केंद्रीय मंत्री पीयूष गोयल यांची महत्वाची घोषणा! कांदिवलीत Cisco–CII सेंटर फॉर एआय, नेटवर्किंग अँड आंत्रप्रेन्योरशिपची घोषणा

केंद्रीय मंत्री आणि उत्तर मुंबईचे खासदार पीयूष गोयल यांनी कांदिवलीत सिस्को–सीआयआय सेंटर फॉर एआय, नेटवर्किंग अँड आंत्रप्रेन्योरशिपच्या स्थापनेची घोषणा केली आहे.

• एक लाख युवांना भविष्याच्या तंत्रज्ञानाचे प्रशिक्षण दिले जाणार
• कांदिवलीत सिस्को–सीआयआय सेंटर फॉर एआय, नेटवर्किंग अँड आंत्रप्रेन्योरशिपची स्थापना
• टल बिहारी वाजपेयी कौशल्य विकास केंद्रात स्थापना
  

कांदिवली पूर्व येथील अटल बिहारी वाजपेयी कौशल्य विकास केंद्रात सिस्को–सीआयआय सेंटर फॉर एआय, नेटवर्किंग अँड आंत्रप्रेन्योरशिप स्थापन होणार असल्याची घोषणा केंद्रीय मंत्री आणि उत्तर मुंबईचे खासदार पीयूष गोयल यांनी केली. या उपक्रमामुळे उत्तर मुंबई डिजिटल कौशल्ये, नवकल्पना आणि उद्यम विकासाचे नवीन हब म्हणून उदयास येणार आहे.

हे केंद्र पंतप्रधान नरेंद्र मोदी यांच्या कौशल्य विकास आणि फ्युचर-रेडी वर्कफोर्स निर्माण करण्याच्या दृष्टीकोनाशी सुसंगत असल्याचे गोयल यांनी सांगितले. सिस्कोच्या आंतरराष्ट्रीय “40 Communities Initiative” अंतर्गत निवडले गेलेले हे जागतिक स्तरावरील पहिले लोकेशन असल्याने मुंबईसाठी ही मोठी उपलब्धी म्हणून पाहिली जाते.

L वॉर्ड विज्ञान प्रदर्शनात गांधी शाळेची चमकदार कामगिरी! विविध स्पर्धांमध्ये घेतला सहभाग

गोयल यांची प्रतिक्रिया

या घोषणेसंदर्भात पीयूष गोयल म्हणाले की, “भारताचा युवा हा आमचा सर्वात मोठा स्पर्धात्मक advantage आहे. उद्योगाला स्किलिंगशी जोडल्याने त्याची परिणामकारकता वाढते. हे केंद्र विशेषतः महिला आणि पहिल्या पिढीतील शिकणाऱ्यांना एआय, नेटवर्किंग, सायबर सिक्युरिटी आणि ऑटोमेशन यांसारख्या कौशल्यांनी सक्षम करेल.” त्यांनी पुढे सांगितले की, या केंद्राच्या स्थापनेमुळे उत्तर मुंबईत अधिकाधिक रोजगार, उद्यमिता आणि तंत्रज्ञान आधारित संधी निर्माण होतील.

Chhattisgarh News: शिक्षकांच्या जबाबदारीत आणखीन भर! आता ठेवावे लागणार साप-विंचूंवरही लक्ष, शिक्षक नाराज

तीन वर्षांत १ लाख युवांना प्रशिक्षण

केंद्र सुरू झाल्यानंतर पुढील सुविधा उपलब्ध होणार आहेत:

• १ लाख युवा हायब्रिड लर्निंग मॉडेलद्वारे प्रशिक्षित
• सर्व कार्यक्रमांमध्ये किमान ४०% महिला सहभाग
• उद्योगमान्य लॅब्स, वास्तविक प्रकल्प, डिझाईन थिंकिंग स्पेस
• स्थानिक एमएसएमई आणि उद्योगांसाठी प्रशिक्षित टेक-टॅलेंटची उपलब्धता

केंद्रात इनोव्हेशन लॅब, मेकर्स्पेस, डिझाईन थिंकिंग झोन आणि उद्यमिता सल्ला मंडळ असेल, ज्यामुळे रोजगार निर्मिती व नवीन उद्यम उभारणीला चालना मिळणार आहे.