झोमॅटो कर्मचाऱ्यांसाठी मोठी बातमी! कंपनी कर्मचाऱ्यांना 12 दशलक्ष शेअर्सचे वाटप करणार

Zomato ने 12 दशलक्ष शेअर्सचे कर्मचाऱ्यांमध्ये वाटप करण्याचा निर्णय घेतला आहे. कंपनीच्या Q1FY25 कमाईपूर्वी, Zomato ने 3.5 दशलक्षाहून अधिक कर्मचारी स्टॉक पर्यायांचे वाटप केले होते. नियामक फाइलिंगनुसार पात्र कर्मचाऱ्यांना 12 दशलक्ष स्टॉक पर्याय मंजूर करण्यात येणार आहेत.

झोमॅटो कर्मचाऱ्यांसाठी मोठी बातमी! कंपनी कर्मचाऱ्यांना 12 दशलक्ष शेअर्सचे वाटप करणार

Follow Us:

Follow Us:

भारतातील आघाडीचा आणि लोकप्रिय फूड डिलीव्हरी अ‍ॅप असलेल्या Zomato च्या कर्मचाऱ्यांसाठी एक मोठी बातमी आहे. कंपनीने 12 दशलक्ष शेअर्सचे कर्मचाऱ्यांमध्ये वाटप करण्याचा निर्णय घेतला आहे. याबाबत कंपनीने शुक्रवारी घोषणा करत आपला निर्णय जाहीर केला आहे. कंपनीने घेतलेल्या निर्णयानुसार आणि नियामक फाइलिंगनुसार पात्र कर्मचाऱ्यांना 12 दशलक्ष स्टॉक पर्याय मंजूर करण्यात आले आहेत. कंपनीने Foodie Bay ESOP 2014 योजनेअंतर्गत 116 स्टॉक पर्याय आणि Zomato ESOP 2021 योजनेअंतर्गत 11.9 दशलक्ष स्टॉक पर्याय मंजूर केले आहेत.

हेदेखील वाचा- रतन टाटांनी ‘या’ कंपनीतून कमावला 23 हजार टक्के नफा; आता कमी केली हिस्सेदारी!

झोमॅटोचे शेअर्स शुक्रवारी NSE वर प्रत्येकी रु. 274.65 वर बंद झाले, गेल्या सत्राच्या तुलनेत 2% जास्त, म्हणजे नव्याने मंजूर झालेल्या ESOPs ची किंमत जवळपास रु. 327 कोटी आहे. यातील प्रत्येक स्टॉक पर्याय पूर्णतः पेड-अप इक्विटी शेअरमध्ये बदलता येण्याजोगा आहे, ज्याची फेस व्हॅल्यू प्रत्येकी 1 रुपये आहे. वाटप केलेले इक्विटी शेअर्स लॉक-इनच्या अधीन नसतील, असे फाइलिंगमध्ये स्पष्ट करण्यात आले आहे. (फोटो सौजन्य – pinterest)

मंजूर केलेले स्टॉक पर्यायांमध्ये नियुक्तीच्या तारखेपासून 10 वर्षांच्या आत किंवा सूचीच्या तारखेपासून 12 वर्षांच्या आत, यांचा समावेश असणार आहे. कंपनीच्या Q1FY25 कमाईपूर्वी, Zomato ने 3.5 दशलक्षाहून अधिक कर्मचारी स्टॉक पर्यायांचे वाटप केले होते, जे सुमारे 81 कोटी रुपयांच्या शेअर्समध्ये ट्रांन्सलेट करण्यात आले होते. त्याआधी, कंपनीला 182 दशलक्ष शेअर्सचा नवीन कर्मचारी स्टॉक पर्याय तयार करण्यासाठी भागधारकांची मान्यता मिळाली होती, ज्याची किंमत 3,800 कोटी रुपयांपेक्षा जास्त होती.

हेदेखील वाचा- भारतातील व्यावसायिकांबद्दल LinkedIn चे संशोधन! 89 टक्के व्यावसायिक अग्रस्थानी राहण्यासाठी मार्गदर्शनाचा शोध घेतात

कंपनीचे ESOP शुल्क FY24 मध्ये एकूण कर्मचारी खर्चाच्या 31% म्हणजेच 515 कोटी इतके होते, जे FY22 मधील रु 878 कोटींच्या तुलनेत कमी आहे. सीईओ दीपंदर गोयल यांनी Q1 भागधारकांच्या पत्रात म्हटले होते की, ईएसओपी आमच्या संस्थेमध्ये मालकी मिळवण्यासाठी एक महत्त्वपूर्ण भुमिका बजावत आहे. विशेषत: आमच्यासारख्या व्यवसायांमध्ये, जे आमच्या सर्व वर्टिकलमध्ये बाजाराच्या विकासाच्या सुरुवातीच्या टप्प्यात आहेत.

स्विगी आणि झोमॅटो हे देशातील फूड डिलीवरी आणि क्विक कॉमर्स या दोन्ही क्षेत्रांमध्ये सर्वात मोठे प्रतिस्पर्धी आहेत. झोमॅटोच्या IPO ला जवळपास 3 वर्षे झाली आहेत, तर स्विगी 10,000 कोटी रुपयांपेक्षा जास्त किमतीचा IPO लाँच करण्याच्या तयारीत आहे. मार्केट कॅपिटलायझेशन नुसार बघितले तर झोमॅटोचे आजच्या तारखेपर्यंतचे मूल्य 2.45 लाख कोटी रुपये आहे. तर स्विगीला IPO द्वारे 84,000 कोटी ते 1.09 लाख कोटी रुपयांचे मूल्यांकन अपेक्षित आहे. अशा परिस्थितीत स्विगी अजूनही झोमॅटोपेक्षा 55 ते 65 टक्के छोटी कंपनी आहे. झोमॅटो आणि स्विगी या दोन्हींमध्ये गुंतवणूक केलेल्या गुंतवणूकदारांसाठी, आजपर्यंत, फूड डिलीवरीपेक्षा क्विक कॉमर्स हा अधिक भविष्याचा व्यवसाय आहे.

Web Title: Zomato will allot 12 million shares to their employees

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com