आता रात्रीपर्यंत चालणार Share Market? SEBI चा नवा प्रस्ताव; वेळापत्रकात मोठ्या बदलाची शक्यता

Share Market New Timings : भारतीय भांडवली बाजार नियामक SEBI ने शेअर बाजारातील ट्रेडिंगची वेळ वाढवण्याबाबत एक नवा आणि महत्त्वाचा प्रस्ताव मांडला आहे. सध्या संध्याकाळी ३:३० वाजेपर्यंत चालणारा शेअर बाजार आता अधिक वेळेसाठी सुरू ठेवण्याबाबत चाचपणी सुरू आहे.

• शेअर बाजारात पैसे लावणारांसाठी मोठी बातमी!
• ट्रेडिंगची वेळ बदलणार?
• SEBI ने ठेवला ‘हा’ नवा प्रस्ताव

Share Market New Timings : जर तुम्हीही शेअर बाजारात गुंतवणूक करत असाल, तर ही बातमी तुमच्यासाठी फार महत्त्वाची आहे. कारण ट्रेडिंगच्या वेळांत बदल होणार आहे. भारतीय प्रतिभूति आणि विनिमय मंडळ म्हणजे SEBI शेअर बाजाराच्या शेवटच्या ट्रेडिंग वेळेत आणि क्लोजिंग ऑक्शन सेशनमध्ये बदल सुचवले आहेत. यासाठी, बाजार बंद होण्याची वेळ आणि इक्विटी डेरिव्हेटिव्ह्जच्या (एफ अँड ओ) ट्रेडिंग विंडोबाबत दोन पर्याय सादर करण्यात आले आहेत. नेमके कोणते पर्याय आहे ? आणि वेळेत नेमका काय बदल होणार आहे? ( Share Market New Timings )

India UAE Mega Deal : दुबईच्या शेखांनी खजिना खोलला! भारतात होणार तब्बल 1.10 लाख कोटींची गुंतवणूक

SEBI ने ट्रेडिंग टाईमचे दिले २ ऑप्शन

SEBIने क्लोजिंग ऑक्शन सेशन (CAS) आणि इक्विटी डेरिव्हेटिव्ह्ज मार्केटसाठी वेळेचे दोन वेगवेगळे पर्याय प्रस्तावित केले आहेत.

ऑप्शन A: ऑप्शन A नुसार, कॅश मार्केटमधील सामान्य ट्रेडिंग दुपारी ३:३० वाजेपर्यंत सुरू राहील. त्यानंतर क्लोजिंग ऑक्शन सेशन दुपारी ३:३१ ते ३:४० पर्यंत चालेल. फ्युचर्स आणि ऑप्शन्स (F&O) सेगमेंटमधील व्यापार दुपारी ३:४५ पर्यंत सुरू राहू शकतो. हा पर्याय सध्याच्या व्यापाराच्या वेळेच्या तुलनेत क्लोजिंग वेळेच्या प्रक्रियेत बदल करेल.

ऑप्शन B : ऑप्शन B अंतर्गत, सामान्य ट्रेडिंग दुपारी ३:१५ वाजता संपवण्याचा प्रस्ताव आहे. त्यानंतर क्लोजिंग ऑक्शन सेशन दुपारी ३:१५ ते ३:२५ पर्यंत चालेल. पण, एफ अँड ओ मार्केट त्याच्या सध्याच्या वेळेनुसार दुपारी ३:३० वाजता बंद होईल. याचा अर्थ असा की, या पर्यायाअंतर्गत सामान्य कॅश मार्केट ट्रेडिंग सर्वात आधी संपेल.

CAS संदर्भातही बदलांचे प्रस्ताव

सेबीने क्लोजिंग ऑक्शन सेशन सुरू होण्यापूर्वीचा वेळ कमी करण्याचा प्रस्तावही दिला आहे. तो सध्याच्या ५ मिनिटांवरून १ मिनिटापर्यंत कमी करण्याचा प्रस्ताव आहे. याव्यतिरिक्त, लिलाव संपल्यानंतर इक्विटी डेरिव्हेटिव्हसाठी उपलब्ध असलेली विस्तारित ट्रेडिंग विंडो देखील १० मिनिटांवरून ५ मिनिटांपर्यंत कमी करण्याचा प्रस्ताव आहे.

शेअर बाजाराच्या वेळेत बदल झाला का?

सर्वात महत्त्वाची गोष्ट म्हणजे सेबीने केवळ आपला प्रस्ताव सादर केला आहे आणि जनतेकडून सूचना मागवल्या आहेत. याचा अर्थ असा की, शेअर बाजार सध्याच्या ट्रेडिंग वेळेनुसारच कार्यरत राहील. सेबीने या सल्लापत्रिकेवर ३ ऑक्टोबर २०२६ पर्यंत जनतेकडून सूचना आणि अभिप्राय मागवले आहेत. यानंतर मिळालेल्या प्रतिसादाच्या आधारावर अंतिम निर्णय घेतला जाईल.

BRICS परिषदेमुळे अमेरिका चिडली? Indian Solar Panel वर ठोठावला 123% Tariff; आता काय होणार परिणाम?