Shipping Charge Hike : ऑनलाइन शॉपिंग करणाऱ्यांना झटका! पार्सल डिलिव्हरीच्या दरात वाढ; ‘या’ कंपनीने घेतला मोठा निर्णय

Shipping Charge Hike : आगामी गणेशोत्सव आणि दिवाळीसारख्या फेस्टिव्ह सीझनपूर्वीच ग्राहकांसाठी एक वाईट बातमी समोर आली आहे. प्रमुख लॉजिस्टिक कंपनीने आपल्या शिपिंग आणि डिलिव्हरी शुल्कात वाढ करण्याची घोषणा केली आहे. त्यामुळे आता वस्तूंच्या दरांमध्येही वाढ होणार आहे.

• ऑनलाइन शॉपिंग करणाऱ्यांना झटका!
• पार्सल डिलिव्हरीच्या दरात वाढ
• ‘या’ कंपनीने घेतला मोठा निर्णय

Shipping Charge Hike : ऑनलाईन शॉपिंग करणाऱ्यांसाठी मोठी बातमी समोर येत आहे. सणासुदीच्या काळात महागाईचा दणका बसत असल्याचं पाहायला मिळत आहे. आता या काळात ऑनलाइन खरेदीदेखील महाग होणार आहे. लॉजिस्टिक्स क्षेत्रातील मोठी कंपनी असलेल्या कंपनीने वाढ केली आहे. या वाढलेल्या डिलिव्हरी खर्चाचा थेट परिणाम ऑनलाइन वस्तूंच्या किमतींवर होण्याची शक्यता आहे. ग्राहकांना पाठवलेल्या एका ईमेलमध्ये कंपनीने कळवले आहे की, १ सप्टेंबरपासून प्रत्येक एक्सप्रेस शिपमेंटसाठी वाढ होणार आहे नेमकी किती वाढ होणार आहे. त्याचा तुमच्या वस्तूंच्या किमतींवर पण कसा परिणाम होणार? ( Shipping Charge Hike ) 

Young Entrepreneur Success Story : 12 वीत शिकणारा मुलगा AI कंपनीचा मालक; वडिलांना स्वतःच्या कंपनीत दिली 2 लाखांची नोकरी

नेमकी दरांत किती वाढ करण्यात आली?

प्रत्येक एक्सप्रेस शिपमेंटसाठी ४ रुपये आणि प्रत्येक सरफेस शिपमेंटसाठी २ रुपये अधिक आकारले जातील. थेट ग्राहकांना विक्री करणारे ब्रँड्स म्हणजे अशा कंपन्या, ज्या घाऊक विक्रेते, वितरक किंवा किरकोळ विक्रेत्यांमार्फत न जाता आपली उत्पादने थेट ग्राहकांना विकतात.
मामाअर्थ, बोट आणि वेकफिट यांसारख्या कंपन्या D2C ब्रँड्स आहेत आणि त्या कमी नफ्यावर चालतात. ५०० ग्रॅमच्या पार्सलवर डिलिव्हरी खर्चात ५ ते १० टक्क्यांनी वाढ होण्याची शक्यता आहे. डिलिव्हरी खर्च वाढल्यामुळे, या कंपन्या हा वाढीव खर्च स्वतः सोसण्याऐवजी उत्पादनांचे किरकोळ दर वाढवून तो ग्राहकांवर लादू शकतात. ग्राहकांना पाठवलेल्या एका ईमेलमध्ये डेलीव्हरीने म्हटले आहे की, विमान इंधनाच्या वाढत्या किमती, ग्राउंड स्टाफचा खर्च आणि लॉजिस्टिक्स नेटवर्कवरील वाढत्या महागाईच्या दबावामुळे ही दरवाढ करण्यात आली आहे.

वेळेपूर्वीच दरात वाढ

मनीकंट्रोलच्या वृत्तानुसार, डेल्‍हीवेरीचा हा नवीन सरचार्ज वजन आणि अंतरावरून ठरवल्या जाणाऱ्या डिलिव्हरी दरांमध्ये जोडला जाणार आहे. या दरवाढीमुळे थेट ग्राहकांना विक्री करणाऱ्या ब्रँड्समध्ये चिंता वाढली आहे. कंपन्या सहसा दिवाळीच्या आसपास, ऑक्टोबरमध्ये दर वाढवतात. पण यावेळी हा निर्णय वेळेपूर्वीच घेण्यात आला आहे.

ॲमेझॉन आणि फ्लिपकार्टचेही दर वाढले

डेलीवरीच्या आधी, ॲमेझॉन आणि फ्लिपकार्टनेही त्यांच्या दरांमध्येही वाढ झाली आहे. ॲमेझॉनने ऑर्डरच्या मूल्याच्या २% वरून १०% पर्यंत कॅन्सलेशन चार्ज वाढवला आहे. तसेच, क्लोजिंग फीमध्येही ₹१ ने वाढ करून ती ₹३ केली आहे. फ्लिपकार्टने शिपमेंटला उशीर झाल्यास आणि ऑर्डर रद्द केल्यास ₹३० ते ₹९० पर्यंत दंड आकारला आहे.

Taj Luxury Villas : सेकंड होम घेणाऱ्यांसाठी मोठी बातमी! ताज ब्रँडचे लक्झरी व्हिला क्षेत्रात पदार्पण, लोणावळ्यात प्रोजेक्ट लॉन्च