Gokul Milk Price Hike: अमूल-मदर डेअरीनंतर आता गोकुळ दूधही महागणार; दरात २ रुपयांची वाढ होणार?

Gokul Milk Price Hike: अमूल आणि मदर डेअरीच्या दरवाढीनंतर आता गोकुळनेही दूध दर वाढवले, तर ग्राहकांच्या मासिक खर्चात आणखी भर पडू शकते. दुसरीकडे, खरेदी दरात वाढ झाल्यास दूध उत्पादक शेतकऱ्यांना त्याचा लाभ मिळू शकतो.

• प्रत्येकी २ रुपये दरवाढीची शक्यता
• नव्या संचालक मंडळाची उद्या बैठक
• ग्राहक आणि शेतकऱ्यांवर दुहेरी परिणाम

Gokul Milk Price Hike: अमूल आणि मदर डेअरी पाठोपाठ आता पश्चिम महाराष्ट्रातील अग्रगण्य दूध उत्पादक संघ गोकुळ दूध संघाकडूनही दूध दरवाढीचा विचार सुरू असल्याची माहिती समोर आली आहे. गोकुळच्या दूध खरेदी आणि विक्री दरात प्रत्येकी दोन रुपयांची वाढ होण्याची शक्यता वर्तवली जात आहे. उद्या होणाऱ्या नव्या संचालक मंडळाच्या पहिल्याच बैठकीत याबाबत निर्णय होण्याची शक्यता आहे.

दूध विक्री दरात वाढ करण्याचा निर्णय झाल्यास त्यानुसार दूध उत्पादक शेतकऱ्यांना दिल्या जाणाऱ्या खरेदी दरातही वाढ केली जाऊ शकते. ग्राहकांकडून दूध विक्रीतून मिळणारे उत्पन्न आणि शेतकऱ्यांना द्यावा लागणारा दर यांचा विचार करून हा निर्णय घेतला जाण्याची शक्यता आहे.

Gokul Election : गोकुळच्या मतमोजणीवेळी शरद पवारांचा सतेज पाटलांना फोन! नेमकं काय म्हणाले होते पवार?

गोकुळच्या पहिल्याच बैठकीत दरवाढीवर चर्चा?

गोकुळ दूध संघाच्या नव्या कार्यकारिणीची उद्या पहिली बैठक होणार आहे. या बैठकीत दूध खरेदी आणि विक्री दरवाढीच्या प्रस्तावावर चर्चा होण्याची शक्यता आहे. दूध विक्री दरात वाढ करण्याचा निर्णय झाल्यास त्यानुसार दूध उत्पादक शेतकऱ्यांना दिल्या जाणाऱ्या खरेदी दरातही वाढ केली जाऊ शकते. सध्या खरेदी आणि विक्री दरात प्रत्येकी दोन रुपयांची वाढ अपेक्षित असल्याची माहिती समोर येत आहे. मात्र, याबाबतचा अंतिम निर्णय संचालक मंडळाच्या बैठकीतच होणार आहे.

दूध उत्पादकांसह ग्राहकांचेही बैठकीकडे लक्ष

अमूल आणि मदर डेअरीच्या दरवाढीनंतर आता गोकुळनेही दूध दर वाढवले, तर ग्राहकांच्या मासिक खर्चात आणखी भर पडू शकते. दुसरीकडे, खरेदी दरात वाढ झाल्यास दूध उत्पादक शेतकऱ्यांना त्याचा लाभ मिळू शकतो. मात्र, गोकुळच्या दूध दरात नेमकी किती वाढ होणार आणि ती कधीपासून लागू होणार, याबाबत अद्याप अधिकृत घोषणा झालेली नाही. त्यामुळे उद्याच्या संचालक मंडळाच्या बैठकीत काय निर्णय होतो, याकडे दूध उत्पादक शेतकरी आणि ग्राहकांचे लक्ष लागले आहे.

Gokul Election : अध्यक्षपदासाठी महायुतीचा मास्टर प्लॅन; चार पक्षांना प्रत्येकी एक वर्ष अध्यक्षपद, पाचव्या वर्षाचा निर्णय कसा?

दरम्यान, या पूर्वी अमूल आणि मदर डेअरीने दूध दरात वाढ केल्याने ग्राहकांच्या खर्चात भर पडली आहे. आता गोकुळनेही दरवाढ केल्यास ग्राहकांना आणखी महागाईचा सामना करावा लागू शकतो. मात्र, गोकुळच्या दूध दरात नेमकी किती वाढ होणार आणि ती कधीपासून लागू होणार, याबाबत अद्याप अधिकृत घोषणा झालेली नाही. त्यामुळे उद्याच्या बैठकीतील निर्णयाकडे दूध उत्पादक शेतकरी आणि ग्राहकांचे लक्ष लागले आहे.

अमूल दूध दरात प्रति लीटर ४ रुपयांची वाढ

देशातील आघाडीची डेअरी कंपनी अमूलने दुधाच्या दरात वाढ करण्याचा निर्णय घेतला आहे. नव्या दरानुसार अमूल गोल्ड दुधाच्या किमतीत प्रति लिटर ४ रुपयांची, तर अमूल ताजाच्या दरात प्रति लिटर २ रुपयांची वाढ करण्यात आली आहे. या दरवाढीचा परिणाम दररोज अमूल दूध खरेदी करणाऱ्या ग्राहकांच्या मासिक बजेटवर होण्याची शक्यता आहे.

दुधाच्या दरात किती वाढ झाली?

अमूल गोल्ड दुधाचा दर यापूर्वी प्रति लिटर ७० रुपये होता. त्यात ४ रुपयांची वाढ झाल्याने आता ग्राहकांना एका लिटरसाठी ७४ रुपये मोजावे लागणार आहेत. तर अमूल ताजा दुधाच्या दरात प्रति लिटर २ रुपयांची वाढ करण्यात आल्याची माहिती आहे. चहा, कॉफी, लहान मुलांसाठी दूध तसेच दैनंदिन वापरासाठी नियमित दूध खरेदी करणाऱ्या कुटुंबांना या दरवाढीचा अतिरिक्त आर्थिक भार सहन करावा लागू शकतो.

पूरक उत्पादनांच्या किमतीतही वाढ

अमूलने दुधाच्या पूरक उत्पादनांच्या किमतीतही ४ ते ५ टक्क्यांनी वाढ केल्याची माहिती समोर आली आहे. त्यामुळे अमूल फ्रेश, गोल्ड आणि फुल क्रीम यांसारख्या दूध प्रकारांच्या किमतीतही दोन ते चार रुपयांची वाढ झाल्याचे सांगितले जात आहे.