सोमवार, 2 नोव्हेंबर 2026
मुंबई : एचडीएफसी (HDFC) बँकेकडून कर्ज घेतलेल्या ग्राहकांना मोठा फटका बसणार आहे. एचडीएफसी बँकेने पुन्हा एकदा कर्ज (HDFC Bank Loan) महाग केलं आहे. बँकेने आपल्या मार्जिनल कॉस्ट ऑफ लेंडिंग रेट (MCLR) मध्ये १० बेसिस पॉईंटची वाढ (HDFC Bank Hike MCLR) करण्याचा निर्णय घेतला आहे. आजपासून हा नवीन दर लागू होणार आहे.
एचडीएफसी बँकेने आजपासून एक वर्षासाठी एमसीएलआर दर (MCLR) ८.१० टक्क्यांहून वाढवून ८.२० टक्के करण्याचा निर्णय घेतला आहे. सहा महिन्यांसाठी एमसीएलआर दर हा ७.९५ टक्क्यांहून वाढवून ८.०५ टक्के करण्याचा निर्णय घेतला आहे. तीन महिन्यांसाठी हा दर ७.८५ हून ७.९५ टक्के करण्यात आला आहे. एक महिन्यासाठीचा एमसीएलआर दर ७.९० टक्क्यांहून ८ टक्के करण्यात आला आहे. ओव्हनाइट एमसीएलआर दर ७.८० टक्क्यांहून ७.९० टक्के करण्यात आला आहे.
[read_also content=”‘केस तो बनता है’ मध्ये करण जोहरची धमाल https://www.navarashtra.com/movies/karan-johar-in-case-toh-bata-hai-show-nrsr-323237.html”]
मे ते ऑगस्ट महिन्याच्या कालावधीत आरबीआयने तीन टप्प्यांमध्ये रेपो दरात १.४० टक्क्यांनी वाढ केली आहे. त्यानंतर सध्या रेपो दर हा ५.४० टक्के इतका झाला आहे. रेपो दरात वाढ झाल्याने बँकांना रिझर्व्ह बँकेकडून कर्ज घेणे महाग झाले आहे. त्यामुळे या वाढीव दराचा भार ग्राहकांवर पडत आहे. एचडीएफसी बँकेने ७ जुलै २०२२ रोजी २० बेसिस पॉईंटची वाढ केली होती. त्यानंतर ऑगस्ट महिन्यात रेपो दरात वाढ झाल्यानंतर MCLR च्या दरात वाढ करत बँकेने कर्ज महाग केले होते. एचडीएफसी बँकेने MCLR दरात वाढ केल्याने गृह कर्ज, वाहन कर्ज, शैक्षणिक कर्ज, वैयक्तिक कर्जासह इतर प्रकारचे कर्ज महाग होणार आहेत. त्यामुळे ग्राहकांना अधिक ईएमआय भरावा लागणार आहे.
