महाराष्ट्र आणि जमर्नीतील ‘या’ राज्यामध्ये करार! परदेशात शिक्षण घेण्यासाठी इच्छुक विद्यार्थ्यांसाठी सुवर्णसंधी

महाराष्ट्र आणि जर्मनीतील बाडेन-वुटेमबर्ग राज्यादरम्यान झालेल्या महत्त्वपूर्ण करारामुळे नर्सिंग विद्यार्थ्यांसाठी जर्मनीत प्रशिक्षण व रोजगाराच्या नव्या संधी उपलब्ध झाल्या.

• बाडेन-वुटेमबर्ग राज्यादरम्यान नर्सिंग क्षेत्रातील सहकार्य वाढवण्यासाठी महत्त्वपूर्ण संयुक्त करार
• उत्कृष्ट प्रशिक्षण, प्रगत कौशल्यविकास आणि रोजगाराच्या संधी उपलब्ध
• वैद्यकीय शिक्षण राज्यमंत्री माधुरी मिसाळ यांची माहिती

परदेशात शिक्षण घेण्याची मनात इचछा बाळगणाऱ्या विद्यार्थ्यांसाठी एक आनंदाची बातमी आहे. तुमचे परदेशात जाऊन शिक्षण घेण्याचे स्वप्न पूर्ण करण्यासाठी आता राज्य शिक्षण मंडळ प्रयत्नशील आहे. मुळात, महाराष्ट्र आणि जर्मनीतील बाडेन-वुटेमबर्ग राज्यादरम्यान नर्सिंग क्षेत्रातील सहकार्य वाढवण्यासाठी महत्त्वपूर्ण संयुक्त करार झाला आहे. या करारामुळे राज्यातील नर्सिंग विद्यार्थ्यांना जर्मनीमध्ये उत्कृष्ट प्रशिक्षण, प्रगत कौशल्यविकास आणि रोजगाराच्या संधी उपलब्ध होणार असल्याची माहिती वैद्यकीय शिक्षण राज्यमंत्री माधुरी मिसाळ यांनी दिली. (Agreement between Maharashtra and the German state of Baden-Württemberg! A golden opportunity for students interested in studying abroad)

श्रीपाद कृष्ण कोल्हटकर महाविद्यालयात संविधान तसेच एड्स जनजागरण अभियान! स्पर्धेत विद्यार्थ्यांचा उत्स्फूर्त सहभाग

सह्याद्री अतिथीगृह, मुंबई येथे राज्यमंत्री मिसाळ आणि बाडेन-वुटेमबर्ग राज्याचे मंत्री मॅनफ्रेड लुखा यांनी संयुक्त जाहीरनाम्यावर स्वाक्षरी केली. यावेळी वैद्यकीय शिक्षण विभागाचे सचिव धीरजकुमार, आयुक्त डॉ. अनिल भंडारी, संचालक डॉ. अजय चंदनवाले, सहसचिव डॉ. सुवर्णा खरात, अर्चना बडे, धीरेंद्र रामटेके यांच्यासह जर्मन प्रतिनिधी मंडळ व विभागातील वरिष्ठ अधिकारी उपस्थित होते. (Baden-Württemberg and Maharashtra)

माधुरी मिसाळ यांनी सांगितले की, कराराअंतर्गत भाषा प्रशिक्षण, कौशल्यविकास, प्रमाणपत्र मान्यतेची प्रक्रिया सुलभ करणे आणि जर्मनीत काम करणाऱ्या नर्सेसच्या सन्मान व संरक्षणासाठी विशेष उपाययोजना राबविण्यात येणार आहेत. उच्च दर्जाचे नर्सिंग मनुष्यबळ तयार करणे ही या उपक्रमाची प्रमुख उद्दिष्टे आहेत. दोन्ही राज्यांतील नर्सिंग शिक्षण संस्था आणि विद्यापीठांदरम्यान विद्यार्थी–प्राध्यापक आदानप्रदान, संयुक्त प्रशिक्षण, अभ्यासदौरे आणि संशोधन उपक्रम राबवून शिक्षणाची गुणवत्ता आंतरराष्ट्रीय स्तरावर नेण्यात येणार आहे.

जर्मन मंत्री मॅनफ्रेड लुखा यांनी सांगितले की, आरोग्यसेवा क्षेत्रातील कौशल्याधारित शिक्षणाचा विस्तार करणे, संशोधन वाढवणे आणि परदेशी रोजगार संधी निर्माण करणे यावर विशेष भर देण्यात येणार आहे. या सहकार्यामुळे तरुणांना विदेशात करिअर उभारण्याची संधी मिळेल आणि आरोग्य क्षेत्रासाठी अधिक सक्षम मनुष्यबळ तयार होईल.

प्रोजेक्ट मुंबईकडून झिरो वेस्ट स्कूल्स सस्टेनेबिलिटी 2025 मेळाव्याचे आयोजन

बाडेन-वुटेमबर्ग राज्याचे प्रतिनिधी ३० नोव्हेंबर ते ६ डिसेंबर २०२५ दरम्यान महाराष्ट्राच्या दौर्‍यावर होते. या भेटीत नर्सिंग क्षेत्रातील सहकार्य वाढवणे व कौशल्य विकासासाठी नवीन मार्ग उभारणे यावर चर्चा झाली. या संयुक्त उपक्रमामुळे महाराष्ट्र आणि बाडेन-वुटेमबर्ग राज्यांदरम्यान आरोग्य व नर्सिंग क्षेत्रातील आंतरराष्ट्रीय भागीदारी आणखी मजबूत होणार आहे.