बुधवार, 4 नोव्हेंबर 2026
फोटो सौजन्य- सोशल मीडिया
‘क्यूएस वर्ल्ड युनिव्हर्सिटी रँकिंग: आशिया २०२७’ मध्ये भारतातील एकूण ३२५ विद्यापीठांचा समावेश झाला असून, यात ३४ नवीन विद्यापीठांनी प्रवेश केला आहे. यासह भारत हा चीननंतर आशिया खंडातील दुसऱ्या क्रमांकाची सर्वात मोठी उच्च शिक्षण प्रणाली असलेला देश बनला आहे. क्यूएसच्या माहितीनुसार, या रँकिंगमध्ये २६ उच्च शिक्षण प्रणालींमधील तब्बल १,७२२ विद्यापीठांचा समावेश आहे. मात्र, भारताचे प्रतिनिधित्व वाढले असले तरी, यावेळच्या यादीत भारतातील अव्वल ६ उच्च संस्थांची रँकिंगमध्ये घसरण झाली आहे.
इंडियन इन्स्टिट्यूट ऑफ टेक्नॉलॉजी (IIT) दिल्ली ही भारतातील सर्वात अव्वल मानांकन असलेली संस्था म्हणून आपले स्थान टिकवून आहे. मात्र, आशियाई स्तरावर ती ५९ व्या स्थानावरून ६६ व्या स्थानावर खाली आली आहे. दुसरीकडे, इंडियन इन्स्टिट्यूट ऑफ सायन्स (IISc) बंगळुरू ७९ व्या क्रमांकासह भारतीय संस्थांमध्ये दुसऱ्या स्थानावर आहे. यानंतर IIT बॉम्बे ८३ व्या, तर IIT मद्रास ८५ व्या स्थानावर आहे. IIT खरगपूर ९० व्या आणि IIT कानपूर ९७ व्या स्थानावर फेकले गेले आहे. गेल्या आवृत्तीच्या तुलनेत या सर्व ६ प्रमुख संस्थांच्या रँकिंगमध्ये घसरण पाहायला मिळाली आहे.
याशिवाय, दिल्ली युनिव्हर्सिटी (DU) आशियातील टॉप १०० च्या यादीतून बाहेर पडली असून ती ९५ व्या स्थानावरून १०६ व्या क्रमांकावर खाली आली आहे. दुसरीकडे, चंदीगड युनिव्हर्सिटीच्या रँकिंगमध्ये सुधारणा झाली असून ती १०९ व्या स्थानावरून १०४ व्या स्थानावर पोहोचली आहे, तर लव्हली प्रोफेशनल युनिव्हर्सिटी (LPU) १८७ व्या स्थानावरून १५४ व्या स्थानावर आली आहे.
Ans: या रँकिंगमध्ये भारतातील ३२५ विद्यापीठांचा समावेश झाला असून, यंदा ३४ नवीन विद्यापीठांनी या यादीत प्रवेश केला आहे.
Ans: IIT दिल्ली ही आशियात ६६ व्या स्थानासह भारतातील सर्वात अव्वल मानांकन असलेली संस्था ठरली आहे.
Ans: 'युनिव्हर्सिटी ऑफ हाँगकाँग' (University of Hong Kong) ने सलग दुसऱ्या वर्षी आशिया खंडात प्रथम क्रमांक पटकावला आहे.
