सरकारी नोकरीची मोठी संधी! MPSC मार्फत 571 रिक्त पदांची भरती, पगार २ लाखापर्यंत; जाणून घ्या संपूर्ण माहिती

MPSC मार्फत 2026 साठी 571 पदांची भरती जाहीर झाली आहे. वैद्यकीय, विधी आणि प्रशासकीय पदांचा समावेश असून इच्छुक उमेदवारांनी 9 एप्रिलपर्यंत ऑनलाईन अर्ज करावा. निवड झालेल्यांना 44,900 ते 2.11 लाखांपर्यंत पगार मिळणार आहे.

• MPSC कडून 571 पदांसाठी भरती जाहीर
• 9 एप्रिल 2026 ही अर्जाची अंतिम तारीख
• पगार 44,900 ते 2.11 लाखांपर्यंत

सरकारी नोकरीच्या प्रतीक्षेत असणाऱ्यांसाठी मोठी संधी समोर आली आहे. महाराष्ट्र लोकसेवा आयोगाने (MPSC) तब्बल ५७१ रिक्त पदांची घोषणा केल्याचे समोर आले आहे. या भरती प्रक्रियेद्वारे राज्यातील आरोग्य, गृह आणि प्रशासन विभागातील अत्यंत महत्त्वाच्या पदांवर पात्र उमेदवारांची नियुक्ती करण्यात येणार आहे. पगार, पात्रता, पद आणि अर्ज करण्याची शेवटची तारीख काय जाणून घ्या.

कोणत्या पदांवर भरती

वैद्यकीय अधिकारी (Medical Officer),
सार्वजनिक सरकारी वकील (Public Prosecutor),
जिल्हा सैनिक कल्याण अधिकारी,
मोटर वाहन सरकारी वकील,
उपआरोग्य अधिकारी (Deputy Health Officer)
उपअधीक्षक (Deputy Superintendent) यांसारख्या श्रेणी-१ आणि श्रेणी-२ च्या पदांचा यात समावेश आहे.

यात भरतीमध्ये एकूण ५७१ रिक्त जागा असून यात विविध शासकीय रुग्णालये आणि न्यायालयांमधील रिक्त जागा या भरतीमुळे भरल्या जाणार आहेत.

RGNAU Vacancy 2026: सेंट्रल एव्हिएशन युनिव्हर्सिटीमध्ये निघाली Non-Teaching भरती, दर महिन्याला 60 हजार पगार, असा करा अर्ज

वयोमर्यादा

किमान- १८ वर्ष
कमाल- ५० वर्ष
आरक्षित प्रवर्गातील उमेदवारांना (SC/ST/OBC/EWS) उच्च वयोमर्यादेत आवश्यक ती सवलत दिली जाणार आहे.

शैक्षणिक पात्राता

वैद्यकीय क्षेत्रातील पदांसाठी एमबीबीएस (MBBS) पदवी आणि नोंदणी आवश्यक आहे.
विधी (Law) संबंधित पदांसाठी उमेदवाराकडे एलएलबी (LLB) पदवी असणे गरजेचे आहे.
इतर तांत्रिक किंवा प्रशासकीय पदांसाठी संबंधित विषयातील पदवी किंवा किमान कामाचा अनुभव असणे आवश्यक आहे.

सल्ला

उमेदवारांनी अर्ज करण्यापूर्वी अधिकृत अधिसूचनेतील शैक्षणिक अटी वाचाव्यात असा सल्ला देण्यात आला आहे.

पगार किती

उमेदवारांना सातव्या वेतन आयोगानुसार अतिशय आकर्षक पगार मिळणार आहे. पदाच्या स्वरूपानुसार दरमहा ४४,९०० रुपये ते २,११,९०० रुपये इतके वेतन निश्चित करण्यात आले आहे. या मूळ वेतनासोबतच महागाई भत्ता, घरभाडे भत्ता आणि इतर शासकीय सवलती देखील लागू राहतील.

अर्जासाठी शुल्क किती?

अमागास (General): ३९४ रुपये
मागासवर्गीय/आर्थिकदृष्ट्या दुर्बल/अनाथ (SC/ST/OBC/EWS): २९४ रुपये

CTET उत्तीर्ण झाला नाहीत? तरीही तुम्ही शिक्षक बनू शकता, ‘हे’ आहेत पर्याय जाणून घ्या सविस्तर

अर्ज कसा कराल?

या भरतीसाठी इच्छुक उमेदवाराला ऑनलाईन पद्धतीने अर्ज सादर करावा लागेल. आयोगाच्या अधिकृत संकेतस्थळ mpsc.gov.in वर जाऊन आपली नोंदणी पूर्ण करावी. अर्जाचा पूर्ण भरणा आणि परीक्षा शुल्काची प्रक्रिया ही केवळ ऑनलाईन पद्धतीनेच पूर्ण करता येईल. या भरतीसाठी अर्ज करण्याची शेवटची तारीख ९ एप्रिल देण्यात आली आहे.