Meesho Fraud Case : Meesho वरुन खरेदी करताय? आताच सावध व्हा! उच्च न्यायालयाचे कंपनीला कडक निर्देश, पाहा काय आहेत आदेश?

Meesho Fraud Case : ई-कॉमर्स प्लॅटफॉर्म Meesho वरुन शॉपिंग करणाऱ्या ग्राहकांसाठी आणि विक्रेत्यांसाठी दिल्ली उच्च न्यायालयाने एक अत्यंत महत्त्वाचा आणि कडक आदेश दिला आहे. प्लॅटफॉर्मवर विकल्या जाणाऱ्या बनावट आणि दुसऱ्यांच्या कॉपीराईटचे उल्लंघन करणाऱ्या उत्पादनांवर तात्काळ कारवाई करण्याचे निर्देश न्यायालयाने कंपनीला दिले आहेत.

• Meesho वरुन खरेदी करताय?
• आताच सावध व्हा!
• उच्च न्यायालयाचे कंपनीला कडक निर्देश

Meesho Fraud Case : शॉपिंग हा प्रत्येकाच्या आवडीचा विषय आहे. अगोदर प्रत्येक गोष्ट बाजारात जावून घ्यावी लागायची. पण आजच्या डिजिटल युगात, अनेक कामे घरबसल्या करता येतात. खरेदीची आवड असणाऱ्यांना बाहेर जाण्याची गरजही लागत नाही; ते ऑनलाइन ई-कॉमर्स प्लॅटफॉर्म वापरून ऑनलाइन खरेदी देखील करू शकतात. हा पर्याय आल्यापासून बहुतेक लोक ऑनलाइन खरेदीला प्राधान्य देतात कारण जवळपास सर्व काही ऑनलाइन, परवडणाऱ्या किमतीत उपलब्ध होतं आणि वस्तू आवडली नाही किंवा काही अडचण असेल तर ती परत करता येते. असाच एक स्वस्त आणि परवडणारा प्लॅटफॉर्म म्हणजे मीशो. पण या ई-कॉमर्स ( Meesho Fraud Case ) प्लॅटफॉर्मबाबत नुकताच उच्च न्यायालयाने आदेश जारी केला आहे. नेमका काय आहे तो आदेश? आणि या आदेशाचा एक ग्राहक म्हणून आपल्यावर काय परिणाम होऊ शकतो?

Best Before Reality : … मग अन्न विषारी होतं? Best Before चा नियम काय सांगतो? FSSAI ने दूर केला मोठा गैरसमज!

Meesho सारख्या प्लॅटफॉर्मवरून त्वचेची काळजी घेणारी किंवा सौंदर्य प्रसाधने खरेदी करत असाल, तर ही बातमी तुमच्यासाठी फार उपयुक्त आहे. दिल्ली उच्च न्यायालयाने मीशोवर विकल्या जाणाऱ्या सन फार्मास्युटिकल्सच्या कथित बनावट सनस्क्रीन उत्पादनांची सूची काढून टाकण्याचे आदेश दिले आहेत. नेमकं काय आहे प्रकरण? तुम्ही तर हे प्रोडक्ट वापरत नाहीत ना?

संपूर्ण प्रकरण काय आहे?

वास्तविक पाहता, सन फार्मास्युटिकल्सने न्यायालयाला सांगितले की, मीशोवर काही सनस्क्रीन त्यांच्या ब्रँड नावाने विकले जात होते. परंतु कंपनीचे मूळ उत्पादन त्या प्लॅटफॉर्मवर उपलब्ध नव्हते. कंपनीच्या म्हणण्यानुसार, ‘Belo Photostable’ आणि ‘Photostable Gold’ या नावांनी ग्राहकांना प्लॅटफॉर्मवर बनावट उत्पादने विकली जात होती. इतकेच नाही, तर कंपनीने न्यायालयाला अशा अनेक ऑनलाइन लिंक्सबद्दलही माहिती दिली, ज्यावर मीशोवर त्यांच्या नावाने बनावट उत्पादने लीस्ट होती.

न्यायालयाने Meesho ला दिले कडक आदेश

या प्रकरणाच्या सुनावणीदरम्यान, न्यायालयाने Meesho ला सूचीबद्ध केलेले सर्व URLs काढून टाकण्याचे कडक आदेश दिले आहे. सन फार्मास्युटिकल्सने म्हटले आहे की, बनावट उत्पादने विकल्याने कंपनीच्या प्रतिमेला हानी पोहोचू शकते आणि कंपनीच्या अस्सल उत्पादनांवरील ग्राहकांचा विश्वास कमी होऊ शकतो.

ऑनलाइन खरेदी करणाऱ्यांसाठी महत्त्वाच्या गोष्टी

• तुम्ही ऑनलाइन खरेदी करत असाल, तर खरेदी करण्यापूर्वी उत्पादनाचे रेटिंग आणि रिव्ह्यू नक्की तपासा.
• त्वचेची काळजी घेणारी किंवा सौंदर्य प्रसाधने खरेदी करताना, त्यांची expiry date, batch number आणि उत्पादकाचा तपशील नक्की तपासा.
• खूप कमी किमतीत विकल्या जाणाऱ्या वस्तूंपासून सावध रहा.
• एखाद्या वस्तूबाबत तुम्हाला काही शंका असल्यास, ताबडतोब ब्रँडच्या अधिकृत वेबसाइटवर उत्पादनाचा तपशील तपासा.
• डिलिव्हरीनंतरही, तुम्ही ऑर्डर केलेली वस्तूच आहे याची खात्री करण्यासाठी ती काळजीपूर्वक तपासा.
• जर वस्तू बनावट किंवा सदोष आढळली, तर तिचा वापर टाळा.
• तसेच, अशा परिस्थितीत तुम्ही तक्रार दाखल करू शकता.

  Sri Lanka Tour Package : कमी खर्चात श्रीलंकेची सफर! IRCTC ने लाँच केला ‘रामायण टूर पॅकेज’; 6 दिवसांमध्ये काय असणार खास?