CSIBER Kolhapur Recruitment : खूशखबर! कोल्हापूरच्या CSIBER संस्थेत २८ प्राध्यापक पदांची भरती; अर्ज प्रक्रिया लगेच जाणून घ्या

CSIBER Kolhapur Recruitment 2026: छत्रपती शाहू इन्स्टिट्यूट ऑफ बिझनेस एज्युकेशन अँड रिसर्च (CSIBER) कोल्हापूरमध्ये २८ प्राध्यापक पदांची भरती जाहीर झाली आहे. ९ सप्टेंबर २०२६ पर्यंत ई-मेलद्वारे अर्ज करा.

• प्राध्यापक पदांच्या २८ रिक्त जागा भरल्या जाणार
• अर्ज ऑनलाईन स्वीकारले जातील
• चाचणी किंवा मुलाखतीद्वारे होणार निवड

CSIBER Kolhapur Recruitment 2026: सरकारी नोकरीचे स्वप्न पाहणाऱ्या तरुणांसाठी एक आनंदाची बातमी आहे. कोल्हापूरच्या प्रसिद्ध छत्रपती शाहू इन्स्टिट्यूट ऑफ बिझनेस एज्युकेशन अँड रिसर्च (CSIBER) कोल्हापूर संस्थेअंतर्गत शिक्षक भरतीची मोठी घोषणा करण्यात आली आहे. या भरती प्रक्रियेमार्फत विविध प्राध्यापक पदांच्या एकूण २८ रिक्त जागा भरल्या जाणार आहेत. यामध्ये प्राध्यापक, सहयोगी प्राध्यापक आणि सहाय्यक प्राध्यापक या महत्त्वाच्या पदांचा समावेश असून, इच्छुक व पात्र उमेदवारांना ९ सप्टेंबर २०२६ पर्यंत अर्ज करण्याचे आवाहन करण्यात आले आहे.

या भरती मोहिमेत प्राध्यापक, सहयोगी प्राध्यापक आणि सहाय्यक प्राध्यापक (Assistant Professor) ही पदे भरली जाणार आहेत. संस्थेच्या नियमानुसार पदानुसार शैक्षणिक पात्रता आणि अनुभव असणे आवश्यक आहे. उमेदवारांनी अर्ज करण्यापूर्वी संस्थेच्या अधिकृत संकेतस्थळावर उपलब्ध असलेली सविस्तर जाहिरात काळजीपूर्वक वाचावी, जेणेकरून पात्रतेबाबत कोणतीही अडचण येणार नाही.

Pune Metro Recruitment 2026: पुणे मेट्रोमध्ये नोकरीची सुवर्णसंधी ‘या’ रिक्त पदांसाठी आजच अर्ज करा

‘या’ तारखेपर्यंत करा अर्ज

या भरती प्रक्रियेसाठी अर्ज प्रक्रिया २६ ऑगस्ट २०२६ पासून सुरू झाली असून, अर्ज ऑनलाइन पद्धतीने (ई-मेलद्वारे) स्वीकारले जात आहेत. अर्ज करण्याची अंतिम मुदत ९ सप्टेंबर २०२६ (जाहिरात प्रसिद्ध झाल्यापासून १५ दिवसांच्या आत) निश्चित करण्यात आली आहे. उमेदवारांनी आपला अर्ज आणि आवश्यक कागदपत्रे या admin@siberindia.edu.in ई-मेल पत्त्यावर पाठवणे आवश्यक आहे.

DPCC Recruitment 2026: दिल्ली प्रदूषण नियंत्रण समितीमध्ये ‘या’ पदांवर भरती जाहीर; २ लाखांपर्यंत पगार, त्वरित करा अर्ज!

निवड प्रक्रिया

या भरतीमध्ये उमेदवारांची निवड चाचणी किंवा मुलाखतीद्वारे केली जाणार आहे. कोल्हापूर येथे शैक्षणिक क्षेत्रात करिअर करू इच्छिणाऱ्या उच्चशिक्षित तरुणांसाठी ही एक उत्तम संधी आहे. अधिक माहितीसाठी व जाहिरात डाऊनलोड करण्यासाठी [http://www.siberindia.edu.in/](http://www.siberindia.edu.in/) या अधिकृत संकेतस्थळाला भेट द्यावी.

MPSC Exam Cancelled : MPSC ड्रग इन्स्पेक्टर भरती परीक्षा रद्द, पेपर लीक प्रकरणामुळे सरकारचा मोठा निर्णय