MakeMyTrip 'ट्रॅव्हल का मुहुरत'चा रेकॉर्ड! ६ दिवसांत १०९ देशांत बुकिंग (Photo Credit - X)
वर्षाखेरीच्या काळातील विमानप्रवासाचे आरक्षण आधीच करून ठेवण्याचे सुरुवातीला कमी असलेले प्रमाण आता दुपटीने वाढले आहे. हा निवास सुविधांसाठी उत्तम निदर्शक ठरत आहे, कारण पारंपरिक वर्तनानुसार प्रवासाचे आरक्षण झाल्यानंतर पुढील टप्प्यात मुक्कामाच्या जागांचे आरक्षण केले जाते. निवास प्रवर्गामध्ये अव्वल दर्जा (प्रिमियमायझेशन) आणि प्रवर्गाची व्यापकता हे मुद्दे महत्त्वाचे ठरत आहेत.
पहिल्या सहा दिवसांमध्ये झालेल्या प्रवासाच्या आरक्षणाची व्यापकता सर्व प्रवर्गांतील सहभागाचे मोठे प्रमाण अधोरेखित करते:
प्रवासी अव्वल दर्जाच्या निवास सुविधांचा उपयोग करत आहेत, पण मूल्याबाबत तेवढेच जागरूक आहेत. देशांतर्गत हॉटेल्स बुक करणारे ९६ टक्के पर्यटक डिस्काउंट कूपन्स आणि पार्टनर बँका (एचडीएफसी बँक, आयसीआयसीआय बँक व अॅक्सिस बँक) तसेच नेटवर्क पार्टनर्स (व्हिजा व रुपे) द्वारे दिल्या जाणाऱ्या ऑफर्सचा लाभ घेत होते.
मेकमायट्रिपचे सहसंस्थापक आणि ग्रुप सीईओ राजेश मागाव म्हणाले, “प्रवासी नियोजनाच्या प्रक्रियेत लवकर येत आहेत आणि अधिक विचारपूर्वक निवडी करत आहेत ही बाब प्रोत्साहन देणारी आहे. ‘ट्रॅव्हल का मुहुरत’च्या माध्यमातून प्रवासी, पार्टनर्स आणि संपूर्ण उद्योग अशा परिसंस्थेतील सर्वांना लाभ देणारा एक मंच निर्माण करण्याचे उद्दिष्ट आमच्यापुढे आहे. सुरुवातीचे प्रवाह ही या दिशेने झालेली सकारात्मक सुरुवात आहे.”
हे अभियान नोव्हेंबर महिन्यात सुरू राहणार असून, याच दर आठवड्याला वेगवेगळे विषय ठरवले जाणार आहेत, तसेच पार्टनर्सच्या ऑफर्समुळे पर्यटकांना चालना मिळणार आहे.
