पैसे तयार ठेवा, …येतोय देशातील सर्वात मोठा आयपीओ; गुंतवणूकदारांची प्रतीक्षा संपणार!

रिलायन्स जिओ इन्फोकॉमच्या आयपीओची वाट पाहणाऱ्या गुंतवणूकदारांची प्रतीक्षा संपली आहे. मुकेश अंबानींच्या रिलायन्स जिओ इन्फोकॉमचा आयपीओ पुढील वर्षी येण्याची शक्यता आहे.

रिलायन्स जिओ इन्फोकॉमच्या आयपीओची वाट पाहणाऱ्या गुंतवणूकदारांची प्रतीक्षा संपली आहे. रिलायन्स जिओ इन्फोकॉमचा आयपीओ पुढील वर्षी येण्याची शक्यता आहे. भारत आणि आशियातील सर्वात श्रीमंत व्यक्ती असलेल्या मुकेश अंबानी त्यांची टेलिकॉम क्षेत्रातील कंपनी रिलायन्स जिओ इन्फोकॉमचा आयपीओ पुढील म्हणजेच 2025 मध्ये आणला जाईल. वृत्तसंस्था रॉयटर्सच्या वृत्तानुसार रिलायन्स जिओ इन्फोकॉमच्या आयपीओसदंर्भात अधिकृत घोषणा करण्यात आलेली नाही. मात्र, कोट्यवधी गुंतवणूकदार रिलायन्स जिओच्या आयपीओची वाट पाहत आहेत.

हे देखील वाचा – अमेरिकेचे राष्ट्राध्यक्ष डोनाल्ड ट्रम्प यांची एकूण संपत्ती कितीये? भारतात देखील केलीये गुंतवणूक! वाचा… सविस्तर

रिलायन्स जिओची मार्केट व्हॅल्यू 100 अब्ज डॉलरवर

रिलायन्स जिओ इन्फोकॉमचे बाजारमूल्य 8.4 लाख कोटी म्हणजेच 100 अब्ज डॉलरपर्यत आहेत. जेव्हा रिलायन्स जिओचा आयपीओ येईल, तेव्हा तो भारतीय शेअर बाजारातील सर्वात मोठा आयपीओ असेल. रिलायन्स जिओखडे 47.9 कोटी सबसक्राइबर्स आहेत. भारतातील सर्वाधिक ग्राहक असणारी टेलिकॉम कंपनी आहे. कंपनीची मुख्य स्पर्धा भारती एअरटेल सोबत आहे.

हे देखील वाचा – शेअर्स 32 रुपयांवरून पाेहाेचला 1000 रुपयांवर; 1 लाखाचे झाले 31 लाख, गुंतवणुकीची मोठी संधी!

रिलायन्स जिओच्या आयपीओची 5 वर्ष प्रतीक्षा

भारतात टेलिफोन, ब्रॉडबँड सर्व्हिसेस आणि डिजीटल सर्व्हिसेस देणारी सर्वात मोठी कंपनी असलेल्या रिलायन्स जिओच्या आयपीओची वाट गुंतवणूकदार पाहत आहे. 2019 मध्ये झालेल्या रिलायन्स इंडस्ट्रीजच्या वार्षिक बैठकीत ते टेलिकम्युनिकेशन कंपनी आणि रिटेल कंपनीला शेअर बाजारात पुढील पाच वर्षात लिस्ट करणार असल्याचे संकेत मुकेश अंबानी यांनी दिले होते.

मीडीया रिपोर्टनुसार रिलायन्स जिओचा आयपीओ दोन प्रकारे येऊ शकतो. यामध्ये रिलायन्स जिओला स्पिन ऑफ नुसार रिलायन्स इंडस्ट्रीजचपासून वेगळे केले जाईल. यानंतर प्राइस डिस्कवरी सिस्टीमनुसार शेअर बाजारात रिलायन्स जिओला लिस्ट केले जाऊ शकते. याशिवाय संपूर्ण आयपीओ ऑफर फॉर सेल असू शकतो. यामध्ये मायनॉरिटी शेअरहोल्डर्स त्यांची रिलायन्स जिओतील भागिदारी विकू शकतात.

हे देखील वाचा – रेल्वे प्रवाशांसाठी खूशखबर! फक्त 45 पैशांत मिळणार 10 लाखांचे सुरक्षा कवच!

रिलायन्स रिटेल वेंचर्सचा आयपीओ

रिलायन्स जिओच्या आयपीओ प्रमाणेच रिलायन्स रिटेल वेंचर्स लिमिटेडच्या आयपीओची देखील गुंतवणूकदार प्रतीक्षा करत आहेत. रिलायन्स रिटेल आणि रिलायन्स जिओचा आयपीओ पुढील वर्षी येऊ शकतो. रिलायन्स जिओच्या आयपीओअगोदर रिलायन्स रिटेलचा आयपीओ पुढे येईल. असे सांगितले जात आहे.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)