेशन मास्टर्स, सुपरवायझर्स, टेक्निशियन्स, टेक्निशियन हेल्पर्स, पॉइंट्समन, मंत्रालयीन कर्मचारी आणि इतर गट ‘क’ कर्मचाऱ्यांचा समावेश आहे. हा बोनस वार्षिक दिला जातो.

US Russia Oil Tariff Decision : हुश्श…! 100% टॅरिफला ब्रेक, अमेरिकेचा मोठा युटर्न! भारत-चीनवरील कारवाई तात्पुरती स्थगित