Satara News: शेअर बाजारात गुंतवणुकीच्या आमिषाने ज्येष्ठाला गंडा; साताऱ्यात १ कोटी ७१ लाखांची फसवणूक

Satara Share Market Fraud investment Scam: साताऱ्यात शेअर बाजारात मोठ्या नफ्याचे आमिष दाखवून व्हॉट्सॲपद्वारे संपर्क साधणाऱ्या व्यक्तींनी ७० वर्षीय ज्येष्ठ नागरिकाची तब्बल १ कोटी ७१ लाख ३ हजार १८४ रुपयांची फसवणूक केल्याचा आरोप आहे.

• साताऱ्यात ज्येष्ठाची कोट्यवधींची फसवणूक
• मोठ्या परताव्याचे आमिष अन् १.७१ कोटींचा गंडा
• शाहूपुरी पोलिसांत गुन्हा

सातारा: शेअर बाजारात गुंतवणूक केल्यास मोठा नफा मिळेल, असे आमिष दाखवून ज्येष्ठ नागरिकाची एक कोटी ७१ लाख तीन हजार १८४ रुपयांची फसवणूक केल्याचा प्रकार उघडकीस आला आहे. याप्रकरणी अनन्या कुलकर्णी आणि गुलटेक चंदानी यांच्याविरुद्ध शाहूपुरी पोलीस ठाण्यात गुन्हा दाखल करण्यात आला आहे.याबाबत बाळ गंगाधर गाढवे (वय ७०, रा. ग्रीन सिटी अपार्टमेंट, स्कूलजवळ, करंजे, सातारा) यांनी फिर्याद दिली आहे. पोलिसांनी दिलेल्या माहितीनुसार, ९ ऑगस्ट ते ११ ऑक्टोबर २०२६ या कालावधीत हा प्रकार घडला.

Baramati News : सोमेश्वर कारखाना मतमोजणीचा वाहतुकीला फटका; शारदानगर ते राजहंस चौक मार्ग बंद, पर्यायी रस्त्यांचा वापर करा!

आरोपी अनन्या कुलकर्णी हिने व्हॉट्सॲपद्वारे संपर्क साधून डेल्टा टेक इन्व्हेस्टमेंट प्रायव्हेट लिमिटेड या कंपनीची प्रतिनिधी असल्याचे भासवले. डेल्टा व्हर्सच्या माध्यमातून शेअर बाजारात गुंतवणूक केल्यास चांगला परतावा मिळेल, असे सांगून फिर्यादींना गुंतवणुकीस प्रवृत्त केले. सुरुवातीला नफा होत असल्याचे भासवून त्यांचा विश्वास संपादन केला. त्यानंतर वेळोवेळी विविध खात्यांवर पैसे जमा करण्यास सांगितले.

या आमिषाला बळी पडून फिर्यादींनी एकूण एक कोटी ७१ लाख तीन हजार १८४ रुपये गुंतवले. मात्र, अपेक्षित परतावा मिळत नसल्याने त्यांनी गुंतवलेल्या रकमेची मागणी केली. त्यावेळी पैसे देण्यास नकार मिळाल्याने आपली फसवणूक झाल्याचे त्यांच्या लक्षात आले. त्यानंतर त्यांनी पोलिसांत धाव घेतली. या प्रकरणाचा पुढील तपास पोलीस निरीक्षक डी. पी. देशमुख करीत आहेत.

Pune MLC Election : पुणे पदवीधर-शिक्षक निवडणुकीसाठी भाजपचा शड्डू! रविंद्र चव्हाण मैदानात