Vlogs असोत की चित्रपट, सगळीकडे Drone Developers ची चर्चा; मिळतो छप्परफाड पगार, जाणून घ्या शिक्षण

हल्ली YouTube वरील व्हिडिओज असो की चित्रपटं, सगळीकडेच Drone चा वापर केला असतो. मात्र, हेच ड्रोन बनवावे तरी कसे? यासाठी कोणते शिक्षण घ्यावे लागते? चला याबद्दल जाणून घेऊयात.

ड्रोन ही आजच्या काळात सर्वात वेगाने वाढणाऱ्या टेक्नॉलॉजीपैकी एक आहे. ही टेक्नॉलॉजी केवळ सैन्य आणि संरक्षण क्षेत्रातच वापरली जात नाही, तर शेती, चित्रपट, डिलिव्हरी, मॅपिंग आणि सर्वेक्षण सारख्या क्षेत्रातही वापरली जाते. अशा परिस्थितीत, जर तुम्हालाही या टेक्नॉलॉजीत करिअर करायचे असेल, तर ड्रोन डेव्हलपर किंवा ड्रोन पायलट बनणे हा एक उत्तम पर्याय असू शकतो.

तुम्ही ड्रोनला एक लहान उडणारा रोबोट देखील म्हणू शकता, जो कम्प्युटर किंवा रिमोट कंट्रोलने उडवला जातो. त्यात कॅमेरे, सेन्सर आणि मोटर्स असतात, जे त्याला उडण्यास, फोटो आणि व्हिडिओ घेण्यास आणि डेटा गोळा करण्यास मदत करतात. आता प्रश्न असा आहे की ड्रोन बनवण्यासाठी किंवा उडवण्यासाठी कोणता कोर्स करावा, यामागील शिक्षण कुठे घ्यावे आणि यातून किती कमाई करता येईल?

नोकरी करता-करता करा AI शॉर्ट सर्टिफिकेट कोर्स! तुमच्या स्मार्टनेसला तोड नसेल

हा अभ्यासक्रम लक्षात ठेवा

जर तुम्हाला ड्रोन डेव्हलपर बनायचे असेल, तर सर्वप्रथम तुम्हाला टेक्निकल अभ्यास करावा लागेल. यासाठी इलेक्ट्रॉनिक्स आणि कम्युनिकेशनमध्ये बी.टेक किंवा एरोनॉटिकल इंजिनिअरिंगमध्ये बी.टेक असे अभ्यासक्रम करता येतील. या अभ्यासक्रमांचा कालावधी 4 वर्षांचा आहे आणि यामध्ये ड्रोन सेन्सर, जीपीएस, कॅमेरा आणि डिझायनिंग शिकवले जाते. जर तुम्हाला कमी वेळेत कोर्स करायचा असेल, तर तुम्ही 1 ते 2 वर्षांचा डिप्लोमा कोर्स किंवा 3 ते 6 महिन्यांचा सर्टिफिकेट कोर्स देखील करू शकता.

भारतात ड्रोन टेक्नॉलॉजीसाठी अनेक चांगल्या संस्था आहेत जसे की IIT(दिल्ली, कानपूर, मुंबई), IIAE डेहराडून, IIST तिरुवनंतपुरम, NIELIT आणि इंडियन इन्स्टिट्यूट ऑफ ड्रोन टेक्नॉलॉजी. या संस्थांमध्ये तुम्ही ड्रोन डेव्हलपमेंट, पायलटिंग आणि प्रोग्रामिंगचे कोर्स करू शकता.

‘या’ 20 वर्षीय पोरीच्या जिद्दीला सलाम ! ना NEET, ना UPSC झाली क्रॅक; आता मिळवला 72 लाखांचा पॅकेज

किती असेल फी?

जर आपण फीबद्दल बोललो तर सरकारी कॉलेजांमध्ये फी दरवर्षी 50 हजार ते 2 लाख रुपयांपर्यंत असते आणि खाजगी कॉलेजांमध्ये हीच फी 3 ते 5 लाख रुपयांपर्यंत जाते. डिप्लोमा आणि सर्टिफिकेट कोर्ससाठी एकूण फी सुमारे 30 हजार ते 1 लाख रुपयांपर्यंत असते.

ड्रोन डेव्हलपर झाल्यानंतर, तुम्हाला अनेक क्षेत्रात काम मिळू शकते. जसे की संरक्षण क्षेत्र (DRDO, भारतीय सेना), कृषी (DeHaat, Fasal), डिलिव्हरी कंपन्या (अमेझॉन, फ्लिपकार्ट), चित्रपट उद्योग आणि सर्वेक्षण एजन्सी. याशिवाय, तुम्ही लग्न, कार्यक्रम किंवा रिअल इस्टेट फोटोग्राफीमध्ये सुद्धा फ्रीलांसर म्हणून काम करू शकता.

पगार किती?

सुरुवातीचा पगार दरवर्षी 3 ते 6 लाख रुपये असू शकतो. अनुभवी लोक 10 ते 20 लाख रुपये कमवू शकतात. फ्रीलांसर एका प्रोजेक्टसाठी 50 हजार ते 2 लाख रुपये कमवू शकतात.