गुरुवार, 12 नोव्हेंबर 2026
फोटो सौजन्य- सोशल मीडिया
AYUSH Admission 2026 Maharashtra: राज्य सामाईक प्रवेश परीक्षा कक्षातर्फे शैक्षणिक वर्ष २०२६-२७ च्या प्रवेशासाठी आयुष वैद्यकीय शिक्षणाच्या अंतर्गत असलेल्या आयुर्वेद-बीएएमएस, होमिओपॅथी-बीएचएमएस व युनानी-बीयुएमएस या तीन अभ्यासक्रमाच्या केंद्रीभूत प्रवेश प्रक्रियेच्या जागा वाटपाची पहिली यादी जाहीर करण्यात आली. या पहिल्या यादीत तिन्ही अभ्यासक्रमाच्या राज्यात १६६ वैद्यकीय महाविद्यालयात ११ हजार २७२ जागांपैकी १० हजार ५१९ विद्यार्थ्यांना प्रवेशाची संधी मिळाली आहे. तर ७५३ जागा रिक्त आहेत, या रिक्त जागा दुसऱ्या फेरीसाठी उपलब्ध असतील.
आयुर्वेद-बीएएमएस (BAMS) या अभ्यासक्रमाच्या पहिल्या यादीत राज्यात ११३ वैद्यकीय महाविद्यालयात ७ हजार ६८९ जागांपैकी ७ हजार ५४६ विद्यार्थ्यांना प्रवेशाची संधी मिळाली आहे. यामध्ये १६ शासकीय महाविद्यालयात ११५७ व ९७ खाजगी महाविद्यालयात ६३८९ विद्यार्थ्यांना प्रवेशाची मिळाली संधी आहे. तर एकूण १४३ जागा रिक्त आहेत.
होमिओपॅथी-बीएचएमएस या अभ्यासक्रमाच्या पहिल्या यादीत राज्यात ४८ वैद्यकीय महाविद्यालयात ३ हजार ३३३ जागांपैकी २ हजार ७२७ विद्यार्थ्यांना प्रवेशाची संधी मिळाली आहे. या मध्ये २ शासकीय महाविद्यालयात १३४ व ४६ खाजगी महाविद्यालयात २५९३ विद्यार्थ्यांना प्रवेशाची मिळाली संधी आहे. तर एकूण ६०६ जागा रिक्त आहेत.
युनानी-बीयुएमएस या अभ्यासक्रमाच्या पहिल्या यादीत राज्यात ५ वैद्यकीय महाविद्यालयात २५० जागांपैकी २४६ विद्यार्थ्यांना प्रवेशाची संधी मिळाली आहे. यामध्ये २ शासकीय महाविद्यालयात १०२ व ३ खाजगी महाविद्यालयात १४४ विद्यार्थ्यांना प्रवेशाची मिळाली संधी आहे. तर एकूण ४ जागा रिक्त आहेत.
ज्या विद्यार्थ्यांना पहिल्या फेरीमध्ये महाविद्यालय मिळाले आहे, त्या विद्यार्थ्यांनी दिनांक २८ सप्टेंबर २०२६ ते १ ऑक्टोबर २०२६ सायंकाळी ५.३० पर्यंत आवश्यक ती मूळ कागदपत्रे व आवश्यक शुल्काच्या डिमांड ड्राफ्टसह वाटप झालेल्या महाविद्यालयामध्ये प्रत्यक्ष उपस्थित राहून प्रवेश निश्चित करणे आवश्यक आहे.
बँकेच्या सुट्टीच्या दिवशी धनादेशद्वारे शुल्क भरण्यास परवानगी असेल. मात्र, पुढील कामकाजाच्या दिवशी तो डिमांड ड्राफ्टने बदलणे आवश्यक राहील. उमेदवाराने पुढील कामकाजाच्या दिवशी डिमांड ड्राफ्ट सादर न केल्यास त्याचा प्रवेश रद्द करण्यात येऊ शकतो.
| अभ्यासक्रम | महाविद्यालयाचा प्रकार | एकूण महाविद्यालये | उपलब्ध जागा | वाटप केलेल्या जागा | रिक्त जागा |
| बीएएमएस (आयुर्वेद) | शासकीय महाविद्यालय | १६ | ११९६ | ११५७ | ३९ |
| खासगी महाविद्यालय | ९७ | ६४९३ | ६३८९ | १०४ | |
| एकूण | ११३ | ७६८९ | ७५४६ | १४३ | |
| बीएचएमएस (होमिओपॅथी) | शासकीय महाविद्यालय | २ | १३९ | १३४ | ५ |
| खासगी महाविद्यालय | ४६ | ३१९४ | २५९३ | ६०१ | |
| एकूण | ४८ | ३३३३ | २७२७ | ६०६ | |
| बीयुएमएस (युनानी) | शासकीय महाविद्यालय | २ | १०२ | १०२ | ० |
| खासगी महाविद्यालय | ३ | १४८ | १४४ | ४ | |
| एकूण | ५ | २५० | २४६ | ४ | |
| सर्व अभ्यासक्रम मिळून एकूण | – | १६६ | ११,२७२ | १०,५१९ |
