US Economy Slowdown : महासत्ता धोक्यात? मंदीच्या विळख्यात अडकली सर्वात मोठी इकॉनमी! आर्थिक परिस्थितीवरून अमेरिकेत मोठी निराशा

US Economy Slowdown : जगातील सर्वात मोठी अर्थव्यवस्था असणाऱ्या अमेरिकेमध्ये मंदीचे सावट दाटून आले असून, तिथल्या आर्थिक परिस्थितीबाबत नागरिक अत्यंत निराश झाले आहेत.

• महासत्ता धोक्यात?
• अमेरिकेची अर्थव्यवस्था चालली आहे का मंदीकडे?
• आर्थिक परिस्थिती पाहून नागरिकांचा उडाला ताबा

US Economy Slowdown : अमेरिका ही जगातील सर्वात मोठी अर्थव्यवस्था आहे. पण सध्या तिचीच परिस्थिती फार बिकट झाली आहे. तिच्यावर होणाऱ्या कोणत्याही परिणामाचे दूरगामी जागतिक परिणाम होतात. अमेरिकेची अर्थव्यवस्था काही काळापासून चांगली कामगिरी करत असली तरीही त्यावरील टर्निंग पॉईंट म्हणजे तिचे सातत्याने वाढत जाणारं कर्ज. अलीकडेच महागाईत लक्षणीय वाढ झाली आहे. यावर नियंत्रण मिळवण्यासाठी, फेडरल रिझर्व्हने सप्टेंबरमध्ये व्याजदर वाढवले. डिसेंबरमध्ये आणखी एक वाढ होण्याची शक्यता वर्तवली जात आहे. नेमकी का उभी राहिली आहे ही परिस्थिती? ( US Economy Slowdown ) 

Crude Oil Export Tax : पेट्रोलवरील निर्यात शुल्क हटलं, पण डिझेल-ATF महागले! केंद्राच्या निर्णयाचा सामान्यांवर काय होणार परिणाम?

अमेरिकन नागरिक आपल्या आर्थिक परिस्थितीबद्दल अत्यंत निराशावादी आहेत. ४१ टक्के ग्राहकांचा असा विश्वास आहे की पुढील १२ महिन्यांत त्यांची परिस्थिती आणखी बिघडेल. २०२४ च्या दुसऱ्या तिमाहीपासून हा आकडा तिप्पट झाला आहे. २००८ च्या आर्थिक संकटाच्या वेळीसुद्धा केवळ २३ टक्के लोक आपल्या भविष्याबद्दल निराशावादी होते.

अमेरिकेचे कर्ज

१९७० आणि १९८० च्या दशकात जेव्हा ग्राहक किंमत निर्देशांक म्हणजेच CPI महागाई १०% पेक्षा जास्त होती, तेव्हाही लोक आपल्या भविष्याबद्दल इतके निराश नव्हतं. अमेरिका सध्या मंदीत नसली तरी, लोकांना आता त्याची झळ बसू लागली आहे. इतकेच नाही तर, ३१% अमेरिकन ग्राहकांचा असा विश्वास आहे की पुढील पाच वर्षांत त्यांची आर्थिक परिस्थिती आणखी बिघडेल. हा दर १९८० च्या दशकातील दराच्या दुप्पट आहे.

अमेरिकेचे कर्ज ४०.५ ट्रिलियन डॉलर्सपेक्षा जास्त झाले आहे. १९९० मध्ये ते ३.२ ट्रिलियन डॉलर्स होते. परिस्थिती इतकी बिघडली आहे की, या कर्जावरील व्याज देण्यासाठी सरकारी महसुलाचा एक मोठा भाग वापरला जात आहे. पहिल्या तिमाहीच्या आकडेवारीनुसार, अमेरिकेतील दरडोई कर्ज २,२४,००० डॉलर्स होते. यामध्ये सरकारी, कौटुंबिक आणि कॉर्पोरेट कर्जाचा समावेश आहे.

महागाईची परिस्थिती

देशातील महागाई दीर्घकाळ उच्च राहण्याची शक्यता आहे. इंधनाच्या किमतींनी अलीकडे महागाईला लक्षणीय गती दिली आहे. बाजाराच्या अंदाजानुसार डिसेंबरमध्ये व्याजदरात वाढ होण्याची ७५% शक्यता आहे. मध्यावधी निवडणुकांमुळे फेडने आपल्या अलीकडील बैठकीत व्याजदर वाढवणे टाळले. केवळ एका वर्षापूर्वी, बाजाराला २०२६ पर्यंत तीन वेळा व्याजदर कपातीची अपेक्षा होती.

कच्च्या तेलाच्या किमती

मध्यावधी निवडणुका ३ नोव्हेंबर रोजी होणार आहेत. त्यानंतर इराणवर नवीन हल्ले होऊ शकतात, असे मानले जात आहे. यामुळे कच्च्या तेलाच्या किमतीत आणखी वाढ होण्याची शक्यता आहे. ऑक्टोबरमध्ये कच्च्या तेलाच्या किमतीत आधीच १४% वाढ झाली आहे. शुक्रवारी ब्रेंट क्रूड २.३७% वाढीसह प्रति बॅरल ११३.४ डॉलरवर बंद झाले.

ICICI FD Interest Rates : पैसे गुंतवणाऱ्यांसाठी मोठी संधी! ICICI बँकेने एफडीच्या दरात केली वाढ; आता मिळणार पूर्वीपेक्षा जास्त नफा