रविवार, 15 नोव्हेंबर 2026
Adani Power मध्ये होणार 10 कंपन्यांचे विलीनीकरण ( सौजन्य - सोशल मीडिया )
न्यायाधिकरणाच्या २४ सप्टेंबर २०२६ रोजीच्या आदेशानुसार, विदर्भ इंडस्ट्रीज पॉवर लिमिटेड VIPL चे अदानी पॉवरमध्ये विलीनीकरण करण्यास मंजुरी देण्यात आली आहे. या प्रमुख ऊर्जा कंपनीची कॉर्पोरेट रचना सुव्यवस्थित करण्याच्या दिशेने हे एक महत्त्वपूर्ण पाऊल आहे.
हा निर्णय NCLT च्या अहमदाबाद खंडपीठाने ४ ऑगस्ट २०२६ रोजी दिलेल्या आदेशानंतर घेण्यात आला आहे. ज्यामध्ये इतर नऊ पूर्ण मालकीच्या उपकंपन्यांच्या विलीनीकरणास मंजुरी देण्यात आली होती. या कंपन्यांमध्ये अदानी पॉवर दहेज लिमिटेड, कच्छ पॉवर जनरेशन लिमिटेड, रिसर्जंट फ्युएल मॅनेजमेंट लिमिटेड, महान फ्युएल मॅनेजमेंट लिमिटेड, ओडिशा थर्मल एनर्जी लिमिटेड, कोरबा पॉवर लिमिटेड, अनुपपूर थर्मल एनर्जी MP प्रायव्हेट लिमिटेड, मिर्झापूर थर्मल एनर्जी UP प्रायव्हेट लिमिटेड आणि एम्बेरिझा इन्फ्रा पार्क लिमिटेड या कंपन्यांचा समावेश आहे.
या कंसोलिडेशन स्कीमची तारीख १ एप्रिल, २०२५ आहे. अदानी पॉवरने म्हटले आहे की, इतर सर्व प्रक्रियात्मक टप्पे पूर्ण झाल्यावर ही योजना पूर्णपणे कार्यान्वित होईल आणि त्यावेळी स्टॉक एक्सचेंजना सूचित केले जाईल. या धोरणात्मक एकीकरणाचा उद्देश कार्यान्वयन व्याप्ती वाढवणे, नियंत्रण संरचना सुधारणे आणि कायदेशीर व अनुपालन खर्च कमी करणे हा आहे. महाराष्ट्रातील नागपूर येथे ६०० मेगावॅट क्षमतेचा औष्णिक वीज प्रकल्प चालवणाऱ्या VIPL ला, APL च्या विद्यमान १४,५५० मेगावॅट क्षमतेच्या औष्णिक आणि सौर ऊर्जा प्रकल्पांच्या जाळ्यासोबत एकत्रित करून, कंपनी आपला एकत्रित मालमत्ता आधार आणि कार्यान्वयन क्षमता वाढवण्याच्या नियोजनात आहे.
अदानी पॉवरचे बाजार भांडवल ₹३,९१,४७९ कोटी आहे. अदानी पॉवरच्या शेअरची किंमत ₹२०३ आहे. अदानी पॉवरने १ वर्षात ३३.८८% रिटर्न दिला आहे. ३ वर्षांत ३८.२५% परतावा दिला आहे. ५ वर्षांतील त्याचा परतावा ५९.७६% आहे.
( Desclaimer : शेअर बाजारात गुंतवणूक करणे हे बाजारातील जोखमीच्या अधीन असल्याने, कृपया गुंतवणूक करण्यापूर्वी प्रमाणित गुंतवणूक सल्लागाराचा सल्ला घ्या.)
