Sindhudurg News: सिंधुदुर्ग जिल्ह्याच्या शाश्वत आर्थिक विकासाला मिळणार गती, ‘गाव तिथे उद्योजक’ अभियानाचा भव्य शुभारंभ

Sindhudurg News: सिंधुदुर्ग जिल्ह्यात आता गाव तिथे उद्योजक. तरूण उद्योजकांना नवी दिशा दाखविण्यासाठी मोठं पाऊल. गाव तिथे उद्योजक नवे अभियान सुरू. कुडाळ इथे पार पडला शुभारंभ

• सिंधुदुर्ग जिल्ह्याच्या आर्थिक विकासाला गती देण्यासाठी मोठं पाऊल

• MACCIA च्या वतीने विस्तार

• गाव तिथे उद्योजक अभियानाचा शुभारंभ 

Sindhudurg News: सिंधुदुर्ग जिल्ह्याच्या शाश्वत आर्थिक विकासाला गती देण्यासाठी आणि ग्रामीण भागातील तरुणांना उद्योजकतेची नवी दिशा दाखवण्यासाठी महाराष्ट्र चेंबर ऑफ कॉमर्स, इंडस्ट्री अँड ॲग्रिकल्चर (एमएसीसीआयए) च्या वतीने आपल्या संघटनात्मक विस्ताराचा भाग म्हणून कुडाळ येथे नवीन कार्यालयाचे उद्घाटन करण्यात आले. याच सोहळ्यात ‘गाव तिथे उद्योजक’ या महत्त्वाकांक्षी अभियानाचा भव्य शुभारंभ करण्यात आला. ​हा सोहळा महाराष्ट्र राज्याचे मत्स्यव्यवसाय व बंदरे मंत्री तसेच सिंधुदुर्गचे पालकमंत्री नितेश राणे आणि आमदार निलेश राणे यांच्या प्रमुख उपस्थितीत मोठ्या उत्साहात पार पडला.

Sindhudurga News: परप्रांतीयांच्या शेतजमीन खरेदीची SIT चौकशी; बावनकुळे यांचे स्पष्ट निर्देश

रविंद्र माणगावे यांची संकल्पना 

​महाराष्ट्र चेंबरचे अध्यक्ष रविंद्र माणगावे यांच्या कल्पकतेतून साकारलेल्या या संकल्पनेबद्दल बोलताना ते म्हणाले ‘ग्रामीण महाराष्ट्रात अथांग क्षमता आणि कौशल्य दडलेले आहे. ‘गाव तिथे उद्योजक’ हे केवळ एक अभियान नसून प्रत्येक गावात नवीन उद्योजक घडवून ग्रामीण अर्थव्यवस्था थेट मुख्य प्रवाहाशी जोडण्याचे हे एक क्रांतिकारी पाऊल आहे. सिंधुदुर्गातील नवीन कार्यालयामुळे स्थानिक व्यावसायिकांना मार्गदर्शन मिळणे अधिक सोपे होईल.’  ​कोकण विभागाचे उपाध्यक्ष डॉ. संतोष राणे यांच्या विशेष पुढाकारातून ही विस्तार मोहीम आणि अभियान सिंधुदुर्गात पोहोचले आहे.

शासनाचे पाठबाळ मिळण्याची नितेश राणेंची ग्वाही 

​या प्रसंगी राज्य शासनाच्या पाठबळाची ग्वाही देताना पालकमंत्री नितेश राणे म्हणाले की, ​’ग्रामीण भागातील तरुणांना उद्योजकतेकडे वळवणे आणि स्थानिक संसाधनांवर आधारित उद्योग उभे करणे ही काळाची गरज आहे. एमएसीसीआयए चे हे पाऊल कोकणाच्या आर्थिक समीकरणांना नवी ताकद देईल. या अभियानाला आणि मछायाच्या उपक्रमांना राज्य शासनाकडून सर्वतोपरी सहकार्य दिले जाईल.’ 

​या सोहळ्याला महाराष्ट्र चेंबरचे ट्रस्ट बोर्ड अध्यक्ष आशिष पेडणेकर, वरिष्ठ उपाध्यक्ष करुणाकर शेट्टी, उपाध्यक्षा डॉ. धनश्री हरदास, सुनिता फाल्गुने यांच्यासह सर्व प्रमुख पदाधिकारी, गव्हर्निंग कौन्सिल मेंबर्स आणि स्थानिक उद्योजक मोठ्या संख्येने उपस्थित होते. ​या विस्तारामुळे आणि अभियानामुळे सिंधुदुर्गातील ग्रामीण युवकांना व्यावसायिक मार्गदर्शन, आधुनिक तंत्रज्ञान आणि बाजारपेठ मिळणे सुलभ होणार असून जिल्ह्याच्या औद्योगिक विकासाला एक नवी गती मिळणार आहे. या पुढाकाराकडे आता अवघ्या सिंधुदुर्ग जिल्ह्याचे लक्ष लागून राहिले आहे. तरूणांना आता चांगली संधी मिळेल अशीही अपेक्षा व्यक्त करण्यात येत आहे. 

NITESH RANE: संजय राऊतांवर नितेश राणेंचा हल्लाबोल; अमित शाहांवर टीका करण्याची ‘लायकी नाही’