HCAH अन् QMSचा मोठा निर्णय ( सौजन्य - सोशल मीडिया )
या एकत्रित व्यासपीठाच्या माध्यमातून १६० हून अधिक रुग्ण सहाय्य कार्यक्रमांद्वारे १२ लाखांहून अधिक रुग्णांना सेवा देण्यात येणार आहे. तसेच ३५ हून अधिक शहरांमध्ये २ हजारांपेक्षा अधिक आरोग्यसेवा व्यावसायिकांचे जाळे कार्यरत राहणार आहे. रुग्णांची तपासणी, नोंदणी, उपचाराची सुरुवात, उपचारातील सातत्य, रुग्णांना आर्थिक व वैद्यकीय सहाय्य तसेच रोग व्यवस्थापन अशा विविध स्तरांवर या सेवांचा विस्तार करण्यात येणार आहे.
या विलीनीकरणामुळे भारतातील सर्वात मोठे रुग्ण सहाय्य सेवा व्यासपीठ उभारण्याचे उद्दिष्ट आहे. देशातील प्रमुख भारतीय तसेच बहुराष्ट्रीय औषधनिर्मिती कंपन्यांना या व्यासपीठाच्या माध्यमातून सेवा उपलब्ध करून देण्यात येणार आहेत. या भागीदारीमुळे विद्यमान ग्राहक, सेवा कार्यक्रम आणि कर्मचारी यांचे सातत्य कायम ठेवत अधिक व्यापक सेवा व्यवस्था उभारण्याचा प्रयत्न करण्यात येणार आहे.
क्यूएमएस मेडिकल अलाइड सर्व्हिसेस लिमिटेडचे संस्थापक, अध्यक्ष व व्यवस्थापकीय संचालक महेश माखिजा म्हणाले, “या भागीदारीमुळे रुग्ण सहाय्य आणि रुग्णांशी सातत्यपूर्ण संपर्काच्या क्षेत्रातील दोन पूरक सेवा व्यवस्था एकत्र येत आहेत. या क्षमतांचा एकत्रित वापर करून औषधनिर्मिती कंपन्यांना अधिक व्यापक सेवा आणि मोठ्या प्रमाणावर पोहोच उपलब्ध करून देण्याचे आमचे उद्दिष्ट आहे. उपचाराच्या संपूर्ण प्रक्रियेत अधिकाधिक रुग्णांना आवश्यक सहाय्य मिळावे, यासाठीही या भागीदारीचा उपयोग होईल. यामुळे क्यूएमएसच्या भागधारकांसाठी मूल्यनिर्मितीलाही चालना मिळेल.”
एचसीएएचचे संचालक आणि डाबर इंडिया लिमिटेडचे संचालक आदित्य बर्मन म्हणाले, “विशेषतः दीर्घकालीन आजारांच्या उपचारांमध्ये केवळ उपचार सुरू करणे पुरेसे नसून त्यानंतरही रुग्णांशी सातत्यपूर्ण संपर्क आणि मार्गदर्शन आवश्यक असते. एचसीएएच आणि क्यूएमएसच्या क्षमतांचे एकत्रीकरण झाल्यामुळे रुग्ण तसेच औषधनिर्मिती क्षेत्रातील भागीदारांना उपचाराच्या संपूर्ण कालावधीत सहाय्य देण्यासाठी व्यापक पोहोच, तंत्रज्ञान आणि प्रभावी अंमलबजावणीची क्षमता उपलब्ध होईल.”
या भागीदारीमुळे आरोग्य व जनजागृती शिबिरे, विविध आजारांची तपासणी, रुग्ण नोंदणी, रोग व्यवस्थापन, उपचाराची सुरुवात, उपचारातील सातत्य, रुग्ण सहाय्य आणि रुग्णांशी सातत्यपूर्ण संपर्क या क्षेत्रांतील अनुभव आणि क्षमता एकत्र येणार आहेत. त्यामुळे रुग्णाची ओळख पटविण्यापासून ते उपचारातील सातत्य राखण्यापर्यंतच्या संपूर्ण प्रवासात औषधनिर्मिती कंपन्यांना अधिक व्यापक सहाय्य उपलब्ध करून देता येणार आहे.
जागतिक रुग्ण सहाय्य सेवा क्षेत्राची बाजारपेठ सुमारे ७० अब्ज अमेरिकी डॉलर इतकी असल्याचा अंदाज आहे. भारतातील या क्षेत्राची बाजारपेठ दरवर्षी १५ ते २० टक्के दराने वाढत असून, २०३० पर्यंत ती सुमारे १ अब्ज अमेरिकी डॉलर पर्यंत पोहोचण्याचा अंदाज आहे. औषधनिर्मिती क्षेत्रातील जाहिरात व प्रचारावरील वाढते नियमन, या क्षेत्रातील वाढते औपचारिकीकरण, दीर्घकालीन आजारांचे वाढते प्रमाण, डिजिटल तंत्रज्ञानाचा वाढता वापर आणि रुग्णांच्या उपचार प्रक्रियेवर सातत्याने लक्ष ठेवण्यावर वाढता भर यामुळे या क्षेत्राच्या वाढीला चालना मिळत आहे.
क्यूएमएस मेडिकल अलाइड सर्व्हिसेस लिमिटेडविषयी: क्यूएमएस मेडिकल अलाइड सर्व्हिसेस लिमिटेड ही आरोग्यसेवा उत्पादने आणि सेवांच्या क्षेत्रात कार्यरत असलेली एकात्मिक आरोग्यसेवा कंपनी आहे. रुग्णांशी संपर्क व संवाद, रुग्ण सेवा कार्यक्रम, रोग व्यवस्थापन, प्रतिबंधात्मक आरोग्यसेवा उपक्रम, रुग्ण तपासणी व वैद्यकीय शिबिरे, आरोग्यसेवा मनुष्यबळ तसेच वैद्यकीय आणि निदानविषयक सेवा अशा विविध क्षेत्रांत कंपनी कार्यरत आहे.
एकात्मिक आरोग्यसेवा पद्धतीच्या माध्यमातून क्यूएमएस औषधनिर्मिती कंपन्या, आरोग्यसेवा पुरवठादार आणि रुग्णांना सेवा देते. रुग्णांना आवश्यक उपचार मिळवून देणे, उपचारातील सातत्य राखणे आणि आरोग्यविषयक परिणाम अधिक प्रभावी करण्यावर कंपनीचा भर आहे. आरोग्यसेवा क्षेत्रातील तज्ज्ञता, डिजिटल तंत्रज्ञान आणि मोठ्या प्रमाणावर सेवा देण्याची क्षमता यांच्या आधारे क्यूएमएस आरोग्यसेवा क्षेत्रातील आपली भूमिका अधिक मजबूत करत आहे.
.png "Videos"){kind=small}
