Medical Officer Recruitment 2026: डॉक्टरांसाठी खूशखबर! भारतीय सशस्त्र दलात ‘मेडिकल ऑफिसर’ पदांची भरती; असा करा अर्ज

AFMS Medical Officer Recruitment 2026: सशस्त्र बल चिकित्सा सेवेने (AFMS) भारतीय सेना, नौसेना आणि वायुसेनेमध्ये शॉर्ट सर्व्हिस कमिशन अंतर्गत १२० मेडिकल ऑफिसर पदांसाठी भरती जाहीर केली आहे. MBBS व PG पदवीधारक यासाठी १८ नोव्हेंबर २०२६ पर्यंत अधिकृत वेबसाईटवर ऑनलाइन अर्ज करू शकतात.

• AFMS मेडिकल ऑफिसर भरतीसाठी अर्ज करण्याची शेवटची तारीख कोणती आहे?
• या भरतीसाठी शैक्षणिक पात्रता काय आवश्यक आहे?
• या भरतीमध्ये वयोमर्यादा काय ठेवली आहे?

AFMS Medical Officer Recruitment 2026: देशसेवेच्या जिद्दीसह वैद्यकीय क्षेत्रात करिअर करू इच्छिणाऱ्या तरुणांसाठी भारतीय सशस्त्र दलात सामील होण्याची उत्तम संधी आहे. सशस्त्र बल चिकित्सा सेवा (AFMS) ने शॉर्ट सर्विस कमीशन अंतर्गत मेडिकल ऑफिसरच्या १२० पदांसाठी शॉर्ट नोटिफिकेशन जारी केले आहे. याच्या माध्यमातून देशातील पुरुष आणि महिला डॉक्टरांना भारतीय सेना, नौसेना आणि वायुसेनेत मेडिकल ऑफिसर म्हणून देशसेवा करण्याचा मान मिळणार आहे.

एकूण १२० जागांपैकी ९० जागा पुरुष उमेदवारांसाठी आणि ३० जागा महिला उमेदवारांसाठी आरक्षित करण्यात आल्या आहेत. देशाच्या रक्षणासोबतच मेडिकल प्रोफेशनमध्ये उंच शिखरे सर करण्यासाठी हा उत्तम मार्ग आहे. सैन्यात मेडिकल ऑफिसरच्या भरती प्रक्रियेसाठी ऑनलाइन अर्ज ९ नोव्हेंबर २०२६ पासून सुरू होणार आहेत. अर्ज करण्याची अंतिम तारीख १८ नोव्हेंबर २०२६ निश्चित करण्यात आली आहे. इच्छुक आणि पात्र उमेदवार सशस्त्र दलाच्या अधिकृत वेबसाइट join.afms.gov.in वर जाऊन ऑनलाइन अर्ज करू शकतात.

भारतीय सैन्यात मेडिकल ऑफिसरची नोकरी कशी मिळवाल?

भारतीय सैन्यातील मेडिकल ऑफिसरच्या भरतीचे वैशिष्ट्य म्हणजे यामध्ये एमबीबीएससोबतच पोस्ट ग्रॅजुएट डिग्री किंवा डिप्लोमाधारक तरुणसुद्धा अर्ज करू शकतात. निवड प्रक्रियेमध्ये उमेदवारांना मुलाखत आणि वैद्यकीय चाचणीच्या टप्प्यांमधून जावे लागेल. यानंतर देशाच्या तिन्ही दलांमध्ये सेवा करण्याचे स्वप्न पूर्ण होईल.

शैक्षणिक पात्रता आणि वयोमर्यादा

शैक्षणिक पात्रता: उमेदवाराकडे देशातील कोणत्याही मान्यताप्राप्त मेडिकल कॉलेज किंवा विद्यापीठाची एमबीबीएस (MBBS) डिग्री असणे आवश्यक आहे. याशिवाय, उमेदवाराची राज्य मेडिकल कौंसिल किंवा नॅशनल मेडिकल कमिशनमध्ये स्थायी नोंदणी (Permanent Registration) अनिवार्य आहे. पीजी डिप्लोमा आणि पीजी (MD/MS/DNB) डिग्रीधारक तरुणसुद्धा यासाठी अर्ज करू शकतात.

वयोमर्यादा (३१ डिसेंबर २०२६ पर्यंत): एमबीबीएस आणि पीजी डिप्लोमा धारकांसाठी कमाल वयोमर्यादा ३० वर्षे ठरवण्यात आली आहे.तर पीजी (MD/MS) डिग्री धारकांसाठी कमाल वयोमर्यादा ३५ वर्षे ठेवण्यात आली आहे.

How to Use AI: NEET, JEE आणि UPSC तयारी आता होणार आणखी सोपी; AI ठरणार विद्यार्थ्यांचा स्मार्ट स्टडी पार्टनर!

भारतीय सैन्य भरती २०२६ अपडेट:

जर तुम्हाला भारतीय सैन्यात मेडिकल ऑफिसर पदासाठी अर्ज करायचा असेल, तर खालील तारखा लक्षात ठेवा:

• सविस्तर नोटिफिकेशन जारी होण्याची तारीख: ७ नोव्हेंबर २०२६
• ऑनलाइन अर्ज सुरू होण्याची तारीख: ९ नोव्हेंबर २०२६
• ऑनलाइन अर्ज करण्याची अंतिम तारीख: १८ नोव्हेंबर २०२६

अर्ज शुल्क: सर्व श्रेणीतील उमेदवारांसाठी अर्ज शुल्क केवळ २०० रुपये ठेवण्यात आले आहे. याचा भरणा ऑनलाइन मोडद्वारे केला जाईल.

निवड प्रक्रिया आणि मुलाखत समजावून घ्या:

AFMS मेडिकल ऑफिसर पदांसाठीची निवड प्रक्रिया अत्यंत पारदर्शक असते:
१. शॉर्टलिस्टिंग: ऑनलाइन अर्ज करणाऱ्या पात्र उमेदवारांच्या कागदपत्रांच्या आणि गुणांच्या आधारे त्यांना शॉर्टलिस्ट केले जाईल.
२. मुलाखत (Interview): शॉर्टलिस्ट केलेल्या उमेदवारांना दिल्ली येथील आर्मी हॉस्पिटल (Research & Referral) मध्ये मुलाखतीसाठी बोलावले जाईल. ही मुलाखत डिसेंबर २०२६ मध्ये होण्याची शक्यता आहे.
३. मेडिकल आणि फिजिकल टेस्ट: मुलाखतीत यशस्वी झालेल्या उमेदवारांना वैद्यकीय आणि शारीरिक फिटनेस चाचणी द्यावी लागेल. हे सर्व टप्पे यशस्वीरीत्या पार केल्यानंतर अंतिम मेरीट लिस्ट तयार केली जाईल.

Bank of Baroda 2026: बँक ऑफ बड़ौदामध्ये नोकरीची सुवर्णसंधी! ‘या’ पदासाठी भरती जाहीर, लगेच करा अप्लाय!

सैन्य भरतीसाठी अर्ज कसा करावा?

जर तुम्हाला अधिकृत वेबसाइटच्या माध्यमातून सैन्यात भरतीसाठी अर्ज करायचा असेल, तर या सोप्या स्टेप्स फॉलो करा:
१. AFMS च्या अधिकृत वेबसाइट join.afms.gov.in वर जा.
२. होम पेजवर दिलेल्या ‘Medical Officer (SSC) Recruitment 2026’ च्या लिंकवर क्लिक करा.
३. त्यानंतर मागितलेली माहिती एंटर करून आपली नवीन नोंदणी (Sign Up) पूर्ण करा.
४. नोंदणी केल्यानंतर आपल्या लॉगिन आयडी आणि पासवर्डद्वारे अर्ज फॉर्ममध्ये लॉगिन करा.
५. फॉर्ममध्ये आपली शैक्षणिक पात्रता, वैयक्तिक माहिती आणि इतर आवश्यक तपशील भरा.
६. आपले सर्व आवश्यक कागदपत्रे अपलोड करा.
७. ठरवलेले २०० रुपयांचे ऑनलाइन अर्ज शुल्क जमा करा.
८. अर्ज सबमिट केल्यानंतर त्याची प्रिंट काढून आपल्याकडे सुरक्षित ठेवा.