रुपया कोसळताच वाढले सोने-चांदीचे भाव, जाणून घ्या सविस्तर (फोटो सौजन्य - iStock)
Todays Gold-Silver Price: भारतात सोने-चांदीचे दर पुन्हा एकदा वाढले आहेत. ४ डिसेंबर रोजी सोन्याचे दर गगनाला भिडले आहेत. मजबूत जागतिक संकेत आणि कमकुवत रुपयाचा थेट परिमाण झाल्याने किमती वाढल्या आहेत. दिल्लीपासून मुंबईपर्यंतच्या सर्व प्रमुख शहरांमध्ये आजचे सोने-चांदीचे दर जाणून घ्या.
४ डिसेंबर रोजी देशांतर्गत बाजारात सोन्याच्या किमती वाढल्या आहेत. दिल्लीत २४ कॅरेट सोने प्रति १० ग्रॅम १३०,७४० वर पोहोचली आहे. दरम्यान, मुंबईत २४ कॅरेट सोन्याची किंमत प्रति १० ग्रॅम १३०,५९० रु. नोंदवण्यात आली आहे. आंतरराष्ट्रीय बाजारातही सोन्याचे भाव मजबूत झाले असून डॉलरच्या तुलनेत रुपयाच्या नीचांकी पातळीमुळेही किमतींना आधार मिळाला आहे.
देशभरात २२ आणि २४ कॅरेट सोन्याचे दर उसळी मारत आहेत. दिल्लीमध्ये २२ कॅरेट सोने प्रति १० ग्रॅम ११९,८६० रु. वर पोहोचले असून २४ कॅरेट सोने प्रति १० ग्रॅम १३०,७४० रु. वर पोहोचले आहे. मुंबई, चेन्नई आणि कोलकातामध्ये २२ कॅरेट सोने प्रति १० ग्रॅम ११९,७१० रु. वर आणि २४ कॅरेट सोने प्रति १० ग्रॅम १३०,५९० रु. वर व्यवहार होत आहे. लखनऊ, जयपूर आणि चंदीगडमध्ये २२ कॅरेट सोने प्रति १० ग्रॅम ११९,८६० रु. वर आणि २४ कॅरेट सोने प्रति १० ग्रॅम १३०,७४० रु. वर उपलब्ध आहे. अहमदाबादमध्ये, २४ कॅरेट सोन्याची किंमत प्रति १० ग्रॅम १३०,६४० रु. आहे.
हेही वाचा : India’s Russian Oil Import: रशियन तेल आयात घसरली; डिसेंबरमध्ये भारताची आयात आणखी घटणार?
फेडरल रिझर्व्ह बैठकीमुळे अपेक्षा वाढल्या आहेत. डिसेंबरमध्ये अमेरिकन फेडरल रिझर्व्हकडून व्याजदरात कपात होण्याची अपेक्षा वाढत आहे. जर दर कमी केले तर गुंतवणूकदार बाँडपेक्षा सुरक्षित मालमत्ता म्हणून सोन्याला प्राधान्य देतील, ज्यामुळे सोन्याची किंमत आणखी वाढू शकते. फेडरल रिझर्व्हच्या फेडरल ओपन मार्केट कमिटीची बैठक ९-१० डिसेंबर रोजी होणार आहे आणि बाजार त्यावर बारकाईने लक्ष ठेवून आहे. चांदीच्या किमतीही वाढल्या आहेत. ४ डिसेंबर रोजी सकाळी चांदीचा भाव प्रति किलोग्रॅम १९१,१०० रुपयांवर पोहोचला. देशांतर्गत आणि जागतिक दोन्ही घटक सोने आणि चांदीच्या किमतींवर परिणाम करतात.
.png "Videos"){kind=small}
