Job Alert: 12 वी पास उमेदवारांसाठी सुवर्णसंधी! ‘आधार’ सुपरवायझर आणि ऑपरेटर पदांच्या 236 जागांसाठी भरती जाहीर

'कॉमन सर्विस सेंटर' (CSC) ई-गव्हर्नन्स सर्व्हिसेस इंडिया लिमिटेडने विविध राज्यांमध्ये आधार सुपरवायझर आणि ऑपरेटर पदांच्या एकूण 236 जागांसाठी अधिकृत अधिसूचना प्रसिद्ध केली आहे.

• 12 वी पास उमेदवारांसाठी सुवर्णसंधी!
• ‘आधार’ सुपरवायझर आणि ऑपरेटर पदांच्या 236 जागांसाठी भरती जाहीर
• जाणून घ्या कसा करणार अर्ज?

CSC E-Governance Jobs: सरकारी नोकरीच्या शोधात असलेल्या तरुणांसाठी एक महत्त्वाची बातमी समोर आली आहे. ‘कॉमन सर्विस सेंटर’ (CSC) ई-गव्हर्नन्स सर्व्हिसेस इंडिया लिमिटेडने विविध राज्यांमध्ये आधार सुपरवायझर आणि ऑपरेटर पदांच्या एकूण 236 जागांसाठी अधिकृत अधिसूचना प्रसिद्ध केली आहे. या भरती प्रक्रियेमुळे डिजिटल सेवा क्षेत्रात करिअर करू इच्छिणाऱ्या 12 वी पास उमेदवारांना मोठी संधी उपलब्ध झाली आहे.

अर्ज प्रक्रिया आणि महत्त्वाची मुदत

सीएससी (CSC) ई-गव्हर्नन्स सर्व्हिसेस इंडिया लिमिटेडमार्फत या पदांसाठी ऑनलाइन अर्ज प्रक्रिया 2 एप्रिल पासून सुरू झाली आहे. इच्छुक आणि पात्र उमेदवारांना आपले अर्ज सादर करण्यासाठी 20 मे 2026 पर्यंतची मुदत देण्यात आली आहे. विहित मुदतीनंतर येणाऱ्या अर्जांचा विचार केला जाणार नाही, त्यामुळे उमेदवारांनी अधिकृत वेबसाइटवर जाऊन तातडीने नोंदणी करण्याचे आवाहन करण्यात आले आहे.

आवश्यक शैक्षणिक पात्रता (Eligibility Criteria)

या पदांसाठी अर्ज करणाऱ्या उमेदवारांकडे खालीलपैकी कोणतीही एक शैक्षणिक पात्रता असणे आवश्यक आहे:

• कोणत्याही मान्यताप्राप्त बोर्डातून 12 वी (इंटरमीडिएट) उत्तीर्ण.
• किंवा 10 वी उत्तीर्ण उमेदवारांकडे 2 वर्षांचा आयटीआय (ITI) कोर्स पूर्ण असणे गरजेचे आहे.
• किंवा 10 वी नंतर 3 वर्षांचा पॉलिटेक्निक डिप्लोमा असणे अनिवार्य आहे.

उमेदवाराकडे UIDAI द्वारे अधिकृत केलेल्या चाचणी आणि प्रमाणन संस्थेकडून जारी केलेले ‘आधार ऑपरेटर/सुपरवायझर’ प्रमाणपत्र असणे आवश्यक आहे. तसेच, उमेदवाराला संगणकाचे मूलभूत ज्ञान असणे अनिवार्य आहे.

CET News : दुसऱ्या संधीच्या PCM-PCB नोंदणीला उस्फुर्त प्रतिसाद; दोन दिवसांत ‘इतक्या’ विद्यार्थ्यांची नोंदणी

वयोमर्यादा आणि अटी

• किमान वय: उमेदवाराचे वय किमान १८ वर्षे पूर्ण असावे.
• वयोमर्यादेत सूट: सरकारी नियमांनुसार, राखीव प्रवर्गातील उमेदवारांना कमाल वयोमर्यादेत शिथिलता दिली जाईल.

अर्ज कसा करावा?

पात्र उमेदवारांनी खालील पद्धतीने ऑनलाइन अर्ज सादर करावा:

1. सर्वप्रथम सीएससी ई-गव्हर्नन्स सर्व्हिसेस इंडिया लिमिटेडच्या अधिकृत वेबसाइटवर जा.

2. होमपेजवर आपल्या राज्यानुसार संबंधित पदासाठी दिलेल्या सक्रिय लिंकवर क्लिक करा.

3. ‘रजिस्ट्रेशन’ पूर्ण करून लॉगिन आयडी तयार करा.

4. अर्जात विचारलेली सर्व वैयक्तिक आणि शैक्षणिक माहिती अचूक भरा.

5. आवश्यक कागदपत्रे विहित आकारात (Size) अपलोड करा.

6. संपूर्ण फॉर्म पुन्हा एकदा तपासून ‘सबमिट’ करा आणि अर्जाची प्रिंट काढून ठेवा.

या भरती प्रक्रियेबाबत अधिक सविस्तर माहिती आणि अटी जाणून घेण्यासाठी उमेदवारांनी सीएससी ई-गव्हर्नन्स सर्व्हिसेस इंडिया लिमिटेडने प्रसिद्ध केलेली सविस्तर अधिसूचना काळजीपूर्वक वाचावी.

Maharashtra Board Result 2026: 10 वी आणि 12 वीचा निकाल ‘या’ दिवशी लागण्याची शक्यता, संभाव्य तारखा आल्या समोर