7 वर्षात भारत 7 ट्रिलियन डॉलरची अर्थव्यवस्था बनेल; जीडीपीचा वार्षिक विकास दर 6.7 टक्क्यांवर येईल – अहवाल

2031 पर्यंत भारतीय अर्थव्यवस्थेचा आकार 7 ट्रिलियन डॉलरपर्यंत पोहोचेल, असे रेटिंग एजन्सी क्रिसिलने आपल्या अहवालात म्हटले आहे. या काळात देशाच्या जीडीपीचा वार्षिक विकास दर ६.७ टक्क्यांवर येईल. असेही त्यात नमूद केले आहे.

7 वर्षात भारत 7 ट्रिलियन डॉलरची अर्थव्यवस्था बनेल; जीडीपीचा वार्षिक विकास दर ६.७ टक्क्यांवर येईल - अहवाल

Follow Us:

Follow Us:

भारतीय अर्थव्यवस्था ही सध्या जगात सर्वाधिक वेगाने वाढणारी अर्थव्यवस्था म्हणून समोर आली आहे. अशातच आता असे असले तरी रेटिंग एजन्सी क्रिसिलने भारतीय अर्थव्यवस्थेसाठी एक अहवाल प्रसिद्ध केला आहे. ज्यात 2031 पर्यंत भारतीय अर्थव्यवस्थेचा आकार 7 ट्रिलियन डॉलरपर्यंत पोहोचेल, असे म्हटले आहे. या काळात देशाच्या जीडीपीचा वार्षिक विकास दर ६.७ टक्क्यांवर येईल. असेही त्यात नमूद केले आहे. आर्थिक वर्ष 2025 ते आर्थिक वर्ष 2031 पर्यंत वार्षिक जीडीपी हा कोविड महामारीपूर्वीच्या दशकात (10 वर्षे) सरासरी 6.6 टक्के वाढीचा दर असेल. असेही रेटिंग एजन्सी क्रिसिलने म्हटले आहे.

या कारणांमुळे भारताच्या अर्थव्यवस्थेवर परिणाम

– जागतिक परिस्थिती आणि भौगोलिक-राजकीय तणावातील कोणतीही वाढ पुरवठा साखळीत व्यत्यय आणू शकते.
– देशांमधील व्यापारात व्यत्यय येऊ शकतो आणि कच्च्या तेलाच्या किमती वाढू शकतात.
– जागतिक समस्यांमुळे देशाच्या महागाई दरावर परिणाम होऊ शकतो आणि इनपुट खर्च वाढू शकतो.
– वित्तीय तूट कमी करण्यासाठी केंद्र सरकार करत असलेल्या प्रयत्नांचा परिणाम विकासावरही दिसायला हवा.
– अहवालात हवामानाची परिस्थिती आणि भौगोलिक-राजकीय अनिश्चितता याला विकास आणि महागाईचा मोठा धोका मानण्यात आला आहे.

हे देखील वाचा – धोनीच्या सन्मानासाठी आरबीआय काढणार 7 रुपयांचे नाणे? वाचा… काय आहे व्हायरल दाव्याची सत्यता!

कसा असेल चालू आर्थिक वर्षात देशाचा जीडीपी?

रेटिंग एजन्सी क्रिसिल इंडियाच्या प्रगती अहवालानुसार, चालू आर्थिक वर्षात भारताचा जीडीपी 6.8 टक्के राहण्याचा अंदाज आहे. कर्ज देण्याचे कठोर नियम आणि शहरी मागणीवरील उच्च व्याजाचा प्रभाव हे त्यामागचे मुख्य कारण आहे. याशिवाय आर्थिक वर्ष 2024-25 मध्ये सीएडी जीडीपीच्या 1 टक्क्यांनी वाढण्याची अपेक्षा असल्याने, 2023-24 मध्ये 1 टक्के राहण्याची अपेक्षा असल्यास, मजबूत सेवा निर्यात आणि रेमिटन्स आवक यांमुळे भारताची चालू खात्यातील तूट सुरक्षित क्षेत्रात राहील, असा अहवालाचा अंदाज आहे. असेही रेटिंग एजन्सी क्रिसिलने म्हटले आहे.

हे देखील वाचा – गाड्यांंच्या किंमती कमी होणार? केंद्रिय मंत्री पियुष गोयल यांचा वाहन उद्योगाला मोलाचा सल्ला, वाचा… सविस्तर!

काय सांगतो महागाईबाबत क्रिसिलचा अंदाज

सीपीआयवर (ग्राहक किंमत निर्देशांक) आधारित चलनवाढीचा दर चालू आर्थिक वर्ष 2024-25 मध्ये सरासरी 4.5 टक्के असण्याचा अंदाज आहे. गेल्या वर्षीच्या सरासरीपेक्षा कमी म्हणजेच ५.४ टक्के असल्याचा अंदाज आहे.

क्रिसिल इंडिया कृषीविषयक प्रगती अहवालात काय म्हटले आहे

चालू वर्षी खरिपाच्या पेरण्या अधिक झाल्या. मात्र, अपेक्षेपेक्षा जास्त पाऊस आणि अवकाळी पावसाचा परिणाम अद्याप निश्चित झालेला नाही. त्यासाठी काहीही नवीन करण्याची आवश्यकता आहे. चालू आर्थिक वर्षाच्या उर्वरित कालावधीसाठी प्रतिकूल हवामानामुळे अन्नधान्य महागाई आणि कृषी उत्पन्नासाठी सतत धोका आहे.

Web Title: Indian economy india to become 7 trillion dollar economy in 7 years gdp annual growth rate will be 6 7 percent

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com