Gold Hallmarking : सोन्याची खरेदी करताय? सरकारने घेतला मोठा निर्णय, फसवणूक टाळण्यासाठी ‘या’ गोष्टी नक्की तपासा

Gold Hallmarking : ग्राहकांची फसवणूक रोखण्यासाठी आणि सोन्याची शुद्धता जपण्यासाठी केंद्र सरकारने देशभरातील ३९२ जिल्ह्यांमध्ये सोन्याचे 'हॉलमार्किंग' अनिवार्य केले आहे. आता या जिल्ह्यांमध्ये BIS हॉलमार्कशिवाय सोन्याचे दागिने विकता येणार नाहीत.

(फोटो सौजन्य - सोशल मीडिया)

Follow Us:

Follow Us:

• सोन्याची खरेदी करताय?
• 392 जिल्ह्यांमध्ये हॉलमार्किंग लागू
• फसवणूक टाळण्यासाठी ‘या’ गोष्टी तपासा

Cooperative Banks Role : आर्थिक मंदी असो वा जागतिक संकट, सहकारी बँकांवर विश्वास का? तन्वीर इनामदार यांनी स्पष्ट केली कारणे

हॉलमार्किंगच्या कक्षेत नवीन जिल्ह्यांचा समावेश

अनिवार्य हॉलमार्किंग प्रणाली आता ३९२ जिल्ह्यांमध्ये लागू केली जाईल. यामध्ये ९ राज्यांमधील १२ नवीन जिल्ह्यांचा समावेश आहे.

हॉलमार्किंगच्या कक्षेत कोणती राज्ये, जिल्हे समाविष्ट?

अनिवार्य हॉलमार्किंग प्रणालीमध्ये २६ राज्ये आणि केंद्रशासित प्रदेशांमधील एकूण ३९२ जिल्ह्यांचा समावेश आहे, ते खालीलप्रमाणे:

• हरियाणातील २१ जिल्हे
• आसाममधील १२ जिल्हे
• महाराष्ट्रातील ३० जिल्हे
• मध्य प्रदेशातील १९ जिल्हे
• ओडिशामधील १२ जिल्हे
• राजस्थानमधील २६ जिल्हे
• तामिळनाडूतील ३२ जिल्हे
• पश्चिम बंगालमधील २२ जिल्हे
• दिल्लीतील ८ जिल्हे
• गोव्यातील २ जिल्हे
• गुजरातमधील २५ जिल्हे
• चंदीगडमधील १ जिल्हा
• छत्तीसगडमधील ५ जिल्हे
• बिहारमधील २५ जिल्हे
• आंध्र प्रदेशातील १८ जिल्हे
• कर्नाटकातील २० जिल्हे
• केरळमधील १४ जिल्हे
• पंजाबमधील २० जिल्हे
• तेलंगणातील १३ जिल्हे
• उत्तर प्रदेशातील ३९ जिल्हे
• उत्तराखंडमधील ७ जिल्हे

सरकारने BIS च्या सल्ल्यानुसार घेतला हा निर्णय

सरकारने हॉलमार्किंगची व्याप्ती वाढवण्यासाठी ‘सोन्याचे दागिने आणि सोन्याच्या वस्तूंचे हॉलमार्किंग (तिसरी सुधारणा) आदेश २०२६’ नावाचा एक नवीन आदेश जारी केला आहे. हा आदेश BIS च्या सल्ल्यानुसार जारी करण्यात आला आहे.

बनावट सोन्यापासून कसं वाचायचं?

सोने खरेदी करताना, काही महत्त्वाच्या गोष्टी लक्षात ठेवा, जसे की…

• जेव्हाही तुम्ही दागिने खरेदी करता, तेव्हा नेहमी त्यावरचा BIS मार्क तपासा.
• दागिन्यांवरील ६-अंकी HUID कोड तपासा.
• तुम्ही BIS Care ॲपमध्ये HUID क्रमांक टाकून दागिन्यांची माहिती तपासू शकता.
• जेव्हाही तुम्ही सोने खरेदी करता, तेव्हा योग्य GST बिल मिळवण्याची खात्री करा.
• बिलावरील सोन्याचे वजन आणि कॅरेट तपासा.
• सोने बाजारभावापेक्षा बऱ्याच कमी किमतीत मिळत असेल तर आधीत सावध व्हा.
• नेहमी विश्वासार्ह ज्वेलर्सकडून सोने खरेदी करा.

Web Title: Gold hallmarking mandatory in 392 districts how avoid fake gold

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com