Indian Crude Oil Imports: अमेरिका-युरोपच्या दबावाला न जुमानता भारताची रशियन तेल खरेदी सुरू;ऑक्टोबरमध्ये 2.5 अब्ज युरो तेलाची आयात

फेब्रुवारी २०२२ पासून सुरू असलेल्या युद्धाच्या अर्थव्यवस्थेला बळकटी देण्यासाठी रशिया मोठ्या प्रमाणात तेल सवलती देताना दिसत आहे. यामुळे भारताला त्याचा थेट फायदा होत आहे. भारतासाठी रशियाकडून होणारा हा स्वस्त पुरवठा दिलासादायक आहे. भारताने ऑक्टोबरमध्ये रशियाकडून सुमारे ३.१ अब्ज युरो इंधन आयात केली होती. कच्च्या तेलाचा  या आयातीमध्ये सर्वाधिक वाटा होता. रशियाकडून भारताने कोळसा तब्बल ३५१ दशलक्ष युरो इतका खरेदी केला आहे. तर, तेल उत्पादने २२२ दशलक्ष युरो किमतीचे खरेदी केली.

ऑक्टोबरमध्ये रशियाने सुमारे ६० दशलक्ष बॅरल कच्च्या तेलाची निर्यात केली. यामध्ये लुकोइल आणि रोझनेफ्टचा ४५ दशलक्ष बॅरल इतका वाटा आहे. CREA अहवालात भारताच्या महिन्या-दर-महिन्या रशियन कच्च्या तेलाच्या आयातीत ११% वाढ झाली आहे.

हेही वाचा : Mukhyamantri Mahila Rojgar Yojana Bihar: 10 हजार रुपयांच्या योजनेमुळे बदलले बिहारचे राजकीय गणित? नितीश कुमारांची गेम-चेंजर योजना!

एकीकडे युरोपियन देश आणि अमेरिकाने आयात घटवली असता, दुसरीकडे जपानने रशियन तेल-आधारित उत्पादनांची आयात १४०% ने वाढवली आहे. रशियन कच्च्या तेलापासून बनवलेल्या उत्पादनांवर काही देशांनी अद्याप निर्बंध जाहीर केलेले नाहीत.

संबंधित बातम्या