25 वर्षांत जे झालं नाही ते आता घडतंय…! रशिया गोल्ड रिझर्व्हमधून सोन्याची धडाधड विक्री का करतंय?

गेल्या अडीच दशकांपासून सोन्याचा साठा वाढवण्यावर भर देणारा रशिया आता अचानक सोने विकू लागला आहे. रशियाच्या मध्यवर्ती बँकेने आपल्या सोन्याच्या साठ्यातून मोठ्या प्रमाणात विक्री सुरू केली आहे. अशी घटना 25 वर्षांत पहिल्यांदा..

• सोन्याचा साठा वाढवण्यावर भर देणारा रशिया
• रशिया अचानक सोने विकू लागला
• रशिया सोन्याची विक्री का करतंय?

Russia Gold Reserve : गेल्या अडीच दशकांपासून सोन्याचा साठा वाढवण्यावर भर देणारा रशिया आता अचानक सोने विकू लागला आहे. रशियाच्या मध्यवर्ती बँकेने आपल्या सोन्याच्या साठ्यातून मोठ्या प्रमाणात विक्री सुरू केली आहे. अशी घटना गेल्या २५ वर्षांत पहिल्यांदाच घडत आहे. रशियाने आपल्या मध्यवर्ती बँकेच्या साठ्यातून सोन्याची विक्री करण्यास सुरुवात केली आहे. बर्लिनस्थित वृत्तसंस्था bne IntelliNews यांच्या एका अहवालातून ही माहिती समोर आली आहे.

FASTag News: उत्तरपासून दक्षिणेपर्यंत… नॅशनल हायवेवरील टोल दरात मोठी वाढ! १ एप्रिलपासून ‘या’ राज्यांत प्रवास महागणार

अहवालात काय?

या अहवालानुसार, नियामक आकडेवारी दर्शवते की २०२२ ते २०२५ या कालावधीत, रशियाने १५ ट्रिलियन रुबल म्हणजे १५० अब्ज डॉलर्सपेक्षा अधिक किमतीचं सोनं आणि परकीय चलन विकलं आहे. त्यानंतर, २०२६ च्या पहिल्या दोन महिन्यांत ३.५ ट्रिलियन रुबल म्हणजे ३५ अब्ज डॉलर्स इतकी अतिरिक्त विक्री करण्यात आली आहे. केवळ जानेवारी महिन्यातच, रशियाच्या मध्यवर्ती बँकेने ३,००,००० औंस सोन्याची विक्री केली आहे आणि त्यानंतर फेब्रुवारीमध्ये आणखी २,००,००० औंस सोन्याची विक्री केली.

रशिया सोन्याची विक्री का करतंय?

रशिया आणि युक्रेन यांच्यातील युद्ध अजूनही सुरूच आहे. परिणामी, लष्करी खर्चात प्रचंड वाढ झाली आहे. युक्रेनमधील रशियाच्या या संघर्षाचे हे चौथं वर्ष आहे. या वर्षी, रशियाने आपल्या संरक्षण अर्थसंकल्पासाठी विक्रमी रक्कम १४.५ ट्रिलियन रुबलपेक्षा अधिक राखीव ठेवली आहे. ही रक्कम एकूण सरकारी खर्चाच्या अंदाजे ४० टक्के इतकी आहे. केवळ कर महसुलातून या खर्चाची पूर्तता करणे शक्य नाही.
२०२५ मध्ये रशियाची अर्थसंकल्पीय तूट २.६ ते ३.४ टक्क्यांच्या दरम्यान पोहोचली होती; याचे मुख्य कारण म्हणजे, युक्रेनमधील युद्धामुळे अनेक पाश्चात्य राष्ट्रांनी रशियाच्या तेल आणि वायूवर जे देशाच्या महसुलाचे मुख्य स्रोत आहेत त्यांच्यावर विविध निर्बंध लादले आहेत. या आर्थिक दबावाचा सामना करण्यासाठी, रशिया आता आपल्या सुवर्ण साठ्याचा वापर करावा लागत आहे.

रशियाने आपली रणनीती बदलली

यापूर्वी, रशियाची मध्यवर्ती बँक आणि अर्थ मंत्रालय केवळ कागदोपत्री (paper-based) सोन्याचे हस्तांतरण करत होते; मात्र, आता ते आपल्या साठ्यातून प्रत्यक्ष सोन्याच्या लगडी म्हणजेच bullion बाहेर काढले आहे आणि त्यांची खुल्या बाजारात विक्री करत आहेत. या मोठ्या प्रमाणावरील विक्रीचा परिणाम म्हणून, रशियाचा सुवर्ण साठा चार वर्षांतील नीचांकी पातळीवर म्हणजेच ४.३ दशलक्ष औंस इतका पोहोचला आहे. युद्धाच्या चौथ्या वर्षात प्रवेश करत असताना इतक्या वर्षांमध्ये देशावरील आर्थिक दबाव किती तीव्र झाला आहे, हे यावरून स्पष्ट होताना दिसत आहे.

कोटक महिंद्रा प्राइममध्ये नेतृत्व बदल! सुरज राजप्पन नवे एमडी आणि सीईओ; शाहरुख तोडीवाला ३१ मे रोजी होणार निवृत्त