बँक ऑफ बडोदा ऑफिस असिस्टंट भरती 2025: एकूण 500 जणांची केली जाईल नियुक्ती

बँक ऑफ बडोदाने सब-स्टाफ कॅडर अंतर्गत 500 ऑफिस असिस्टंट (पियून) पदांसाठी भरती जाहीर केली आहे. इच्छुक उमेदवार 3 मे ते 23 मे 2025 पर्यंत ऑनलाइन अर्ज करू शकतात.

फोटो सौजन्य - Social Media

Follow Us:

Follow Us:

भारताच्या आघाडीच्या सार्वजनिक बँकांपैकी एक असलेल्या बँक ऑफ बडोदाने ऑफिस असिस्टंट (पियून) पदासाठी 500 रिक्त जागांसाठी भरती प्रक्रिया जाहीर केली आहे. ही भरती सब-स्टाफ कॅडर अंतर्गत नियमित स्वरूपात केली जाणार असून, संपूर्ण देशभरातील शाखा आणि कार्यालयांमध्ये ही पदे भरली जाणार आहेत. या भरती प्रक्रियेमुळे बँकिंग क्षेत्रात प्रवेश करण्याची सुवर्णसंधी निर्माण झाली आहे.

काय असतं Sound इंजिनिअरिंग? कसे करावे करिअर? Music क्षेत्रात मोठ्या संधी

बँक ऑफ बडोदा भरतीसाठी ऑनलाइन अर्ज प्रक्रिया 3 मे 2025 पासून सुरू झाली असून, अर्ज करण्याची अंतिम तारीख 23 मे 2025 आहे. उमेदवारांनी अधिकृत वेबसाईट www.bankofbaroda.in वर जाऊन आपला अर्ज सादर करावा. अर्जाची फी सामान्य, ओबीसी व ईडब्ल्यूएस प्रवर्गासाठी ₹600 तर अनुसूचित जाती, जमाती व इतर मागास प्रवर्गासाठी ₹100 निश्चित करण्यात आली आहे. फीचे पेमेंट ऑनलाइन पद्धतीने करावे लागेल. या पदांसाठी पात्रता मापदंडानुसार उमेदवार किमान 10वी उत्तीर्ण असावा आणि त्याला स्थानिक भाषेचे ज्ञान असणे आवश्यक आहे. वयमर्यादा 1 मे 2025 रोजी 18 ते 26 वर्षे दरम्यान असावी. मागासवर्गीय उमेदवारांसाठी शासन नियमानुसार वयामध्ये सवलत लागू होईल.

निवड प्रक्रिया ही लेखी परीक्षा, स्थानिक भाषा चाचणी, कागदपत्र पडताळणी आणि वैद्यकीय तपासणी अशा चार प्रमुख टप्प्यांवर आधारित असेल. या प्रक्रियेद्वारे उमेदवारांची शैक्षणिक पात्रता, भाषाज्ञान, शारीरिक स्वास्थ्य आणि अधिकृत दस्तऐवजांची पडताळणी केली जाईल. विशेष म्हणजे, या पदासाठी कोणतीही उच्च शैक्षणिक पात्रता आवश्यक नसून केवळ 10वी उत्तीर्ण असलेले उमेदवारही अर्ज करू शकतात. त्यामुळे अल्पशिक्षित पण मेहनती आणि बँकिंग क्षेत्रात करिअर घडवण्याची इच्छा असलेल्या तरुणांसाठी ही एक उत्तम आणि दुर्मिळ संधी आहे.

विदेशी शिक्षणाची स्वप्ने आता नवी मुंबईतच पूर्ण होणार; 8000 कोटी रुपयांचे सामंजस्य करार

इच्छुक उमेदवारांनी भरतीसंदर्भातील सर्व अटी व शर्ती काळजीपूर्वक वाचूनच अर्ज करावा, कारण कोणतीही माहिती चुकीची भरल्यास अर्ज फेटाळला जाऊ शकतो. ही भरती प्रक्रिया ही केवळ नोकरी मिळवण्याची पायरी नसून, बँकिंग क्षेत्रात एक स्थिर, सुरक्षित आणि सन्माननीय करिअर घडवण्याची दिशा आहे. त्यामुळे जे उमेदवार पात्र आहेत, त्यांनी ही संधी न दवडता, वेळेच्या आत अर्ज सादर करून आपल्या उज्वल भविष्यासाठी पहिला ठोस टप्पा पार करावा.

Web Title: Bank of baroda office assistant peon recruitment 2025

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com