फोटो सौजन्य - Social Media
मुंबई, ८ एप्रिल २०२६ : SLOVIC या फिटनेस गिअर ब्रँडने अभिनेता टायगर श्रॉफ यांची ब्रँड अॅम्बेसेडर म्हणून नियुक्ती जाहीर केली आहे. या भागीदारीनिमित्त ‘स्लोविक: जिम घर लाओ’ ही मोहीम सुरू करण्यात आली असून, जिमला जाणे शक्य नसल्यास घरातूनच फिटनेस साध्य करण्याचा संदेश दिला जात आहे.
या मोहिमेद्वारे फिटनेस सर्वांसाठी सुलभ आणि लवचिक बनवण्यावर भर देण्यात आला आहे. पुल-अप बार्स, रेसिस्टन्स बँड्स, डंबेल्स, योगा मॅट्स यांसारख्या साधनांच्या मदतीने घरच्या घरी व्यायाम करता येईल, असा या उपक्रमाचा उद्देश आहे. कमी खर्चात आणि सहज उपलब्ध साधनांद्वारे फिटनेसची सुरुवात करता येणे हीच या मोहिमेची मध्यवर्ती कल्पना आहे. आजच्या धकाधकीच्या जीवनशैलीत वेळेअभावी जिमला जाणे शक्य नसलेल्या लोकांसाठी ही संकल्पना विशेष उपयुक्त ठरत आहे.
याबाबत टायगर श्रॉफ यांनी फिटनेस ही जीवनशैली असल्याचे सांगत, स्लोविकसोबत जोडले जाणे नैसर्गिक वाटत असल्याची भावना व्यक्त केली. फिटनेस अधिक सुलभ आणि दैनंदिन जीवनाचा भाग बनवण्याच्या ब्रँडच्या दृष्टिकोनाशी आपण पूर्णपणे सहमत असल्याचे त्यांनी नमूद केले. त्यांच्या सहभागामुळे तरुणांमध्ये फिटनेसबद्दल जागरूकता वाढण्याची अपेक्षा व्यक्त केली जात आहे.
दरम्यान, सह-संस्थापक अकिब मोहम्मद यांनी सांगितले की, केवळ उपकरणे विकणे हा उद्देश नसून लोकांच्या जीवनात फिटनेस रुजवणे अधिक महत्त्वाचे आहे. अगदी कमी खर्चात घरातूनच व्यायाम सुरू करता येतो, हा संदेश ‘जिम घर लाओ’ मोहिमेद्वारे दिला जात आहे. सह-संस्थापक शाश्वत दीश यांनीही फिटनेससाठी अडथळे दूर करण्यावर भर देत, टायगर श्रॉफ यांच्या सहभागामुळे हा संदेश अधिक प्रभावीपणे पोहोचेल, असे सांगितले.
अमेझॉन, फ्लिपकार्ट, ब्लिंकिट, झेप्टो आणि इंस्टामार्ट यांसारख्या डिजिटल प्लॅटफॉर्म्सवर उपलब्ध असलेल्या या उत्पादनांमुळे ग्राहकांना फिटनेसची सुरुवात करणे अधिक सोपे झाले आहे. World Health Organizationच्या माहितीनुसार, २०२२ मध्ये भारतातील ४९.४% प्रौढ व्यक्ती पुरेशा प्रमाणात सक्रिय नव्हत्या, तर Deloitte Indiaच्या अहवालानुसार देशातील फिटनेस सदस्यत्वाचे प्रमाण अजूनही मर्यादित आहे. यावरून घरगुती फिटनेससारख्या पर्यायांची गरज अधिक ठळकपणे समोर येत आहे.
