Robert Kiyosaki Viral Post : ‘डॉलरच्या नादात गरीब होऊ नकात!’ रॉबर्ट कियोसाकी यांचा इशारा; श्रीमंत होण्यासाठी करा यांची खरेदी

Robert Kiyosaki Viral Post : 'रिच डॅड पुअर डॅड' या प्रसिद्ध पुस्तकाचे लेखक रॉबर्ट कियोसाकी यांची एक सोशल मीडिया पोस्ट सध्या जगभरात प्रचंड व्हायरल होत आहे. 'डॉलरच्या चक्करमध्ये पडून गरीब राहू नका', असा थेट इशारा देत त्यांनी रोख रक्कम किंवा कागदी नोटांमध्ये बचत करणाऱ्यांना सतर्क केले आहे.

• ‘डॉलरच्या नादात गरीब होऊ नकात!’
• रॉबर्ट कियोसाकी यांचा इशारा
• श्रीमंत होण्यासाठी करा यांची खरेदी

Robert Kiyosaki Viral Post : ‘रिच डॅड, पुअर डॅड’चे लेखक रॉबर्ट कियोसाकी बरेच लोकप्रिय आहेत. त्यांच्या या पुस्तकाचा बराच मोठा चाहता वर्ग आहे. कियोसाकी सोशल मीडियावर बरेच सक्रिय असतात. नेहमी ते सोशल मीडियावर मनोरंजक गोष्टी पोस्ट करत असतात. या पोस्टमध्ये ते डॉलरबाबत बोलत असतात. कधी ते गुंतवणूकीबाबत सजेशन देत असतात. बऱ्याच वेळेला ते सोशल मीडियावरील पोस्टवरुन श्रीमंत होण्याचा मार्ग सुचवत असतात. आताही त्यांनी एक नवीन पोस्ट शेअर केली आहे. ज्यामध्ये त्यांनी गुंतवणूकदारांना कडक इशारा दिला आहे. यातून त्यांनी कोण गरीब होतो कोण श्रीमंत होतो याबाबत स्पष्ट मत व्यक्त केलं आहे. नेमकं काय आहे या पोस्टमध्ये? आणि त्यांनी गुंतवणूकीबाबत कोणत्या सल्ला दिला आहे जो तुमच्याही फायद्याचा ठरु शकतो? जाणून घेऊयात. ( Robert Kiyosaki Viral Post ) 

Online Onion Price : कांद्याचे भाव वाढले? ऑनलाईन मागवताना ‘या’ ॲपवर मिळेल चांगली ऑफर; Blinkit आणि Zepto मध्ये किती फरक?

बनावट डॉलर्सपासू अलर्ट

रॉबर्ट कियोसाकी यांनी त्यांच्या व्हायरल सोशल मीडिया पोस्टमध्ये पुन्हा एकदा अमेरिकन डॉलरला टार्गेट करत इशारा दिला आहे. त्यांनी अधिक बनावट डॉलर्सच्या छपाईला हायलाईट केलं आहे. त्यांनी लिहिलं की, “अमेरिकेच्या ट्रेझरीने QE क्वांटिटेटिव्ह इझिंग ची आणखी एक फेरी जाहीर केली आहे, म्हणजेच बनावट डॉलर्सची छपाई. त्यामुळे DXY घसरतो आहे, याचा अर्थ महागाई झपाट्याने वाढत आहे. याचा सरळ परिणाम जे बनावट डॉलर्सचा साठा करतात त्यांच्यावर होतो. त्यामुळे याचं नुकसान सोसणारे तुम्ही होऊ नका.”

PRINTING MORE FAKE $ US Treasury announces another round of QE (Quantatative Easing) aka printing fake $. DXY (index of purchasing power of dollars) CRASHES, which means INFLATION Booms….which means savers of fake $ are the biggest losers. Don’t be a Loser. As stated in my… — Robert Kiyosaki (@theRealKiyosaki) August 22, 2026

“ते लोक गरीब होतात”

आपल्या नवीन पोस्टमध्ये रॉबर्ट कियोसाकी यांनी पुढे लिहिले, “जर तुम्हाला आर्थिक शिक्षण महाग वाटत असेल, तर आर्थिक ज्ञान नसण्याची किंमत काय आहे? वस्तुस्थिती अशी आहे की जे हुशार गुंतवणूकदार सोने, चांदी, बिटकॉइन आणि काही स्थावर मालमत्ता यांसारख्या मूल्य वाढणाऱ्या मालमत्तांमध्ये गुंतवणूक करतात, ते त्यांच्या गुंतवणुकीतून श्रीमंत होतात. याउलट, जे आर्थिकदृष्ट्या जागरूक नाहीत आणि डॉलर्ससारख्या बनावट मालमत्तांचा साठा करतात, ते गरीब होतात.”

वेगात व्हायरल होतेय पोस्ट

‘रिच डॅड पुअर डॅड’च्या लेखकांनी पुढे म्हटलंय की, तुम्ही दररोज आर्थिकदृष्ट्या अधिक हुशार होत आहात. माझे श्रीमंत वडील नेहमी म्हणायचे, तुमचा सर्वात मोठा खर्च हा तुमच्या आर्थिक शिक्षणावर खर्च केलेला वेळ आणि पैसा नाही तर, तुम्ही न कमावलेला पैसा आहे. स्वतःची काळजी घ्या.

कियोसाकीची ही सोशल मीडिया पोस्ट, त्याच्या इतर अनेक पोस्टप्रमाणेच, वेगाने व्हायरल होत आहे. हे लक्षात घेण्यासारखे आहे की, त्याच्या बहुतेक पोस्टमध्ये सोने आणि चांदीमध्ये गुंतवणूक करणे हे सर्वोच्च प्राधान्य आहे, इतकेच नव्हे तर ‘रिच डॅड पुअर डॅड’च्या लेखकाने श्रीमंत होण्याचा सर्वोत्तम मार्ग म्हणून चांदीला प्रमोट केलं आहे.

Sugar Price : काय सांगताय? 13-14 रुपयांना मिळतेय इथे 65 रुपयांची साखर, कोण खरेदी करु शकतं? जाणून घ्या