शाळांमध्ये होणार शुकशुकाट! ५० हजार शिक्षक १० डिसेंबरला नागपूरला अधिवेशनात देणार धडक

 53 वर्षांखालील सर्व शिक्षकांना टीईटी देणे बंधनकारक करण्यात आले असून अनेक वर्ष अध्यापण करणाऱ्या शिक्षकांमध्ये यामुळे अस्वस्थता वाढली आहे. याचपार्श्वभूमीवर शिक्षक विविध मागण्यांसाठी नागपूरच्या अधिवेशनात धडक देणार आहेत.

• विविध मागण्यांसाठी नागपूरच्या अधिवेशनात धडक देणार
• 5 डिसेंबरला पुकारलेल्या एक दिवसीय शाळा बंद
• 50,000 हून अधिक शिक्षक नागपूरात जाणार

राज्यातील तब्बल 50 हजार शिक्षक 10 डिसेंबरला नागपूर अधिवेशनात धडक देणार आहेत. ठाण्यासह राज्यातील शिक्षकांचा यामध्ये समावेश आहे. विद्याथ्यर्थ्यांच्या पटसंख्येनुसार लावण्यात आलेल्या शिक्षकांच्या संचमान्यता निकषांवर राज्यातील असंख्य शाळा बंद होऊन शिक्षक सरप्लस होणार आणि विद्यार्थ्यांचे शैक्षणिक नुकसान होणार आहे. या पार्श्वभूमीवर राज्यातील विविध शिक्षक संघटना एकवटल्या असून त्यांनी 5 डिसेंबरला पुकारलेल्या एक दिवसीय शाळा बंद आंदोलनाला उत्स्फूर्त प्रतिसाद मिळाल्यानंतर राज्यभरातील किमान 50,000 हून अधिक शिक्षक विविध मागण्यांसाठी नागपूरच्या अधिवेशनात १० डिसेंबरला धडक देणार आहेत.

आपल्या मागण्या मान्य करण्यासाठी नागपुरात ठिय्या मांडून शिक्षण मंत्र्यांचे लक्ष वेधणार आहेत. १५ मार्च २०२४ च्या संचमान्यतेच्या जीआरमुळे आदिवासी क्षेत्रातील विद्यार्थ्यांची पटसंख्या २० पेक्षा कमी असलेल्या शाळा बंद होणार असून असंख्य विद्यार्थी शिक्षणापासून वंचित राहणार आहेत.शासनाच्या या धोरणामुळे आदिवासी आणि ग्रामीण भागातील विद्यार्थ्यांचे शैक्षणिक नुकसान होणार असून विद्यार्थ्यांच्या शिक्षणावर गदा आणणारा १५ मार्च २०२४ चा शासकीय जीआर रद्द करून जुनी संच मान्यता धोरण राबवण्याची जोरदार मागणी करण्यात आली आहे.

सेवारत शिक्षकांसाठी नवे निकष कशाला? शिक्षक संघटनांचा सवाल

कमी पटसंख्येच्या शाळांसाठी आंदोलन

२०१३ व्या शासन निर्णयापासून शिक्षक भरतीसाठी टीईटी धोरण लागू असतांना २०१३ पूर्वीपासून सेवेत असलेल्या शिक्षकांना टीईटी परीक्षेची सक्ती अन्यायकारक असल्याने ती सक्ती रद्द करावी. यांसह एक नोव्हेंबर २००५ पूर्वी लागलेल्या व त्यानंतर सेवेत रुजू झालेल्या शिक्षकांना जुनी पेन्शन योजना लागू करणे, ठाणे जिल्ह्यात आदिवासी क्षेत्र व पेसा क्षेत्रात काम करीत असलेल्या शिक्षकांना कोर्टाच्या आदेशानुसार एकस्तर वेतन श्रेणी विनाअट त्वरित लागू करणे, वस्तीशाळा शिक्षकांची जुनी सेवा ग्राह्य धरून त्यांना सेवेचे सर्व लाभ देणे, अशा अनेक मागण्यासाठी राज्यातील शिक्षक नागपूर अधिवेशनात धडक देणार असल्याचे शिक्षक भारती संघटनेचे अध्यक्ष एकनाथ तारमळे, सुरेश विशे यांनी सांगितले आहे.

नाशिक येशील कुंभमेळ्यासाठी गांजा फुकणाऱ्या साधुसंतांसाठी चौदा हजार कोटी रुपये खर्च करायला तयार असणारे राज्य सरकार मराठी माध्यमाच्या शाळा वाचविण्यासाठी व आदिवासी, गोरगरीब, शोषित, वंचित विद्याथ्यांचे शिक्षण वाचविण्यासाठी दोन हजार कोटी रुपये खर्च करू शकत नाही, हे चित्र महाराष्ट्रासाठी अशोभनीय आहे, असं मत भारती ठाणे जिल्ह्यातील शिक्षक, अध्यक्ष एकनाथ तारमळे यांनी व्यक्त केलं.

Career Options for Girls After 12th: बारावीनंतर मुलींसाठी उत्तम करिअरचे पर्याय!