Sainik School Admission 2027: सैनिक स्कूल प्रवेश परीक्षेची नोंदणी सुरू! ६ वी आणि ९ वीच्या प्रवेशासाठी ‘या’ तारखेपर्यंत अर्ज सुरू

• AISSEE द्वारे कुठे-कुठे प्रवेश मिळेल?
• वयाची पात्रता काय आहे?
• नवीन सैनिक शाळांमध्ये २ कॅटेगरीत होणार प्रवेश

अर्ज करण्याची शेवटची तारीख २ डिसेंबर २०२६ आहे. AISSEE २०२७ द्वारे देशभरातील प्रमुख ३३ सैनिक शाळांमध्ये इयत्ता ६ वी आणि ९ वीचे प्रवेश दिले जातील. सैनिक स्कूल प्रवेश परीक्षा ३१ जानेवारी २०२७ रोजी आयोजित केली जाईल आणि निकाल परीक्षेच्या ४ ते ६ आठवड्यांनंतर जाहीर केला जाईल. परीक्षेची अचूक तारीख नंतर जारी केली जाईल.

महत्त्वाच्या गोष्टी:

१. AISSEE द्वारे कुठे-कुठे प्रवेश मिळेल?

देशभरातील ३३ सैनिक शाळांमध्ये इयत्ता ६ वी आणि इयत्ता ९ वी मध्ये प्रवेश दिला जाईल. तसेच संरक्षण मंत्रालयाने मंजूर केलेल्या ८० नवीन सैनिक शाळांमध्ये इयत्ता ६ वीच्या स्तरावर आणि ४० नवीन सैनिक शाळांमध्ये इयत्ता ९ वीच्या स्तरावर प्रवेश मिळेल.

२. वयाची पात्रता काय आहे?

इयत्ता ६ वी साठी विद्यार्थ्याचे वय ३१ मार्च २०२७ रोजी १० ते १२ वर्षांच्या दरम्यान असावे. यासाठी मुलगे आणि मुली दोघेही अर्ज करू शकतात.

नवीन सैनिक शाळांचा ६०% रूट (Category B): यासाठी विद्यार्थी आधीपासूनच संबंधित मंजूर नवीन सैनिक शाळेत नामांकित असणे आणि इयत्ता ५ वी मध्ये शिकत असणे/उत्तीर्ण असणे अनिवार्य आहे.

इयत्ता ९ वी साठी विद्यार्थ्याचे वय ३१ मार्च २०२७ रोजी १३ ते १५ वर्षांच्या दरम्यान असावे. प्रवेशाच्या वेळी कोणत्याही मान्यताप्राप्त शाळेतून इयत्ता ८ वी उत्तीर्ण असणे आवश्यक आहे. मुलगे आणि मुली दोघेही पात्र आहेत.

३. अर्ज शुल्क

जनरल, ओबीसी, संरक्षण, माजी सैनिक प्रवर्गासाठी अर्ज शुल्क ८५० रुपये आहे. तर एससी आणि एसटी प्रवर्गासाठी ७०० रुपये शुल्क भरावे लागेल.

४. नवीन सैनिक शाळांमध्ये २ कॅटेगरीत होणार प्रवेश

इयत्ता ६ वी:

कॅटेगरी A (४०% रूट): मुलींसाठी प्रवेश खुला आहे. वयाचे निकष मुलांप्रमाणेच आहेत. उमेदवारांनी संबंधित नवीन सैनिक शाळेच्या संकेतस्थळावर मुलींच्या जागांची उपलब्धता तपासावी.

कॅटेगरी B (६०% रूट): मुलींसाठी प्रवेश खुला आहे. उमेदवारांनी ३१ मार्च २०२७ पर्यंत संबंधित नवीन सैनिक शाळेत इयत्ता ५ वी उत्तीर्ण केलेली असावी किंवा ५ वी मध्ये शिकत असावे.

इयत्ता ९ वी (न्यू सैनिक स्कूल):

कॅटेगरी A (४०% रूट): प्रवेश केवळ अशा मुला-मुलींसाठी आहे ज्यांनी सैनिक स्कूल व्हर्टिकलमध्ये इयत्ता ८ वी उत्तीर्ण केली आहे.

कॅटेगरी B (६०% रूट): प्रवेश केवळ अशा बचीत रिक्त जागांपर्यंत मर्यादित आहे ज्या ४०% रूटअंतर्गत भरल्या गेल्या नाहीत.

IIT Kanpur MBBS Admission: आयआयटी कानपूर रचणार इतिहास! आता इंजिनिअरिंगच नव्हे तर MBBS चेही शिक्षण देणार

८. सैनिक स्कूल प्रवेश परीक्षेच्या महत्त्वाच्या तारखा

• ऑनलाइन अर्ज सादर करण्याची तारीख: ०३ नोव्हेंबर २०२६ ते ०२ डिसेंबर २०२६ (रात्री ११:५० वाजेपर्यंत).
• सामान्य शुल्क भरण्याची शेवटची तारीख: ०२ डिसेंबर २०२६ (रात्री ११:५० वाजेपर्यंत).
• ५०० रुपये लेट फीसह अर्ज व शुल्क भरणे: ०३ डिसेंबर २०२६ ते ०६ डिसेंबर २०२६ (रात्री ११:५० वाजेपर्यंत).
• अर्जात दुरुस्ती : ०७ डिसेंबर २०२६ ते ०९ डिसेंबर २०२६ (रात्री ११:५० वाजेपर्यंत).
• परीक्षा शहराची पूर्वसूचना : ११ जानेवारी २०२७.
• ॲडमिट कार्ड डाऊनलोड करण्याची तारीख: २५ जानेवारी २०२७ पासून.
• परीक्षेची तारीख: ३१ जानेवारी २०२७.