मंगळवार, 18 ऑगस्ट 2026
सुरेश प्रभू (फोटो -ians)
सुरेश प्रभू हे कोकणचे बावनकशी सोने
सिंधुदुर्गात ‘प्रोजेक्ट संजीवनी अॅम्ब्युलन्स’चा शुभारंभ
केवळ विकासासाठी काम करण्याचे आवाहन
सिंधुदुर्गनगरी: देशात आणि लंडनसारख्या परदेशात काम करूनही सुरेश प्रभू यांचे लक्ष सातत्याने कोकणच्या मातीवर आहे. कोकणाने अनेक रत्न दिल्ली, त्यात सुरेश प्रभू हे कोकणचे बावनकशी सोनं आहेत. त्यांचे महत्त्व कोणीही कमी करू शकत नाही. गेली ३० वर्षे लोकाप्रतिनिधी म्हणून आणि स्वयंसेवी संस्थेच्या माध्यमातून ते सिंधुदुर्गच्या ग्रामीण जनतेची सेवा करत आहेत. देशात अनेक भारतरत्न होऊन गेले, पण सुरेश प्रभूनी कोकणचे नाव दिल्लीच्या राजकारणात उंचावले आहे. जिल्ह्याच्या विकासासाठी त्यांनी केंद्रातून नवनवीन उपक्रम आणावेत, त्यासाठी आमचे सदैव सहकार्य राहील, असा मनोदय आमदार निलेश राणे यांनी व्यक्त केला. मानव संसाधन विकास संस्थेच्या वतीने ग्रामीण जनतेच्या आरोग्यासाठी सुरू करण्यात आलेल्या ‘प्रोजेक्ट संजीवनी अॅम्ब्युलन्स’ चा शुभारंभ कुडाळ-मालवणचे आमदार निलेश राणे यांच्या हस्ते दीपप्रज्वलन व श्रीफळ वाढवून उत्साहात पार पडला. त्यावेळी ते बोलत होते.
कार्यक्रमाच्या अध्यक्षस्थानी माजी केंद्रीय मंत्री सुरेश प्रभू होते. यावेळी संस्थेच्या अध्यक्षा उमा प्रभू, जिल्हा परिषद उपाध्यक्ष दादा साईल, शिक्षण आरोग्य सभापती प्रितेश राऊळ, गोव्याचे उद्योगपती अनिल खवटे, सीए सुनील सौदागर, सदाशिव ओगले, जी.टी. राणे, संजय सावंत, डॉ. शरद सावंत, योगेश प्रभू, जनशिक्षणचे अध्यक्ष मोहन होडावडेकर, माजी जि.प. अध्यक्ष काका कुडाळकर, रत्नागिरीचे माजी जि.प. अध्यक्ष सुभाष बने, नितीन सावंत, मोहन सावंत, अणावचे सरपंच लीलाधर आणावकर, भाजपा सरचिटणीस प्रसन्न देसाई, सावळाराम आणावकर, विलास हडकर यांच्यासह संस्थेचे विश्वस्त, ग्रामस्थ आणि नर्सिंग कॉलेजचे विद्यार्थी मोठ्या संख्येने उपस्थित होते. कार्यक्रमाचे प्रास्ताविक संस्थेच्या अध्यक्षा उमा प्रभू यांनी केले, तर आभार प्रदर्शन डॉ. शरद सावंत यांनी केले.
Sindhudurga News: परप्रांतीयांच्या शेतजमीन खरेदीची SIT चौकशी; बावनकुळे यांचे स्पष्ट निर्देश
केवळ विकासासाठी काम करण्याचे आवाहन
माजी केंद्रीय मंत्री सुरेश प्रभू म्हणाले, निवडणुकीच्या काळात प्रा. मधु दंडवते आणि खासदार नारायण राणे यांच्यासोबतही माझे मतभेद नव्हते. आज आमदार निलेश राणे यांच्याशीही कौटुंबिक जिव्हाळ्याचे संबंध आहेत. राजकारण बाजूला ठेवून ग्रामीण भागाच्या विकासासाठी आपण एकत्र काम करू, मानव संसाधन विकास, कृषी संशोधन केंद्र बांसारख्या संस्थांच्या माध्यमातून सर्वसामान्यांच्या मदतीसाठी प्रयत्न करू. गोव्यापेक्षा सिंधुदुर्गचा पर्यटन विकास अधिक वाढवण्यासाठी आपण सर्वांनी प्रयत्न करू कोकणच्या मातीचा सर्वांगीण विकास हेच आपले ध्येय आहे, असे सुरेश प्रभू म्हणाले.
कोकणी उद्योजकांची जागतिक भरारी कौतुकास्पद! माजी केंद्रीय मंत्री सुरेश प्रभू यांचे प्रतिपादन
सिंधुदुर्ग जिल्हा आज पर्यटन जिल्हा म्हणून जगाच्या नकाशावर आला आहे. सुरेश प्रभू हे पंतप्रधान नरेंद्र मोदी यांच्यासह विविध केंद्रीय मंत्र्यांसोबत काम करतात, त्यामुळे त्यांचे जगातही महत्त्वाचे योगदान आहे. ‘प्रोजेक्ट संजीवनी’ सारख्या उपक्रमाचा फायदा थेट ग्रामीण जनतेल्ला होणार आहे. कुडाळ शहरात क्रीडा प्रबोधिनी आणि कुडाळ एमआयडीसीमध्ये क्रीडा प्रकल्प आणण्याचा आपला मानस आहे. त्यासाठी सुरेश प्रभू यांच्या साथीची गरज असल्याचेही आमदार राणे यांनी सांगितले, दरम्यान, ग्रामीण भागात वेळेवर आरोग्यसेवा पोहोचावी यासाठी मानव संसाधन विकास संस्थेने ‘प्रोजेक्ट संजीवनी अंतर्गत ही अॅम्बुलन्स सेवा सुरू केली आहे. यामुळे जिल्ह्यातील दुर्गम भागातील रुग्णांना तातडीची मदत मिळणार असल्याची माहिती यावेळी देण्यात आली.
