Share Market च्या अस्थिरतेतही Investment चा ओघ कायम, NSEने गाठला तब्बल 13 कोटींचा टप्पा

नॅशनल स्टॉक एक्स्चेंज (NSE) वरील अद्वितीय नोंदणीकृत गुंतवणूकदारांची संख्या २७ एप्रिल २०२६ रोजी १३ कोटींच्या ऐतिहासिक टप्प्यावर पोहोचली आहे. अवघ्या सात महिन्यांत १ कोटी नवे गुंतवणूकदार जोडले.

• गुंतवणूकदारांची संख्या १३ कोटींच्या ऐतिहासिक टप्प्यावर
• अवघ्या सात महिन्यांत १ कोटी नवीन गुंतवणूकदार
• महाराष्ट्र देशात अव्वल स्थानी

Share Market Investment : नॅशनल स्टॉक एक्स्चेंज (NSE) वरील अद्वितीय नोंदणीकृत गुंतवणूकदारांची संख्या २७ एप्रिल २०२६ रोजी १३ कोटींच्या ऐतिहासिक टप्प्यावर पोहोचली आहे. सप्टेंबर २०२५ मध्ये १२ कोटींचा टप्पा ओलांडल्यानंतर अवघ्या सात महिन्यांत १ कोटी नवीन गुंतवणूकदार जोडले जाणे, ही भारतीय भांडवली बाजारासाठी एक मोठी उपलब्धी आहे. विशेष म्हणजे, बाजारात सध्या अस्थिरता असूनही आणि परतावा अपेक्षेप्रमाणे नसला तरीही, सर्वसामान्य गुंतवणूकदारांचा ओघ सातत्याने वाढत असल्याचे दिसून येते.

Stock Market Today: तेजी टिकणार की ब्रेक लागणार? सेन्सेक्स-निफ्टी घसरणीसह उघडण्याची शक्यता

ही वाढ केवळ महानगरांपुरती मर्यादित नसून, देशातील ९९.८५% पिन कोडपर्यंत पोहोचली आहे. टियर २, ३ आणि ४ शहरांमध्ये झालेल्या विस्तारामुळे भांडवली बाजाराचे लोकशाहीकरण होत असल्याचे स्पष्ट होते. डिजिटल प्रवेश आणि सुलभ केवायसी प्रक्रियेमुळे अरुणाचल प्रदेश, आसाम आणि मिझोरामसारख्या ईशान्येकडील राज्यांमध्येही गुंतवणुकीचे प्रमाण लक्षणीयरीत्या वाढले आहे.

महाराष्ट्राचे वर्चस्व कायम

राज्यांच्या गुंतवणुकीच्या आकडेवारीने अनेक जुन्या समजुतींना छेद दिला आहे. २ कोटी गुंतवणूकदारांसह महाराष्ट्र देशात अव्वल स्थानी आहे. उत्तर प्रदेश १.५ कोटी गुंतवणूकदारांसह दुसऱ्या क्रमांकावर आहे. अनेकदा गुजरातकडे सर्वाधिक वैयक्तिक गुंतवणूकदार असल्याचा समज असतो, परंतु आकडेवारीनुसार महाराष्ट्र गुजरातच्या (१.१ कोटी) खूप पुढे आहे. टॉप १० राज्यांच्या बाहेर असलेल्या राज्यांचा वाटा आता २७% वर पोहोचला आहे, जे भारताच्या प्रत्येक कोपऱ्यात वाढत असलेल्या गुंतवणुकीच्या जागरूकतेचे लक्षण आहे.

डिजिटल क्रांती आणि तरुण गुंतवणूकदार

गुंतवणूकदारांच्या वाढत्या संख्येमागे शिस्तबद्ध गुंतवणुकीचे (SIP) मोठे योगदान आहे. आर्थिक वर्ष २०२६ मध्ये ७.२ कोटींहून अधिक एसआयपी खाती उघडली गेली आहेत. मासिक एसआयपी गुंतवणूक दशकापूर्वीच्या ३,६६० कोटी रुपयांवरून आता २९,१३२ कोटी रुपयांवर पोहोचली आहे. विशेष म्हणजे, गुंतवणूकदारांचे सरासरी वय ३३ वर्षे असून, सुमारे ४०% गुंतवणूकदार ३० वर्षांखालील आहेत. तसेच, आता दर चारपैकी एक गुंतवणूकदार महिला आहे.

हे एक महत्त्वाचे यश

या यशावर बोलताना एनएसईचे मुख्य व्यवसाय विकास अधिकारी श्रीराम कृष्णन म्हणाले, “१३ कोटी गुंतवणूकदारांचा टप्पा गाठणे हे एक महत्त्वाचे यश आहे. भू-राजकीय अनिश्चितता असूनही सात महिन्यांत १ कोटी गुंतवणूकदारांची वाढ ही भारतीय भांडवली बाजारातील सहभागाची ताकद दर्शवते”. त्यांनी पुढे नमूद केले की, गुंतवणूकदार केवळ इक्विटीच नव्हे, तर ईटीएफ (ETF), आरईआयटी (REITs), आणि सरकारी रोख्यांमध्येही गुंतवणूक करत आहेत. एनएसईने गुंतवणूकदार शिक्षण कार्यक्रमांच्या (IAP) माध्यमातून लाखो लोकांपर्यंत पोहोचण्याचे उद्दिष्ट ठेवले असून, भविष्यातील आर्थिक सक्षमीकरणासाठी हे पाऊल अत्यंत महत्त्वाचे आहे

Todays Gold-Silver Price: सोनं-चांदी खरेदी करण्याचा विचार करताय? आजचे दर पाहून तुमचाही प्लॅन बदलेल